Бишкекте 1-класска бара турган балдар үчүн канча бош орун бар? Мэриянын жообу

Бишкекте 1-класска бара турган балдар үчүн мектепте орундар жетиштүү. Бул тууралуу шаардык билим берүү башкармалыгынын жетекчисинин орун басары Данияр Абдуазизов маалымат жыйында билдирди.

Анда Абдуазизов шаардагы мектептерде 1-класстар үчүн 17 миң орун каралганын,11-апрелдеги электрондук каттоонун биринчи этабынын жыйынтыгы боюнча 5 миң орун гана толтурулганын маалымдаган.

Ошондой эле ал учурда 12 миң бош орун бар экенин жана 27-июнда мектептерин алмаштырууга мүмкүнчүлүк болорун билдирген.

Белгилей кетсек, 27-июнь күнү саат 09:00дө 1-класска бара турган балдарды каттоонун экинчи этабы башталат.