Бишкектеги Бөкөнбаев көчөсүнүн бир бөлүгү 30-августка чейин убактылуу жабылат. Бул тууралуу "Бишкек жылуулук тармагы" ААКсынан билдиришти.
Билдирүүгө ылайык, Бөкөнбаев көчөсүнүн Орозбеков көчөсүнөн Панфилов көчөсүнө чейинки бөлүгү транспорт кыймылы үчүн жабылат.
Мындай чектөө жылуулук тармагынын оңдоп-түзөө иштерине байланыштуу киргизилгени маалымдалды.
"Бишкек жылуулук тармагы" жаралган ыңгайсыздыктар үчүн кечирим сурайт жана айдоочуларды алдын ала маршрутун пландап алууну өтүнөт.