Акылбек Жапаров: "Кыргыз өлкөсү "Кумтөрдөн" 10 миллиард доллардын тегерегинде пайда көрө алат"

Кыргыз өлкөсү "Кумтөрдөн" 10 миллиард доллардын тегерегинде пайда көрө алат. Бул тууралуу "Кумтөр" боюнча депуттаттык комиссиянын төрагасы Акылбек Жапаров парламенттик комитеттин жыйынында билдирди.

"Депутаттык комиссиянын "Центерра Голд" компаниясына койгон доосу 4 миллиард 252 миллион 800 миң доллар. Анын 3 миллиард 86 миллионун экологиялык жоготуулар, 1 миллиард 166,5 миллиону салык түзөт.

Мындан сырткары казылып алына элек 106 тонна алтынды мамлекеттин карамагына кайтардык. Жакын арада аталган алтынды Кыргыз өлкөсүнүн менчиги деп тааныган мыйзам долбоору кабыл алынат деген үмүттөмүн.

Президенттер, премьер-министрлер буга чейин Кумтөр, Жер үй сыяктуу кендерди сатып келишкен. Алгачкы жолу биздин өлкөнүн депутаттык комиссиясы 4,252 миллиард доллар доо коюп, 106 тонна алтынды өлкө капчыгына кайтарып жатат. Бул алтынды жакынкы 5-10 жыл аралыгында казып алууга мүмкүн. 106 тонна алтындын баасы 5 миллиард доллардан ашык акча болот. Жыйынтыктоочу сумма 10 миллиард доллардын тегерегинде болуп жатат. Өлкөнүн мыйзамдарынын негизинде биз бул каражаттын бир бөлүгүн азыр өндүрүп, калган бөлүгүн казып ала алабыз. Муну биз соттон далилдеп, баарын ачык көрсөтүүгө кудуретибиз жетет", - деди Жапаров.

16:13 12-05-2021

Автор: Бекболот Сарыбаев

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 372 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 787 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 644 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 620 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 486 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 966 0

Архив

Комментарийлер (4)

Roma1987

2021-05-12 16:38:37

Буга чейин эмне кылып журдунор эле

jigit.paren

2021-05-12 17:02:42

Мурунку президент өкмөт жалпы бийлик бүт баары эле жеп жутаарлар болгон экен да, эми ушуну ишке ашырсанар кыргыз элимдин керегине жарайсынар, эми аягына чейин чыгаргыла!

NURSAPAR

2021-05-12 23:23:34

Азаматтар ишиңер илгери болсун, Кыргызстаным өнүгүшүнө ишенем.

al-abu-kinesz

2021-05-13 00:10:00

Эт менен челдин ортосунда жургон адамдан ушундай жарылган создорду кутподум эле..

Комментарий калтыруу үчүн өз ысымыңыз менен кириңиз же каттоодон өтүңүз.