"Келин уул төрөбөгөнү үчүн күйөөсү менен кайненесинен токмок жеп жүргөн". Өзбекстанда 16 жашар кыз менен апасы асынып каза болду

Өзбекстандын Самарканд облусунда сарайдан 16 жашар кыз менен апасынын жансыз денеси табылды. Алар экөө тең жипке асынып, өз жандарын кыйган. Ал эми окуяга шектүү катары келиндин күйөөсү менен кайненеси камакка алынды деп жазышат аталган өлкөнүн басылмалары.

Маалыматта айтылгандай, өз жанын кыйган аял эркек бала төрөбөгөндүгү үчүн дайыма күйөөсү менен кайненесинин ур-токмогуна кабылып, үйдө байма-бай уруштар чыгып келген. Үй-бүлөдөгү мындай көрүнүштөн айылдагы бардык тургундардын кабары болгону да айтылган маалыматта.

Ушул сыяктуу жаңжалдардын биринде үй-бүлөнүн 16 жаштагы кызы сарайга барып, жипке асынуу менен өз жанына кол салган. Арадан 2 саат өтпөй апасы дагы кызынын жанына барып, асынып алган.

Ал эми кылмышка шектүү катары аялдын күйөөсү менен кайненеси кармалган.

Соттун жүрүшүндө каза болгон аялдын күйөөсү жубайын ур-токмокко алып келгенин моюнга алган. Бир жыл мурун эле дүкөндөн азык-түлүк алып, карызды кайненесине жаздыртып койгону үчүн электр чубалгысы менен сабаганын билдирген. Ошондой эле дагы бир жаңжалда аялынын бетине кайнак суу төгүп жибергенин айткан.

Ал эми келини менен келише албай жүргөнүн кайненеси билдирген. Анын айтымында, келини ага өтө жаман мамиле кылчу.

Соттук териштирүүлөрдүн жыйынтыгында экөө тең күнөөлүү деп табылып, келиндин күйөөсү 7 жылга, кайненеси 4 жылга эркинен ажыратылганы маалым болду.

12:29 23-09-2021

Автор: Жанбулат Жумабеков

Жазылуу

РУБРИКАДАГЫ СОҢКУ КАБАРЛАР

11:27 2024-04-25 | Кылмыштар, кырсыктар

Казак блогеринин Бишкекте кармалышы: Милиция билдирүү жасады 330 0

11:25 2024-04-25 | Кылмыштар, кырсыктар

4 айлык наристенин өлүмү боюнча дагы бир кылмыш иши ачылды 174 0

11:17 2024-04-25 | Коом жана турмуш

Токтогул суу сактагычындагы суунун көлөмү 272 0

11:15 2024-04-25 | Кылмыштар, кырсыктар

УКМК Чолпон-Атадагы "Жетиген" базарынын директорун кармады 197 0

11:15 2024-04-25 | Түркүн дүйнө

Кореялык белгилүү ютубер Инчхон шаарында мечит куруп баштады 298 0

11:08 2024-04-25 | Коом жана турмуш

Республика аймагы боюнча 2 өрт кырсыгы катталды 79 0

Архив

Комментарийлер (5)

ayzhan12

2021-09-23 13:21:18

Аялдар бул жашоого азап тартыш учун жаралган эмес. Көк мээлер. Сабатсыз акылсыздар.

Nina.alex

2021-09-23 15:16:01

Негизи келинди олгонго чейин азапка салып,анан олгондон кийин олорчо жамандай беришет элдер

nazira...

2021-09-23 19:10:49

Байкуш кыз 16 жаш экен, энесине боору ооруганынан эмне кылаарын билбей өлүмгө барган окшойт.

JaneEr

2021-09-23 22:34:12

Бизде деле калышпай калды,Аллахтын алдында жооп беришет.Ошол гана нерсе мени сооротот дайым.Мен дагы кордук коргом.

Sajakat14

2021-09-24 05:25:51

Эркектер китеп окугула. Баланын кыз же эркек болуусуна аялдан көз каранды эмес. Эмнени эксеңер ошону аласыңар. Помидор эгип алып эмнеге картошка чыкпайт деп жинди болбогула!

Комментарий калтыруу үчүн өз ысымыңыз менен кириңиз же каттоодон өтүңүз.