Жоюлуп кеткен Финполдун мурдагы башчысы Сыймык Жапыкеев алдыда өтө турган Жогорку Кеңештин депутаттарын шайлоого катышпайт. Бул тууралуу ал өзү социалдык тармактагы баракчасына жазды.
"Депутаттыкка койсок азыр агитация деп чуркап жүргөн кез болмок. Мени чынында абдан көп кишилер партиясына, бир мандаттуу болуп шайлоого катышууга чакырышты. Бирок жөн эле депутат болбой деле элге кызмат кылууну чечтим", - деп жазды Жапыкеев.
5-мартта ошол кездеги премьер-министр Улукбек Марипов Финполду Ички иштер министрлигинин курамына киргизүү тууралуу буйрукка кол койгон.
Андан кийин Сыймык Жапыкеев Ысык-Көл облусунун прокурору болуп дайындалып, бир айга жетпей кызматынан кетүү тууралуу арыз жазган.