СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Мындан 7 жыл мурун 2007-жылы Мурат Насыров баңгизаттын күчүнөн улам Москвадагы өзү турган үйдүн бешинчи кабатынан секирип, көз жумган. Ырчы өлүм алдында ага Кудайлар келгенин жана алар менен кеткени жатканы тууралуу айткан. Ошол күнү алыскы жолго узап жаткандай, балдарын уктап жаткан жеринен ойготуп коштошкон экен. Белгилүү композитор катары таанылган Мурат Насыров 1969-жылы 13-декабрда Алматы шаарында төрөлгөн. Улуту уйгур ырчынын атасы учурунда такси айдап үй-бүлөсүн баккан, апасы фабрикада жумушчу болуп иштеген. Мурат беш бир туугандын кичүүсү болгондуктан, абдан эрке өскөн. Үй-бүлөнүн көңүл борборунда өскөн болочок ырчы Москвага келгенде бир топ кыйынчылыктарды башынан өткөрөт. Аскерде кызмат өтөгөн досу менен “Новый порт” деген рок-тобун түзүшүп, алгач чакан кечелерде ырдап чыга башташат. Мурат “Ялта-91” конкурсуна катышып, баш байгени утуп алган соң чыгармачылыкта жолу ачылат. Көп узабай ал “А-Студио” тобу менен таанышып, Мурат Насыровдун казак жердештери ага болгон жардамдарын көрсөтүшөт. “Мальчик хочет в Тамбов” деген ыры анын атын чыгарат. “Кто-то простит” аттуу альбому, “Лия” деген ыры менен популярдуулукка жетишип, ырчы орус шоу дүйнөсүндө өз ордун тапкан. Мурат Насыров чыгармачылык жашоосунда өз тилинде, тагыраак айтканда, уйгур тилинде альбом чыгарууга да жетишкен. 
