Нарын. "Баткен коогалаңынын ардагерлер союзу" коомдук уюму ажого ачык кат жөнөттү

Нарын. “Баткен коогалаңынын ардагерлер союзу” коомдук уюму ажого ачык кат жөнөттү. “Нарын облустук Баткен коогалаңынын ардагерлер союзу” коомдук уюму Кыргыз Республикасынын Президенти А.Атамбаевге жана КРнын Премьер-министри Ж.Сатыбалдиевге жетинчи жолу ачык катын жөнөттү. Бул катта төмөндөгү негизги талаптар камтылган.

1. 1996-жылкы согуштун куралдуу күчтөрүнүн жана тылдагы эмгектенгендердин мыйзамына өзгөртүү киргизүү.

2. 26-октябрь Баткенде курман болгондорду эскерүү күнү деп календардык күн катары бекитип берүү.

3. 1999-2000-жылкы курман болгон жоокерлердин үй-бүлөсүнө, ата-энесине чектелген 1000 сом өлчөмүндөгү сумманы карап, көбөйтүп берүү.

4. Баткен коогалаңынын катышуучуларын социалдык жактан коргой турган тиешелүү мыйзамдарды иштеп чыгуу маселелери.