Бүгүн, 17-декабрда кыргыз футболунун 100 жылдыгына арналган футбол боюнча достук оюну өтүүдө. Ага өлкө башчысы Садыр Жапаров, УКМК жетекчиси Камчыбек Ташиев баштаган саясатчылар ойногон "Президенттин администрациясы" командасы да катышууда.
Анын алкагында саясатчылар экинчи оюнун "Федерациялар" командасына каршы ойношту.
Оюн башталып калыстын ышкырыгы жаңырары менен Садыр Жапаровго тарапташтары ыңгайлуу пас узатышып, ал мүмкүнчүлүктү текке кетирген жок.
Арадан бир нече мүнөт өтпөй Жапаров эсепти 2:0 кылды.
Кийин оюндун экинчи бөлүгүндө "Федерациялар" командасы 2 гол киргизип, эсепти теңешти.
Бирок оюндун соңунда дарбазанын үстүңкү бурчуна алыстан таамай сокку узаткан Жапаров командасына жеңишти алып келди. Муну менен ал хет-трик жасады.