реклама
super.kg logo

Садыр Жапаров мамлекеттик кызматкерлердин кесиптик майрамы менен куттуктады

 

Президент Садыр Жапаров бүгүн, 23-июнда мамлекеттик жана муниципалдык кызматынын кызматкерлерин кесиптик майрамы менен куттуктады. Бул тууралуу президенттик администрациядан билдиришти.

Төмөндө мамлекет башчысынын куттуктоосу:

"Урматтуу мамлекеттик жана муниципалдык кызматкерлер!

Сиздерди кесиптик майрамыңыздар менен куттуктайм!

Мамлекеттик башкаруу тутумунда жана заманбап мамлекетти курууда, анын ишин жүргүзүүдө мамлекеттик жана муниципалдык кызматкерлердин орду чоң.

Элибизге ыңгайлуу шарттарды түзүү, аларды социалдык жактан колдоо – мамлекеттик саясаттын ажырагыс бөлүгү. Мына ошол саясатты жүзөгө ашырууда мамлекеттик жана муниципалдык кызматкерлер Конституциянын үстөмдүгү, кесипкөйлүк, компетенттүүлүк жана демилгелүүлүк принциптеринин чегинде иш алып барат.

Азыркы замандын чакырыктарын жана талаптарын эске алуу менен мамлекеттик жана муниципалдык кызматка кирүүдө баарына бирдей шарттарды камсыз кылуу, кесипкөй мамлекеттик аппаратты түзүү жана карьералык өсүү үчүн мамлекеттик жарандык кызмат жана муниципалдык кызмат чөйрөсүн жөнгө салуучу бир катар жаңы ченемдик укуктук актылар кабыл алынды. Мындай иш-аракеттер аркылуу Кыргызстандын элине мамлекеттик кызмат көрсөтүүнүн сапатын жогорулатууга жетишебиз деп үмүт артып турабыз.

Мамлекеттик органдарда жана жергиликтүү өз алдынча башкаруу органдарында кадрларды кызматка тандоону талапкерлердин кесипкөйлүк жана моралдык-адеп-ахлактык сапаттарынын негизинде гана жүргүзүү чоң мааниге ээ.

Ошону менен бирге жаңы технологияларды өнүктүрүү шартында мамлекеттик жана муниципалдык кызматты жаңы деңгээлге чыгарууда ар дайым адистердин билимин өркүндөтүп туруу, тажрыйбасын арттыруу жаатында кадам жасообуз талап кылынарын белгилей кетүү маанилүү.

Элдин бийликке ишенимин бекемдөө мамлекеттик жана муниципалдык кызматкерлердин кесипкөйлүгүнөн, кынтыксыз ишинен, ошондой эле адамдык сапаттарынан көз каранды экенин жакшы билесиздер. Конституцияны жана башка ченемдик укуктук актыларды жетекчиликке алып, мамлекеттик жана муниципалдык кызматчынын этикасын сактоо менен кызматтык ыйгарым укуктарыңарды ак ниет аткарасыздар деп ишенем.

Сиздердин мекенге болгон сүйүүңүздөрдүн жана ак кызматыңыздардын аркасында алдыбызда турган бардык максаттарга бирге жетебиз.

Эл кызматын аркалаган ишиңиздерге албан-албан ийгиликтерди каалайм, карапайым калктын бата-тилектерине арзып жүрө бериңиздер.

Баарыңыздарга чың ден соолук, үй-бүлөлүк бакыт жана ишиңиздерге ийгиликтерди каалайм.

Өлкөбүздө тынчтык жана өнүгүп-өсүү болсун", - деп жазылат куттуктоодо.




aksia550_3


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
192581;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: