ТАШ ЖААСА ДА, МИЛДЕТИНЕН ТАЙБАГАНДАР

ТАШ ЖААСА ДА, МИЛДЕТИНЕН ТАЙБАГАНДАР

№392 7-13-май, 2010-ж.

Эр жигит эл четинде

Кыргыз Республикасынын "Ала-Тоо" аянтында желбиреген желегин Улуттук Гвардиянын жоокерлери кайтарышат. 7-апрель күнү кароолдо тургандарды чогулгандар жулмалашты, тепкилешти, таш бараңга алышты. Бирок катардагы жоокерлер Сагынбек уулу Тынчтыкбек менен Адышов Тилек өз милдеттеринен тайышпады.

Тынчтыкбек: “ЭЛДИН СҮРҮ ЖАМАН ЭКЕН”
Тынчтыкбек 1990-жылы Нарын облусуна караштуу Ак-Талаа районундагы Баетов айылында туулган.
Тынчтыкбек, сөз нугун 7-апрелге бурсак. Ошол сааттарды башынан айтып берсең...
– 7-апрель күнү түшкө чейин кароолдо эки саат турдук. Анан түштөнүп алып, саат 14:00дө желек кайтаруу үчүн кайра жөнөдүк. Ал учурда аянтта эл жык-жыйма болчу. Барып тургандан кийин эле бирөө таш менен жанымдагы Адышовду ичке урду. Бир убакта бизди курчаган айнектердин баары күбүлүп түштү. Анан жаныбызга жетип келип, мылтыктарыбызды (карабин) талашып алып: “Эмне турасыңар, чечингиле?! Биздин катарга кошулгула!”- деп кыйкырып киришти. Биздин милдет – кандай кырдаал болбосун, желектин жанынан кетпөө. Жулмалашып жатып мылтыгымды алдым да, кайра ордума туруп калдым. Көп өтпөй бизге ал жерден кетүү тууралуу буйрук келди, анан эс алуучу жайга кирдик.
– Эл таш менен ура баштаганда корккон жоксуңбу?
– Башында корккон деле эмесмин. Бирок элдин сүрү жаман экен, таш менен ура баштаганда кичине жүрөксүй түштүм.

Тилек: “БАШ МЭЭМ ЧАЙКАЛЫПТЫР”
Тилек 1991-жылы 31-майда Ысык-Көл облусуна караштуу Ак-Cуу районундагы Сары-Камыш айылында туулган.
– Ошол күнү башка, ичке, бутка таш менен ургулап жатышканы менен, менде коркуу сезими болгон жок. Анткени ал адамдар өзүбүздүн эле аталарыбыз, агаларыбыз, инилерибиз болчу. Бир киши каршылык көрсөткөнүмө болбой мылтыгымды тартып алып, мени элдин ичине сүйрөп кетти. Анан тепкилешти, болушунча сөгүштү. Алардын мындай мамилелерине кол дагы, сөз дагы кайрыган жокмун.
– Окуядан кийин ден соолугуңду текшерттиңби? Ата-энең сыналгыдан көрүп сарсанаа болушса керек...
– Башыма таш тийгендиктен, дароо шишип кеткен. Дарыгерлер “баш мээң чайкалган” деген жыйынтык чыгарышты. Ата-энем болсо телевизордон көрүп эле таанышыптыр. Телефондон "жакшы элемин" деп сүйлөшкөм. Бирок ишенишпей, келип кетишти.

Тынчтыкбектин энеси Тоюн апа: “БАЛАМДЫ ЖУЛМАЛАШЫП...”
– Өзүм Ак-Талаада турам. 7-апрелге жакын балдарымдан кабар алганы борборго келгем. 7-апрель күнү балдарыма жер алып берсемби деп арыз жазып алып президенттин кабылдамасына таштап коюу үчүн Өкмөт үйүнө келдим. Келсем ызы-чуу. Анан үйгө кетип калдым. Телевизорду күйгүзсөм эле баламды жулмалап жатышат. Кайра аянтка чуркап келдим. Канчалык аракет кылбайын, элдин көптүгүнөн балама жете албай, үйгө кеттим. Барсам Калыбек деген балам: “Апа, кайда жүрөсүз? Мен жаңы эле Тынчтык байкемдин жанынан келдим. Эл Тынчтыкбек байкемди “сабайбыз” дегенде “тийбегиле” деп кыйкырып жүрдүм”,- дейт. Калыбектин айтуусуна караганда, мен курактуу аялдар элди желек кайтаргандарга каршы үндөшүптүр.
Эртеси Улуттук Гвардияга баламды билейин деп барсам, Тынчтыкбегим “баары жакшы” деп эч нерсе айтпай койду. Көрсө, аскердик мыйзамдын чегинде андай нерселер айтылбашы керек экен. “Койчу, балам, биз баарын телевизордон көрбөдүкпү?..” десем, “аа, көрдүңөрбү?” деп уялып коёт.

ИИМ жана “Жоокерлер энелеринин коомдук бирикмеси” Сагынбек уулу Тынчтыкбек менен Адышов Тилекти медаль, Ардак грамота менен сыйлашты.
Мындай эр жүрөк жигиттерибиз турганда кыргыз эли эч качан чөкпөйт, өчпөйт, бөлүнбөйт, өнүгөт жана өсөт деген үмүтүбүз чоң.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  0 
Комментарийлер(11)
10.05.2010. 13:35 
Тайпасы:
Кыймылы жок
Комментарийлердин саны:
4
Катталган:
02-05-2010
Соӊку аракети:
19-05-2014 20:13
Жынысы:
Белгисиз
+1
молодцы!силерге ийгилик!а силерди урган айбандарга,аракка тоюп алып герой болгон алкаштарга соз жок.
10.05.2010. 18:57 
Тайпасы:
Жаран
Комментарийлердин саны:
210
Катталган:
11-03-2010
Соӊку аракети:
06-01-2018 04:18
Жынысы:
Белгисиз
0
Азаматтар , эмне болсо да акырына чейин турушту
11.05.2010. 08:03 
Тайпасы:
Кыймылы жок
Комментарийлердин саны:
5
Катталган:
08-05-2010
Соӊку аракети:
15-05-2010 21:49
Жынысы:
Белгисиз
0
Эки азамат Кыргыз элинин туусун коргоп турса аларды мееси жоктор ташбаран кылып кууп жиберди Бул деген акылсыздык нерсе.Буткул дуйно коруп турду короче позор.Экинчи ушундай нерсе кайталанбаш учун азаматтардын колундагы куралын тарткылаган эшекти атууга окум бериш керек.
11.05.2010. 09:09 
Тайпасы:
Жаран
Комментарийлердин саны:
14
Катталган:
10-11-2008
Соӊку аракети:
19-04-2017 13:09
Жынысы:
Белгисиз
Калаасы:
Бишкек
0
Чыныгы азаматтар кыргызымдын патриот жана мекенди коргой турган жигиттерисинер бар болгула силердей жигиттер кобойсун!!!
11.05.2010. 10:36 
Тайпасы:
Кыймылы жок
Комментарийлердин саны:
41
Катталган:
05-04-2007
Соӊку аракети:
29-07-2014 14:16
Жынысы:
Белгисиз
Калаасы:
КР
0
Эл баатырларынын кылган жоругу... иреенжитет го :(
11.05.2010. 10:39 
Тайпасы:
Кыймылы жок
Комментарийлердин саны:
14
Катталган:
04-11-2009
Соӊку аракети:
02-10-2013 22:20
Жынысы:
Белгисиз
0
ыйлагым келип кетти молодцы ребята силер менен эл сыймыктанчуудай, ушундай эр азаматтар кобойо берсин, чыныгы патриот деп силерди айтам. Жашынар аз болсо да ошол жерде качып кетпей патрот сезим менен турганынар учун рахмат, алдынарга жугунсо болот, ал эми силерди урган адамдар просто провокацияга алынган адамдар, а чыныгы элде куноо жок. Просто бул жерде жанагы чондорубуз эшейип ошол жерге тургула деген приказ берди да.
11.05.2010. 17:00 
Тайпасы:
Жаран
Комментарийлердин саны:
199
Катталган:
03-12-2008
Соӊку аракети:
18-11-2018 15:16
Жынысы:
Белгисиз
Калаасы:
Бишкек
0
Эл деле ойлошпойбу байкуш бул балдарда эмне куноо деп.Менин да ыйлагым келип кетти.
12.05.2010. 09:39 
Тайпасы:
Жаран
Комментарийлердин саны:
20
Катталган:
16-12-2009
Соӊку аракети:
30-05-2016 11:45
Жынысы:
Белгисиз
0
Мен да окуп жатып, ыйлагым келди. Чыныгы мекенди коргоочу жоокерлер деп узундай эр азаматтарыбызды айтышыбыз керек.
Дагы бир кубандырчу жагдай - мындай пикирди тен болушкон адамдардын бар болгону.
Сайттын патриот колдонуучуларына озгочо ыраазычылык!
12.05.2010. 15:01 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Чыныгы Кыргыздар ушулар.Зулум провакоторлор аракка тоюп шаракташып,жарак талашып атканда,кок мээлер байрак караган бул балдарды ташбаранга алганда оз милдетин так аткарышты.Олсон олосун ,бирок,байракты кармап каласын.Себеби,байрак кулаганы иштин буткону.Саабалар жихадта жургондо байракты кармап турган жыгылганда башкасы чуркап барып жыгытпай кармап калган.Азаматсынар,байкелер,ар дайым ушунунардан жазбагыла.Силерде улуу КЫРГЫЗДЫН каны агып атат.Мекенимде кызматын жан дили менен аткаргандар бар эк
13.05.2010. 20:25 
Тайпасы:
Кыймылы жок
Комментарийлердин саны:
26
Катталган:
24-02-2009
Соӊку аракети:
17-03-2011 17:06
Жынысы:
Белгисиз
0
Elibisdin bilimsisdigi ushundan korunup turat, bul rewoluzijany Kg -nyn intelligenzijasy emes, ajyldan kelgen, emne kylyp shatkanyn tushunbogondor kylgany. Bul eki soldatty emnege shulmalashat, kenedey 90,91 chi shylky baldar eken, shulmalap shatyp, osdorunun baldarynday korushkon shokpu osholor? Al emi ajaldarda emne shok? Bliin, kujup ketem da...!
16.05.2010. 17:29 
Тайпасы:
Жаран
Комментарийлердин саны:
7
Катталган:
02-04-2010
Соӊку аракети:
04-10-2018 15:08
Жынысы:
Белгисиз
0
Ошол таш баран кылып, куралын талашкандарды мыйзамдуу турдо жазалаш керек. Анткени куноосуз оз милдетин аткрып жаткан азаматтарда не куноо. Анан да бул окуя жалгыз мисал эмес, анткени ак уйдун тушунда туруп оз милдетин аткарган коптогон аскерлерди да жарым жан кылып таякташкан. Алардын берен анттарын аткарып жатканын эч бир патриот болмуш зоокурлордун ойуна да келген эмес. Бул биздин элдин дале да болсо маданиясыздыгын жана да моралдык жактан томон денгээлде экендигин бутун дуйного тастыкташты.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Супер-Инфо 15 жашта
Шоу дүйнө
Маданият
Саясат
Турмуш
Иликтөө
Крим-инфо
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
 
Маалымат-маанайшат порталы 2006-2018 © SUPER.KG
Биздин дарек: Кыргыз Республикасы,
Бишкек шаары, Күрөӊкеев көчөсү - 180,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
USD 69,83  RUB 1,05
Кирүү
Каттоо