"Токио-2020": "Мамлекет медаль утуу үчүн эмне кылып берди?". Күрөш федерациясы өкмөткө нааразы болду

Мамлекет күрөш боюнча улуттук курама командага татыктуу шарт түзүп берген эмес. Бул тууралуу күрөш федерациясы кабарлады.

"Токио Олимпиадасы аяктады, эми "Париж-2024" даярдануу башталат. Бизде иштей турган жана ойлоно турган нерселер бар. Кыргыз өлкөсү Олимпиадалык алтынды күткөн, бирок мамлекет бул үчүн эмне кылды? Балбандардын спорт комплекси жок, ал тургай өздөрүнүн машыгуу залы да жок! Улуттук команда жеке бөлмөлөрдү ижарага алат. Өлкөнүн түштүгүндө спорт интернат жок. Машыктыруучулардын айлыгы аз! Жаш балбандар турнирлерге барардан мурун демөөрчүлөрдөн акча издешет.

Эмнеге Олимпиаданын 5-7 орундары үчүн акчалай сыйлыктарды алып салды? Айпери Медет кызы татыктуу күрөшүп, 16 балбандын ичинен бешинчи орунду камсыздады. Олимпиадага чейин федерация уят кылуучу шарттарга туш болгон. Федерация улуттук команданын кошумча чыгымдарын жабат, кымбат баалуу дары-дармектер менен камсыздайт жана вице-президенттерди, бюро мүчөлөрүн жеке каражаттардан жөнөтөт. Дүйнөлүк күрөш уюмуна мүчө болуу үчүн милдеттүү түрдө жыл сайын төлөнүүчү төлөмдөрдү, калыстык лицензияларды төлөйт", - деп жазды күрөш федерациясы.

Мындан тышкары күрөш федерациясы өлкөдө талапка жооп бере турган спорт комплекстер жок экендигин баса белгилеген.

"Биз дүйнө чемпионаттарын өткөрүүнү каалайбыз, бирок ылайыктуу аренанын жоктугунан улам өткөрө албайбыз. Биздин Спорт Ордобуз буга чейин 2018-жылы күрөш боюнча Азия чемпиондугун өткөргөн. Бирок Дүйнөлүк күрөш уюму бизге көптөгөн суроолорду берип, Азия чемпиондугу аяктагандан кийин бизди 20 миң франк (Швейцраия акчасы) айып салган", - деп жазылды.

Ошол эле учурда федерация 2021-жылы сентябрда Азия чемпиондугун Бишкекте өткөрүүгө уруксат берүү өтүнүчү менен кайра өкмөткө кайрылган. Бирок мамлекет кошумча каражат бөлүп бербегендиктен токтогон.

"Биздин дүйнөдөгү эң күчтүү спортчуларыбыз стандарттардан алыс шарттарда машыгышат, бирок алар эч нерсеге карабай ушундай сонун жыйынтыктарга жетишүүдө", - деп жазды федерация.

жаңыланды 23:00 12-08-2021
кошулду 23:07 12-08-2021

Автор: Азат Бейшенбеков

Жазылуу

РУБРИКАДАГЫ СОҢКУ КАБАРЛАР

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 87 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 288 0

18:17 2024-04-24 | Коом жана турмуш

Касымалы Баялинов атындагы китепканага лифт орнотулду (фото) 229 0

17:40 2024-04-24 | Саясат

Кыргызстан менен Азербайжан кызматташуу боюнча документтерге кол койду 277 0

17:35 2024-04-24 | Кылмыштар, кырсыктар

Милиция Чолпон-Атада каза болгон 2 индиялык жаран боюнча маалымат берди 919 0

17:22 2024-04-24 | Саясат

Садыр Жапаров менен Ильхам Алиев тар чөйрөдө сүйлөшүү жүргүзүштү 287 0

Архив

Комментарийлер (7)

Jaka1978

2021-08-12 17:14:40

Эң туура,чиновниктер эле жыргап жатат, көтөргүлө ушул маселени

+17

Mister-XXX

2021-08-12 17:15:02

Туура маселе.Мамлекет көңүл бурбайт,болбосо бизде мыкты спортчулар чыкмак.

+14

bela77

2021-08-12 17:29:46

Эл озуно озу кылды,дагы кылгыла революция таза жыргайбыз,беш алты саясатчыга фанат болоюн деп бири-бирибиз менен кырылышып бутмой болдук

+13

PFC-CSKA

2021-08-12 18:07:59

Суракматов тырышпай ФИФА стадион салып беребиз жер бергиле дегенде шаардын ичинен же туштук тарабынан жер бергенде стадион салынып калмак жер кененирек болсо ошол жерге эле нормальный спорт комплекс салса болот элего а акмак эмне кылды стадионго ылайыктуу жерге бизнес учун озуно коп кабатту уй куруп алды бул деген келечек муунга карата кыянаттык!!!

Dembele84

2021-08-12 19:33:24

Спорт боюнча айта берсе арман коп.Чиновниктердин курсагы жарылып олмойнучо ушинтип журуп отчудойбуз!

Apyn8793

2021-08-12 23:37:09

Буюрса курулат спорткомплекс, Жапаров куруп берет

-2

Nursul

2021-08-13 12:53:11

Спортчуларга жакшы шарт түзүлүп берилсе жакшы болмок дагы көбү спорт жагына тартылмак. Тилеке каршы бизде спортчуларга шарт түзүп бергенден көрө ошол акчаларды жеп койуш керек деген адамдар копта жогору жакта

Комментарий калтыруу үчүн өз ысымыңыз менен кириңиз же каттоодон өтүңүз.