"Иштөө үчүн Ысык-Көлгө кетиши мүмкүн". Чүйдө 15 жаштагы кыз дайынсыз болуп изделип жатат

Чүйдүн Панфилов районунда 15 жаштагы Диана Гурова дайынсыз болуп изделип жатат. Бул тууралуу Чүй ОИИББинин маалымат кызматынан кабарлашты.

Маалыматка караганда, ал 13-июнь күнү Кайыңды айылында жайгашкан үйүнөн чыгып кеткен бойдон кайрылып келген эмес.

"Анын бою 169 сантиметр, чачтары кыска кызыл түстө, көздөрү күрөң. Үйдөн чыгарда үстүнө кара футболка, кара жынсы шым, бутунда кара түстөгү спорттук бут кийим кийип жүргөн", - деп билдиришти облустук милициядан.

Кыздын жакындарынын божомолунда, ал иштөө үчүн Ысык-Көлгө кетиши мүмкүн.

Милиция сүрөттөгү кызды көргөн же билгендер болсо, төмөнкү байланыш номерлер аркылуу кабарлап коюуну суранат: 0312 607 989, 0702 317 522.