Бүгүн, 9-апрелде коңшу Казакстандын Алматы шаарында "Токио-2020" жайкы Олимпиада оюндарына тандап алуу турнири Бишкек убактысы боюнча саат 11:00дө башталды.
Мелдешке Кыргыз өлкөсүнүн атынан күрөштүн грек-рим түрү боюнча 67 килограмм салмак ченинде катышкан кыргыз балбаны Жоламан Шаршенбеков алгачкы жүрүшүндө түштүк кореялык балбан менен кез келип, аны 6:2 эсебинде жеңип, кийинки баскычка өттү.
Жоламан Шаршенбековго күчтүү атаандаш туш келип калганын баса белгилеп кетүү керек. Учурда турнир уланууда.