АКШда мектепте ок чыгарган окуучу полициянын огунан каза болду

АКШнын Ноксвилл шаарындагы мектепте ок атышуу болду. Бул тууралуу жергиликтүү басылмалар жазып чыгышты.

Маалыматка ылайык, атышуудан бир нече адам жаракат алды. Алардын катарында полиция кызматкери да бар.

"12-апрель күнү күндүзү куралданган адам мектептин дааратканасына жашынып алгандыгы тууралуу маалымат келип түшкөн. Окуя болгон жерге полиция кызматкерлери барганда ал ок чыгарган. Мындан полиция кызматкери менен кошо бир нече адам жаракат алды. Кылмышкер офицерлер тарабынан ошол жерден жок кылынып, анын мектеп окуучусу экени такталды", - деп жазылган маалыматта.