реклама
super.kg logo

Жумгалда Улуу Ата Мекендик согуштун жалгыз ардагери каза болду

 

Нарын облусунун Жумгал айылынын тургуну,​ Улуу Ата Мекендик согуштун жалгыз ардагери​ болгон Токон​ Мурсалиев 97 жаш курагында дүйнө салды. Бул тууралуу SUPER.KG порталына маркумдун жакындары билдиришти.

Маалыматка ылайык, Токон​ Мурсалиев Жумгал району боюнча Улуу Ата Мекендик согуштун жалгыз ардагери болчу.

Маркумду акыркы сапарга узатуу зыйнатына​ Жумгал районунун акими Жамшит Матанбаев катышып, чакан митинг болуп, асманга ок атылган.

Токон Мурсалиев​ 1924-жылы Жумгал районуна​ караштуу Куйручук айылында дыйкандын үй-бүлөсүндө туулган. Ал 1943-жылдын 18-майында Улуу Ата Мекендик согушка аттанган. Алгач Казакстандын Караганда шаарында кенже командирлерди даярдоочу 6 айлык курсун бүтүрүп лейтенант наамын алып, биринчи украиналык фронттун жоокерлеринин катарында согушка кирген. Токон​ Мурсалиев Калининград шаарына чейин барып,​ душмандар менен мекенин коргоо үчүн салгылашкан. 1946-жылы аскерден мекенине капитан наамы менен кайтып келген.

SUPER.KG порталынын эмгек жамааты Токон Мурсалиевдин дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
176313;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: