Москвада каза болгон Кыргызстандын жаранынын сөөгүн мекенине жеткирүүгө каражат жок болууда. Бул тууралуу Жылдыз Осмонова интернеттеги социалдык тармак аркылуу 23-декабрда жарыялады.
Ал маркум Мамбетакунов Кубанычбектин келинчеги жана КРнын Орусиядагы элчилигинин юристтеринин атынан кайрылуу жазганын айтып: "Мекендешибиздин каза болгонуна бир нече күндөн ашыптыр. Тилекке каршы, жердештери жана туугандары жок болгондуктан, Кыргызстанга сөөгүн жеткизгенге акча жок. Аргасыздан коомчулукка кайрылып жатышат. Маркум Нарын облусунун Ак-Талаа районунун Коңорчок айылынын тургуну болгон экен. Мындан 4-5 күн мурун корпоративдик кечеде ууланып каза болуптур",- деген. Ошондой эле Мамбетакунов Кубанычбектин 2 кыз, 1 уулу Нарында ата-энесинин колунда калганын жазган.