18-январда Бишкектеги "Аль Хаят" сүрөт музейинде белгилүү сүрөтчү Бектен Усубалиевдин “Менин жан дүйнөм ырдайт” аттуу сүрөт көргөзмөсү ачылды. Мында сүрөтчүнүн 40тай эмгеги коюлган. “Көбүнесе кыргыздын жаратылышына, аска-тоолоруна, анын койнундагы жашыл-кызыл, түркүн түстүү гүлдөрүнө жана кыргыздын кыздарынын сулуулугуна басым жасадым”,- дейт автор өзүнүн жеке көргөзмөсүндө. Анын сүрөттөрү портреттик, пейзаждык, тематикалык жана натюрморт жанрында тартылган.