Мыктыбек Абдылдаев: “Акыркы кезде “кет” десең, “кетпейм” деген жетекчилер көбөйдү. Менимче, өкмөт өз тагдырын өзү чечет”

Парламенттин 5-марттагы жыйынында өкмөткө ишеним көрсөтпөө үчүн кол топтоо маселеси талаш-тартыш жаратты. Айрым депутаттар бул маселени таптакыр кароодон алып салууну айтып чыгышты. Көпчүлүк депутаттар өлкөдөгү кырдаалды баса белгилешип, өкмөт отставкага кетиши керектигин билдиришти. Маселеге “Ата Журт” фракциясынын лидери Мыктыбек Абдылдаев өз оюн мындайча билдирди: “Акыркы кезде “кет” десең, “кетпейм” деген жетекчилер көбөйдү. Менимче, өкмөт өз тагдырын өзү чечет. Бул маселе өзүнчө каралышы керек”.