"Төрөт үйүнөн ымыркайды уурдаган" деп камалган медайымдын энеси ачкачылык жарыялоодо

Бүгүн, 27-ноябрда Бишкек шаардык сотунун алдында "№4-төрөт үйүнөн ымыркайды уурдаган" деп айыпталып, 15 жылга эркиндигинен ажыратылган медайым Шарапат Мамырканованын энеси ачкачылык жарыялоодо. Бул тууралуу SUPER.KG порталына анын туугандары билдиришти.

Белгилүү болгондой, эртең аталган сотто апелляциялык арыз боюнча отурум өтмөкчү. "Ш.Мамырканованын эч кандай күнөөсү жок. Ымыркайды уурдагандар өздөрүн сакташ үчүн эптеп башка бирөөнү каматып коюуга аракет жасашкан. Алардын биринин күйөөсү УКМКда иштейт экен. Атасы өмүр бою абакта начальник болуп иштечү. Балким, күйөөсү "постанова" жасап, күнөөлүү аялын сактап калган чыгар",- дешет айыпталуучунун туугандары.

Эскерте кетсек, өткөн жылдын 5-ноябрында Бишкектеги №4-төрөт үйүнөн ымыркай уурдалганы маалымдалган. Кийин 10 күнгө жетпей ымыркай Асанбай кичи районунан табылган. Аталган кылмышка шектүү катары эки дарыгер айым жана ымыркайды сатып алган аял кармалган эле. Кылмышка шектүү болгон Нуржан Мекенова, Шарапат Мамырканова жана Бегайым Алиеванын иши боюнча сот отуруму 19-июнда болгон. Соттун чечимине ылайык, Бегайым Алиева менен Шарапат Мамырканова 15 жылга эркинен ажыратылышса, Нуржан Мекеновага 270 миң сом айып пул салынган. Биринчи инстанциянын чечимине макул болбогон жактоочулары апелляциялык түрдө Бишкек шаардык сотуна арызданышкан.

12:59 27-11-2014

Автор: Нургазы Аматов

Жазылуу

РУБРИКАДАГЫ СОҢКУ КАБАРЛАР

18:06 2024-04-20 | Коом жана турмуш

21-апрелге карата аба ырайы 310 0

17:32 2024-04-20 | Саясат

Өкмөт башчы АКШда Apple Inc. компаниясынын башкы кеңсесинде болду 352 0

17:08 2024-04-20 | Спорт

Мээрим Жуманазарова мурдун каната сүзгөн казак балбанын жеңди 1167 0

16:40 2024-04-20 | Спорт

Футбол боюнча Кыргызстандын улуттук курама командасы Тажикстан менен тең чыкты 677 0

15:28 2024-04-20 | Коом жана турмуш

Москвада кароосуз калган 5 ымыркай Бишкекке алып келинди 819 0

14:52 2024-04-20 | Коом жана турмуш

Мамлекет башчы Орок айылындагы жаңы футбол стадионунун курулуш иштери менен таанышты 835 0

Архив

Комментарийлер (2)

myrza80

2014-11-27 17:18:22

Бала ошондой ширин бироонун баласын уурдап атканда ойлонбодубу мунун да апасы кыйналат деп,бизде пикет ачкачылык мода болуп калды жоопкерчиликтен кутултуш учун.

mr.juma

2014-11-27 18:44:30

эми уурдаласа болду бул башкаларга сабак болсун

Комментарий калтыруу үчүн өз ысымыңыз менен кириңиз же каттоодон өтүңүз.