реклама
super.kg logo

Баткенде үйүндө курал-жарак сактап жүргөн жарандар кармалды

 

Баткен облусунда үйүндө курал-жарак сактап жүргөн жарандар кармалды. Бул тууралуу облустук милициядан билдиришти.

Маалыматка ылайык, милиция кызматкерлерине белгисиз адамдар тарабынан мыйзамсыз курал сактап, аны мыйзамсыз түрдө сатып жүргөндүгү боюнча маалымат түшкөн.

Бул маалымат Кылмыштардын жана жоруктардын бирдиктүү реестрине катталып, сотко чейинки өндүрүш иши башталган. Баткен ОИИБинин криминалдык милиция кызматкерлери тарабынан ыкчам-тергөө аракеттеринин негизинде 58 жаштагы жаран эч кандай тиешелүү документтери жок, ТОЗ-8 үлгүсүндөгү бир даана сайлуу ок атуучу куралын, ИЖ-56 “Белка” эки стволдуу ок атуучу куралын, беш даана 28 калибрдүү гильзалары жана бир даана аңчылык бычагын саткандыгы аныкталган.

Үйүнө тинтүү иштерин жүргүзүүдө ТОЗ-8 үлгүсүндөгү үстүндө оптикасы бар сайлуу ок атуучу курал, бир даана ВЗ-1 үлгүсүндөгү пневматикалык ок атуучу куралы жана 6 даана 7,62х39 үлгүсүндөгү октору далил буюм катары алынган.

Териштирүү иштеринде шектүү катары эки жаран кармалган. Жалпысынан далил буюм катары 6 даана ок атуучу курал, 42 даана ок жана 1 даана аңчылык бычагы алынып, тийиштүү экспертизалар дайындалды.
Ал эми шектүүлөр убактылуу кармоо жайына киргизилип, тергөө амалдары жүрүп жатат.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
167712;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: