Наталья Варлей: «ЫСЫК-КӨЛ МЕНИ ДАРЫЛАГАН»

Наталья Варлей: «ЫСЫК-КӨЛ МЕНИ ДАРЫЛАГАН»

№627 7-ноябрь-13-ноябрь, 2014-ж

«Спортсменка, комсомолка и просто красавица!» Нина эсиңиздедир. Ал «Кавказ туткуну же Шуриктин жаңы жоруктары» тасмасынан улам таанымал. Бул образды жараткан актриса Наталья Варлей борбор калаабыз Бишкектеги Орус драма театрында адабий-музыкалык кечесин өткөрдү. Убакыттан пайдаланып биз да маекке чакырып калдык.

ЦИРКТЕН ТАСМА ТАЛААСЫНА
Варлей Наталья Владимировна 1947-жылы 22-июнда Румыния мамлекетинин Констанца шаарында жарыкка келген. Жаштайынан таланттуу, музыкага жакын өскөн Наташа үй-бүлөсү менен 3 жашында Москва шаарына көчүп келет. «Эсимде, бир жолу апам мени циркке алып барган. Кассанын жанында «11-13 жаштагы улан-кыздарды машыктырууга алабыз» деген жарнама илинип туруптур. Менин курагым жарыядагы талапка жооп бергендиктен эртеси үйдөгүлөргө айтпай барып, циркте жүрүп жаткан тандоодон өтүп кеттим. Жыйынтыгында Орус мамлекеттик цирк жана сахна искусствосу боюнча училищени аяктадым. Кийин циркте иштеп жүрүп «Күн желесинин формуласы» («Формула радуги») деп аталган тасмага тартылгам. Тилекке каршы, ал чоң экранга чыкпай калды. Мага атактуулукту алып келген тасма, албетте, «Кавказ туткуну» болду. Ага мен 500 кыздын ичинен тандалып алынгам. Анда мен 19 жашта элем, жыйырмага чыкпай туруп Советтер Союзунун жылдызы болгом» деп эскерет актриса.
«Кавказ туткуну же Шуриктин жаңы жоруктары» тасмасы жарыкка чыккан соң Натальяны Владимир Тихонов сүйүп калат. Ал атактуу актриса Нонна Мордюкова менен «Жаздын 17 ирмеми» тасмасындагы Вячеслав Тихоновдун уулу болчу. 1971-жылы экөө баш кошушат. Жеке турмушу жөнүндөгү эскерүүлөрүндө Наталья жолдошу тууралуу мындай дейт: «Владимир мени аябай сүйгөн, мага жетүү үчүн 4 жыл бою эртең менен жумушка баратканымды көрөм деп мен жашаган көп кабаттуу үйдүн чатырында түнөп жүрдү. Үйлөнгөндөн кийин ал мени ар бир дарактан кызганып айламды кетирчү».
Түгөйлөр 1972-жылы уулдуу болгон соң эки ажырым жолго түшүшкөн. Ага чейин Наталья Николай Бурляев аттуу чыгармачыл мырза менен 3 жыл жарандык никеде жашаган. Актриса азыр жеке турмушун эл көзүнөн жаап-жашырууну туура көрөт. Коомчулукта «Актрисанын тун уулу Владимирден эмес, атактуу актёр Аркадий Райкинден төрөлгөн. Ал Владимирди жөн эле алдап турмушка чыгып алган» деген кептер айтылып келет.

КЫСКАЧА КЫЗЫКТАР

  • «Кавказ туткуну же Шуриктин жаңы жоруктары» тасмасына тартылуу үчүн купальникчен тасма талаасына чыгууга макул болгон.
  • Аталган тасмадагы трюктарды өзү аткаруу үчүн ал режиссёрду «мен каскадёрмун» деп алдаганын айтат.
  • Наталья: «Мени Нинанын образына байланып калганым кейитет. Бул роль мага атактуулук алып келгени менен, кийинки карьерамдын жолун тосуп койду»,- деп көп айтат.
  • Актрисанын атын жамынып бай кишилерден «мен Наталья Варлеймин» деп акча алган айымдар бир учурда аябай көбөйгөн. Жадакалса айрым алданган мырзалар чыныгы Натальяны кармап алып, «карызыңды бер» деп коркутушкан учурлар кездешкен.

«КЫРГЫЗСТАНДА ЖАРЫК ӨЧҮП, ЫҢГАЙСЫЗ АБАЛДА КАЛТЫРГАН»
Наталья Варлейдин Бишкекке алгачкы жолу келиши эмес, мурунку келгениндеги окуяларды эстеп бизди да күлдүрдү.

– Куш келипсиз, буга чейин Бишкекке качан келдиңиз эле?
– Мен Бишкекке көп эле келдим. Мындан 3 жыл мурун Бишкекте бир топ актёрлор болуп спектакль койгонбуз. Эсимде, мен спектаклден кийин уйкум келип, дароо эле мейманканадагы бөлмөмө барып уктап калгам. Калгандары тамактанууга кетишкен. Саат түнкү 12 болгондо жарык өчүп, байкуштар 12-кабатка темселеп араң чыгышыптыр. Биз Бишкекте жарык өчүп турарын билбептирбиз (күлүп).
Андан мурун Мар Байжиевдин «Нөшөр» тасмасына тартылганы келгенде Ысык-Көлдүн кереметине катуу суктангам. Анда менин жан дүйнөм жабыркап турган эле, көлдү көрүп бүт көйгөйлөрүмдү унутуп кеткенмин.

– Бишкектин театр сүйүүчүлөрүнө кандай баа бердиңиз?
– Мисалы, москвалыктар искусствого тоюп калышкан. Аларды бир нерсе менен таң калтыруу кыйын. Сахнада туруп алып кара терге түшүп аткарсаң да «дагы эмне болуп кетет экен?» дегенсип эмоциясыз отура беришет. Бул жерде болсо залда отургандар актёр менен чогуу бир толкунда болушат экен. Ыйласа ыйлап, сахнадагы болуп жаткан окуяга аралашып кетишет тура. Мага көрүүчүлөрдүн маанайы жакты.

– Биз тарапка дагы келесизби?
– Ден соолугубуз чың болуп, жол жүрүүгө күчүбүз жетип турса, далай келебиз.

Актриса спектаклде ойноордо күн бою тамактанбайт экен. Ошого байланыштуу бизден кечирим сурап «тамактанайын, өтө кеч болуп кетти» деп коштошуп, жолун улады.

Актриса 2-уулу Алексей кимден төрөлгөндүгүн ушуга чейин жашырып келет.

Нуркыз Курманбек кызы
star@super.kg


Кыстарылган видео:

Кавказ туткуну Нина SUPER.KG`ге маек курду


Автор: Анаркан Садыралиева
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  0 
Комментарийлер(18)
Super TV
07.11.2014. 21:53 
Тайпасы:
Кыймылы жок
Комментарийлердин саны:
183
Катталган:
04-05-2013
Соӊку аракети:
05-05-2016 03:21
Жынысы:
Белгисиз
Калаасы:
москва
+4
Кавказ туткуну киносун коргон сайын коргун келе берет...жашында абдан сулуу болгон...далай жигитерди чуркатса керек аркасынан..
Super TV
07.11.2014. 22:49 
Тайпасы:
Тартип бузгандар
Комментарийлердин саны:
26
Катталган:
18-12-2013
Соӊку аракети:
22-11-2014 02:22
Жынысы:
Белгисиз
Калаасы:
Бишкек
+3
60 как чыгып калыптыр да ээ, жаш корунот
Super TV
08.11.2014. 10:09 
Тайпасы:
Кыймылы жок
Комментарийлердин саны:
19
Катталган:
17-06-2014
Соӊку аракети:
13-06-2016 18:03
Жынысы:
Белгисиз
+3
нинадагы светин очушун билиптирда
Super TV
08.11.2014. 13:06 
Тайпасы:
Жаран
Комментарийлердин саны:
49
Катталган:
20-11-2013
Соӊку аракети:
09-03-2018 15:40
Жынысы:
Белгисиз
+2
свет очуп байкуштар уят эле светин менен кара жерге кир деп кетишкендир же бизди мазактап жатышабы деп кетишсе керек.
Super TV
09.11.2014. 04:14 
Тайпасы:
Жаран
Комментарийлердин саны:
17
Катталган:
26-01-2014
Соӊку аракети:
30-12-2016 19:02
Жынысы:
Белгисиз
-2
Свет очконун булар да билет экен да тем более столица кыргызстанда уят уят. Бир деревняга барып свет очуп калды десе анда тушунсо болот ал бул деген чооон эле айырма бар да. (: :( :(
Super TV
10.11.2014. 15:52 
Тайпасы:
Жаран
Комментарийлердин саны:
205
Катталган:
01-03-2013
Соӊку аракети:
01-12-2018 21:47
Жынысы:
Белгисиз
0
Убакыт озунукун алат тура. Карып калганына ишенбей турам. Азыр деле жаш болсо керек деп журо бериптирмин. Наталья айымды озунун атаны караганда Нина деп таанышкандар коп болсо керек.
10.11.2014. 15:56 
Тайпасы:
Жаран
Комментарийлердин саны:
7
Катталган:
16-04-2011
Соӊку аракети:
21-10-2018 12:48
Жынысы:
Белгисиз
0
татынакй болуп карыптыр
Super TV
10.11.2014. 18:17 
Тайпасы:
Кыймылы жок
Комментарийлердин саны:
19
Катталган:
07-04-2014
Соӊку аракети:
15-12-2014 07:39
Жынысы:
Белгисиз
Калаасы:
Жалал абад
0
Мен учун ал актерлор актрисалар ошол фильмде гана калып кеткенсийт,кандай гана сонун кинолор, ошол мезгилге ошол жакка кетип калгын келет ((((((
11.11.2014. 12:45 
Тайпасы:
Жаран
Комментарийлердин саны:
105
Катталган:
21-07-2014
Соӊку аракети:
11-12-2018 20:22
Жынысы:
Белгисиз
Калаасы:
Деңиз жээгинде.
0
Прическасын озгортпоптур го.
11.11.2014. 15:24 
Тайпасы:
Кыймылы жок
Комментарийлердин саны:
73
Катталган:
09-10-2013
Соӊку аракети:
17-09-2016 02:21
Жынысы:
Белгисиз
Калаасы:
Ош Узген
0
Кыйла картая тушуптурго.
Super TV
11.11.2014. 19:59 
Тайпасы:
Жаран
Комментарийлердин саны:
27
Катталган:
18-01-2014
Соӊку аракети:
13-01-2018 17:53
Жынысы:
Белгисиз
0
Эх бул кинону кундо корсомда тажабайт элем
Super TV
11.11.2014. 21:35 
Тайпасы:
Кыймылы жок
Комментарийлердин саны:
16
Катталган:
02-11-2014
Соӊку аракети:
02-04-2015 06:57
Жынысы:
Белгисиз
0
Магада жагат жакшы октер!
12.11.2014. 13:16 
Тайпасы:
Жаран
Комментарийлердин саны:
22
Катталган:
19-10-2014
Соӊку аракети:
09-05-2018 15:22
Жынысы:
Белгисиз
Калаасы:
Кыргыз тоолору жыттанган жер
0
Эхх Нина Нина...
13.11.2014. 04:41 
Тайпасы:
Кыймылы жок
Комментарийлердин саны:
63
Катталган:
01-09-2014
Соӊку аракети:
04-02-2016 04:57
Жынысы:
Белгисиз
Калаасы:
Италия
0
Шурик м.н Нинанын кинолорун тажабай бат баттан кором))))капырай прическасы илгерки бойдон гоо
13.11.2014. 22:52 
Тайпасы:
Жаран
Комментарийлердин саны:
4
Катталган:
11-11-2014
Соӊку аракети:
30-12-2017 10:57
Жынысы:
Белгисиз
0
jashtygynda kanday bolso azyr da oshondoy,supsuluugo.
Super TV
30.11.2014. 22:32 
Тайпасы:
Жаран
Комментарийлердин саны:
13
Катталган:
13-11-2014
Соӊку аракети:
12-05-2017 00:21
Жынысы:
Белгисиз
Калаасы:
жалалабад =ош
0
бул кино мага да аябай жагат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Супер-Инфо 15 жашта
Шоу дүйнө
Маданият
Саясат
Турмуш
Иликтөө
Крим-инфо
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
 
Маалымат-маанайшат порталы 2006-2018 © SUPER.KG
Биздин дарек: Кыргыз Республикасы,
Бишкек шаары, Күрөӊкеев көчөсү - 180,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
USD 69,83  RUB 1,05
Кирүү
Каттоо