реклама
super.kg logo
Кино

Шавкат Мирзийоев Каракалпакстандагы баш аламандыкты чет элдик күчтөр козутканын айтты

 

Каракалпакстандын борбору Нукустагы баш аламандыктарды чет элдик күчтөр бир нече жылдан бери даярдап келген, алардын максаты Өзбекстандын аймактык бүтүндүгүнө кол салуу экенин Өзбекстандын президенти Шавкат Мирзийоев билдиргенин өзбек басылмалары жазышат.

"Албетте, бул окуялар бир күндө же он күндө даярдалган эмес. Бул аракеттер чет элдик күчтөр тарабынан жылдар бою даярдалган. Алардын негизги максаты Өзбекстандын аймактык бүтүндүгүнө кол салуу жана улуттар аралык жаңжал чыгаруу", - деген Мирзийоев.

Президенттин айтымында, укук коргоо органдарынын аракеттерин да кылдат талдап чыгуу зарыл. Эгерде алар мыйзамсыз күч колдонгон болсо, мыйзам чегинде кылмыш жоопкерчилигине тартылышы керек.

"Учурда Каракалпакстанда абал туруктуу. Эң негизгиси элдин тынчтыгына эч нерсе коркунуч туудурбашы керек. Экономиканын бардык тармактары, калкты тейлөө кызматтары кадимки режимде иштеп жатат. Жергиликтүү калк күнүмдүк иштери менен алектенүүдө", - деген өзбек президенти.

Белгилей кетсек, Каракалпакстан Республикасынын борбору Нукус шаарында жүздөгөн жарандар митингге чыгышкан. Алардын нааразычылыгы Баш мыйзамга киргизилип жаткан Каракалпакстан Республикасынын эгемендүүлүгүнө тиешелүү жаңы өзгөртүүлөр менен байланышкан.

2-июлда аталган аймакта 3-июлдан 2-августка чейин өзгөчө абал режими киргизилген. Ага ылайык, өлкөгө кирүүгө жана чыгууга чектөөлөр кирип, бардык коомдук иш-чараларга тыюу салынган.

Маалымат үчүн: Каракалпакстан Өзбекстандын батышында жайгашкан автономдуу республика. Аянты жалпы Өзбекстандын 40 пайызын түзөт. Аталган өлкөдө 2 миллионго жакын эл жашайт. Алардын көбү каракалпактар, өзбектер жана казактар.






aksia550_3


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
194659;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Төлөмүш Океев 39/7
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Посмотреть на карте Бишкека
Рейтинг@Mail.ru
Биз социалдык тармактарда: