Бишкек мэриясы көчө шыпыргычтардын коопсуздугу үчүн шаардын борбордук көчөлөрүн тазалоого багытталган атайын техника сатып алды. Бул тууралуу мэриянын басма сөз кызматынан билдиришти.
Бүгүн, 24-январда "Тазалык" муниципалдык ишканасына MEP ECOVAC үлгүсүндөгү көчө шыпыруучу үч машина тапшырылды.
"Бул долбоор сыноо этабынан өткөн соң Бишкек шаардык мэриясы мындай техникаларды көп өлчөмдө сатып ала баштайт", - деп жазылат маалыматта.
Ошондой эле мэрия айдоочуларды жолдо ылдамдык режимин сактоого, "Тазалыктын" кызматкерлери иштеп жаткан аймактан кылдат өтүүгө чакырды.