реклама
super.kg logo

Обондордун заводун курган, күйөрмандары менен сахнада чогуу ырдаган Бек Борбиевдин концертинен сүрөт баян

 

Кыргыз Республикасынын Эл артисти, Казакстандын маданият кызматкери Бек Борбиев бүгүн, 24-сентябрда жеке концертин өткөрдү.

Иш-чаранын экинчи бөлүгүндө ырчы 90-жылдардагы ырларды аткарды. Жандуу ырларды Бек мырза залдагы угармандары менен биргеликте чогуу аткаруу үчүн сахнага каалоочуларды чакырды.

Ал "Жубайыма" деген ырын 3 күйөрманы менен аткарып, филармониянын залын шаңга толтурду.

Эл артисти менен чогуу ырдоону каалагандар четтен чыгып, "Айда такси" ырын дагы күйөрмандары менен аткарды.

Бек Борбиевди туулган күнү, жакында эле алган наамы менен куттуктап келген Нурлан Насип залдагы угармандарга чыгармаларынан аткарып берип, баарына көңүлдүү кеч каалады.

Ага улай эле ырчылар Аваз Акимов, Данияр Эрматов, Мирлан Баеков сахнага чыгышып, Бек Борбиевдин чыгармаларын аткарып беришти.

Андан тышкары куттук айтып келген казак ырчысы Нурболат Абдуллин сахнага чыгып, концертке салмак кошту.

Борбиевдин обондорун сагынып келген элге аккордеон, гитаранын коштоосундагы ырлары жаңырды. Эл артисти күйөрмандары менен чогуу ырдоону улантып, дээрлик бардык угармандарды ырдатты. Бирде чабуулардан колу бошобосо, бирде ырдап оозу бошобогон көрүүчүлөрдүн маанайы көтөрүлүп, жан дүйнө азыгын алышты.

Концерттеги алып баруучулук тизгин Чыңгыз Мырзаевде болду.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
178719;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: