Өмүрбек Текебаев: "Камчынын мүнөзү "дардаңбай", катасын моюнуна алып, баарын учурунда токтотуп калды"

Саясатчы Өмүрбек Текебаев чек ара маселесине байланыштуу президент Садыр Жапаров менен УКМКнын төрагасы Камчыбек Ташиевдин аракеттерине өз пикирин билдирди. Анын айтымында, алардын чек араны чечүүдөгү ниетин туура жана таза деп эсептеш керек.

Бул тууралуу Текебаев 27-апрелде “Ата Мекен” партиясынын саясий кеңешинин жыйынында сөз сүйлөп жаткан учурунда айтты.

"Чек ара маселеси татаал, кыйын маселе. Өзгөчө суу ресурстары менен талаш болуп калганына байланыштуу Орто Азияда кыйын маселе. Бангладештен кийин эле эң калкы жыш жайгашкан жер бул Фергана өрөөнү, демография күчтүү, жумушсуздук деген бар. Ошондуктан ар бир кичинекей жер чоң талаш болот. Мындан улам биз ынтымак, акылдуулук менен сүйлөшүү жолуна барышыбыз керек. Бирок бизге бирөөнүкүнүн кереги жок, ал эми өзүбүздүкүн бербейбиз деген принцип болуш керек. Бул план атадан балага калды дегендей, саясатчылардын муунунан муунуна эне сүтү менен балага бериле тургандай билим болуш керек. Биздин планыбыз жүздөгөн жылдар болуш керек.

Бирок жүз жыл күтүп отура бербестен бул маселени тездетишибиз зарыл. Мына азыр көпчүлүк өзгөчө социалдык тармактарда Садыр Жапаров менен Камчыбек Ташиевди сындап жатышат. Албетте, алардыкын биз айткан концепция боюнча караганда чоң жаңылыштык, ката деп эсептейм. Ал эми жаңылыштык, ката деген сөз алардын ниети туура жана таза болгон дегенди түшүндүрөт. Алардын биз барып Кыргыз элинин жашоосун жеңилдетели деген жакшы ою болгон, маселенин мынчалык татаал, чиеленишкенин аңдый беришкен эмес деп баа беришибиз керек. Протоколдор көп түзүлгөн, көп жолу коңшу өлкөлөр ал протоколдордон баш тарткан. Ал эми биринчи жолу биз дагы баш тартып жатабыз, жөн бербестен эл менен кеңешип ачык берип жатабыз.

Президент эл менен чечебиз деп жатат, Камчы барып өз жаңылыштыгын моюнуна алды. Көгөрүп эле меники туура дегенге караганда катасын моюнуна алуу да эң чоң эрдик. Туура, чек ара маселеси көп учурда эле ачыкка чыкпастан купуя чечилет. Эгер купуя болгондо кетип кала бермек экен. Дагы жакшы Камчынын мүнөзү дардаңбай, баарын айтты, учурунда токтотуп калды. Жакшы иш болду. Ошон үчүн бул маселеде биз ынтымактуу болушубуз керек", - деди Текебаев.

10:58 28-04-2021

Автор: Гүлшат Ысамамат кызы

Жазылуу

РУБРИКАДАГЫ СОҢКУ КАБАРЛАР

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1433 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 1072 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 390 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 939 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 502 0

18:40 2024-04-23 | Түркүн дүйнө

Быйыл Орусияда "Өчпөс полк" жүрүшү өтпөй турган болду 1125 0

Архив

Комментарийлер (6)

bond02

2021-04-28 12:11:42

Аа теке сенин оюнда эл менен эсептешпей эле акырын берип коюш керек экен да жерлерди, акырын булар жакка отуп жатасын ээ.

-13

777888

2021-04-28 15:44:01

bond02,окуп тушундунбу озу сен эмне дегенин.

abusait

2021-04-28 16:51:23

bond02,Тоо десе бээ деп тантырайсында..

Dembele84

2021-04-28 12:20:59

Куу теке дагы бир нерсени четтогондой го

abusait

2021-04-28 16:53:10

Dembele84, унчукпай жата берелиби анан? Кыргыздарды оз жеринен уурдап токмоктоп жатышса.

NurlanO1979

2021-04-29 01:08:03

Кантсе да Текебаев туурасын айтты. Эми ушундан да бир нерсе издебейликчи. Бетке айткан жалгыз Текего. Калгандары убагында туалетный бумага, анан президенттер кеткенден кийин эле баатыр болуп чыга келишет.

Комментарий калтыруу үчүн өз ысымыңыз менен кириңиз же каттоодон өтүңүз.