реклама
super.kg logo

Кыргыз жарандарын Улуу Британияда ишке орноштуруу маселелери талкууланды

 

Бүгүн, 20-июнда Бишкекте эки тараптуу кызматташуу боюнча биринчи кыргыз-британ ТИМдер аралык консультациялары өттү. Бул тууралуу Тышкы иштер министрлигинин сайтына жарыяланды.

Ага ылайык, кыргыз делегациясын ТИМдин үчүнчү саясий департаментинин директору Руслан Бекболотов жетектесе, британ тарапты Британия ТИМинин Чыгыш Европа жана Борбордук Азия өлкөлөрү менен кызматташуу департаментинин директору Мартин Харрис жетектеп келди.

Тараптар 12-июнда Кыргызстан менен Улуу Британиянын ортосундагы дипломатиялык мамилелердин түзүлгөнүнө 30 жыл толгондугун белгилешти.

"Эки тарап парламенттер аралык кызматташтыкты жана Кыргызстан менен Улуу Британиянын парламенттик достук топторунун ортосундагы өз ара аракеттенүүнү талкуулашты. Ошондой эле ушул жылы Лондондо кыргыз-британ инвестициялык форумун уюштуруу. Британ тараптын Кыргызстанда чакан жана орто бизнести колдоо долбоорлорун ишке ашыруу, Кыргызстандын ишкерлерин продукциянын сапаты, сертификациялоо, продукцияны жаңы рынокторго илгерилетүү мүмкүнчүлүктөрү сыяктуу тармактарда окутуу маселелерин талкуулашты.

Эки тараптуу экономикалык кызматташтыктын келечектүү багыттары катары айыл чарба, жеңил өнөр жай, туризм белгиленди", - деп жазылат маалыматта.

Мындан тышкары консультациялардын жүрүшүндө тараптар маданий-гуманитардык кызматташтыкты, өзгөчө билим берүү тармагындагы кызматташтыкты өнүктүрүүнү талкуулашты.

"Тараптар ошондой эле Эмгек, социалдык камсыздоо жана миграция министрлигине караштуу Кыргыз жарандарын чет өлкөдө ишке орноштуруу борбору менен «Agri-HR» Британия компаниясынын ортосунда түзүлгөн келишимдин алкагында Кыргыз жарандарын Улуу Британияда ишке орноштуруу маселелерин карашты.

Кыргыз тарап британ тарапка Кыргыз жарандарынын британ визасын алуу маселесин жеңилдетүү максатында Бишкек шаарында Улуу Британиянын виза алуу борборун ачуу мүмкүнчүлүгүн карап чыгуу өтүнүчүн билдирди", - деп жазылган ТИМдин маалыматында.




aksia550_3


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
192581;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: