«КҮЙӨӨМ САУНАЛАРДЫН VIP КАРДАРЫ. БИРОК ҮЙ-БҮЛӨСҮН КАРАБАЙТ»

«КҮЙӨӨМ САУНАЛАРДЫН VIP КАРДАРЫ. БИРОК ҮЙ-БҮЛӨСҮН КАРАБАЙТ»

№862 9-15май, 2019-жыл

Окурмандардан келген
суроолорго психолог
Самат Аалканов жооп берет.

– Саламатсыздарбы? Мен 35темин, күйөөм 31 жашта. Баш кошуп жашап жатканыбызга 8 жыл болду. 1 кыз, 1 уулубуз бар. Акыркы 2 жылда күйөөм абдан өзгөрдү. Бир күн үйдө болсо, экинчи күнү үйдө жок. Эрди-катын катары отуруп чогуу маселе чечип, сырдашпай калдык. Үйгө келгенде колунан телефон түшпөйт. Кээде болбогон жерден чыр чыгарып, башка-көзгө ургулайт. «Кыйын болсоң ажыраш да, үйдөн чыгып кет» дейт. Тапкан акчасын көңүлдөштөрүнө чачат. Ал тургай бир көңүлдөшүн токолум деп досторуна тааныштырып жүрүптүр. Күйөөмдүн сауналарда VIP кардар экенин билем. Жакында эле күйөөмдү бир келин менен кармап алдым. Ал менден күчүн чыгарып, токмоктоду...
Ажырашып кетейин дейм, 2 балам менен бара турган жерим жок. Же иштебейм. Балдарымдын курсактары тойгонуна, үстүбүздө үйүбүз болгону үчүн эптеп чыдап келе жатам. Туугандарынын эч кимисинин сөзүн укпайт, «өз жашоомду өзүм билем, кийлигишпегиле» деп коёт. Эми эмне кылышым керек? Чындыгында ажырашып кетейин деген деле оюм жок. Үй-бүлөмдү сактап калгым келет. Бирок туңгуюктан чыга турган жолду билбей турам.

Гүлзар, 35 жашта, Талас


– Сиздердин үй-бүлөлүк абал кокустан эле ушундай абалга түшүп калган эмес. Башкача айтканда, буга чейин ушундай абалга жеткирген себептер болгон. Мисалы, жолдошуңузга көңүл буруу жетишпейт, же сизге таарынычы бар, же сиз жолдошуңузга туура эмес мамиле жасайсыз. Жолдошуңуздун тарбиясы, жашоого көз карашы башка адам. Айрым кыздарда турмушка чыкканга чейин эле «мени эч ким барктабайт, жакшы көрбөйт» деген калыптанган ой болот да, кийин жакшы күйөөгө тийсе деле өзүн барктабагандай, жакшы көрбөгөндөй сезиле берет. Өзүн бактылуу сезе албайт. Бул нерсе жолдошуна сезилет, ал нааразы болуп баштайт.
Сиз жалгыз отуруп алып баарын анализдеп көрүшүңүз керек. Алгач бала чактагы жашооңузду көз алдыңыздан өткөрүңүз. Үй-бүлөңүздө апаңыз атаңызга кандай мамиле жасачу эле? Анткени апасы атасын сыйлабаса, барктабаса кызда да «күйөөгө ушундай мамиле жасаш керек турбайбы?» деген ой калыптанат. Кийин турмушка чыкканында жолдошуна ошондой мамиле жасайт.
Үй-бүлөңүздү сактап калгыңыз келсе, өзүңүздүн кемчиликтериңиздин үстүнөн иштөөңүз кажет. «Мен киммин? Жашоодогу ордум кайсы? Жакшы жана жаман жактарым кайсылар? Кандай сапаттардан арылуум керек? Ажырашып кетсем эмне болот, балдарымды бага аламбы же бага албай каламбы?»деп өзүңүзгө суроо берип, жооп бериңиз. Бул өзүңүздү таанып-билгенге, ойду оң жакка өзгөртүүгө түрткү берет. Кейип отургуча иш таап иштеңиз. Өз укугуңузду, баркыңызды көтөрүңүз. Ар тараптан өнүгүңүз. Аял бактылуу болмоюн балдары бактылуу боло албайт. Андыктан психологдун жардамына кайрылыңыз. Сиз өзгөрүлсөңүз жолдошуңуздун да мамилеси өзгөрөт.



«КЫЗЫМ КИЙИМИН ЧАЙНАЙ БЕРЕТ»
– Кызым 2 жашта, кийимин чайнай берет. Ушул жаман адатын эч эле калтыра албай койдум. Бул эмнеликтен? Кантип калтырсам болот?

Венера, 29 жашта, Ош


– Балдардын ичинде коркуу, таарыныч, бир нерсеге кыжалат болуу сезими калып калса, анда булчуңдары чыңалып калат. Анан ички сезимин, башкача айтканда, булчуңундагы чыңалууну ошентип бир нерсени чайнап, кемирип, тиштегилеп чыгарат. Өзүн ошентип жоошутат. Бара-бара ал адат кылыптанып калат. Чыр-чатактуу үйдө жашап, стресске көп учураган, катуу тарбияда өсүп жаткан, тыюу көп үйдөгү балдардын да булчуңдары чыңалуу абалында болот. Андыктан кызыңызды балдар психологуна алып барып көрсөтүңүз. Балаңызга жетиштүү көңүл буруп, мээрим төгүңүз. Психолог жаман адатынан арылтуу ыкмаларын сунуштайт.



«ПСОРИАЗ ООРУМ БАР ЭКЕНИН ЖИГИТИМЕ АЙТЫШЫМ КЕРЕКПИ?»
– Мен 3 жылдан бери бир жигит менен сүйлөшүп жүрөм. Аны жакшы көрөм, ага турмушка чыгып, бактылуу жашагым келет. Мени менен сүйлөшүп жүргөнүн үйүндөгүлөр деле билет. Бирок менин эки бутумда тең псориаз (тери оорусу) бар. Муну жигитим билбейт. Ага айтсам ал бир туугандарына айтып, оорулуу экен деп мени чанып кетишеби деп корком. Айтпай тийип алайын десем, кийин чатак чыгабы деп ойлойм. Эмне кылышты билбей калдым. Кеңеш берип коюуңуздарды суранам.

Айгерим, 24 жашта, Кара-Балта


– Тери оорусу адамдын өзүн коргой албай жаткандыгынын белгиси. Тери оорусуна көбүнчө коркок, тартынчаак адамдар чалдыгат. Стресстерден чыгуу жолун билишпейт, өзүн баалашпайт. Бирөөлөр бир нерсе деп койсо көбүнчө агрессивдүү жооп беришет. Андайлар өз баркын сезип, өзүн баалоону үйрөнүүлөрү жана башкалардан да ошону талап кылуулары керек. Стресстен чыгуу жолдорун өздөштүрүүлөрү кажет.
Айгерим, сизде «оорум бар экенин айтсам жигитим таштап кетет» деген коркунуч бар. Эгер ал жигит сизди сүйсө сиз ооруңузду айткан күндө деле таштабайт, сизге үйлөнөт, «ооруну дарыласа болот» дейт. Эгер ал сүйбөсө, анда ооруңуздун бар экенин билсе сизден кол үзөт. Андыктан ачык айтып, ошого жараша иш кылганыңыз оң.
Сиз «менин бактым оорума байланыштуу» деген жаңылыш ойду жыйыштырыңыз. Бактылуу болууга ар кимдин укугу бар, аракет гана керек.



«БАЛДАРДЫ ЖЕК КӨРӨМ»
– Мен жогорку билимдүү адисмин. Иштеген ишим бар. Күйөөм экөөбүз жакшы эле жашайбыз. Ортобузда 1 кызыбыз бар. 6 жашка чыгып калды. Күйөөм дагы төрө дейт, мен төрөгүм келбейт, анткени мен балдарды жек көрөм. Башында күйөөгө да тийбейм дечүмүн. Бирок үй-бүлө күтүш керек экен, айла жок тийгем. Балдарды жек көргөн да аял болушу мүмкүнбү деп таң калып жатасызбы?
Ата-энемдин тун баласымын. 5 бир тууганбыз. Андыктан кичинемден ини-сиңдилеримди багып, балдар менен ойногон күндөрүм аз болду. Бир туугандарым катар-катар төрөлгөндүктөн үйдө дайыма ызы-чуу. Бири басылса, экинчиси ыйлайт. Бирин көтөрүп келсең, экинчисин терметип же тамак бериш керек дегендей. 6-класстан тартып нан бышырып, тамак кыла баштадым. Чоңойгон сайын түйшүктөрүм да көбөйдү. Ата-энем бир жакка кетсе үйдө балдарды багып мен калам. Өзүм теңдүүлөр бир жакка барып, туулган күндөрдү белгилешет. Мен болсо үй жумуштарынан, балдардан бошобойм. Азыр деле балдардын чуру-чуусун уксам төбө чачым тик туруп кетет. Кызымды өзүмдүн балам болгону үчүн эле ыйлаганына, чырына чыдап чоңойтуп жатат окшойм.
Күйөөм төрө десе эле жүрөгүм түшөт. Кайрадан ызы-чуулуу күндөрдү башымдан өткөргүм келбейт. Абдан көңүлүм калган.
Бирок төрөбөй койсом күйөөм кетип калбайбы деп да ойлоп корком. Эмне кылышым керек, кеңеш бериңиздерчи.

Элмира, 29 жашта


– Негизи ата-эне балалуу болууну пландаштыруусу кажет. Биринин артынан бирин төрөгөндөр үйдүн, бала багуу түйшүгүнүн канча бир пайызын тун баласына, өзгөчө кыз болсо, жүктөп салышат. Жаш бала болсо чоң адамдын түйшүгүн тартып жадайт, организмине, психикасына күч келет. Бала балалык доорун сүрбөй калат. Балага болсо жаш курагына карата иш жасатуу керек.
Жазгандарыңызга караганда, сиз бала багуудан жадагансыз. Бирок балдарды жек көрбөйсүз. Сиз психологго кайрылып, кеңеш алсаңыз, өзүңүздү жана психикаңызды оң жакка өзгөртө аласыз. Эми төрөсөңүз балаңызды энелик мээрим менен бактылуу кылып чоңойтосуз.


Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  1 
Комментарийлер(15)
13.05.2019. 10:27 
Тайпасы:
Жаран
Комментарийлердин саны:
143
Катталган:
16-02-2018
Соӊку аракети:
25-05-2019 11:16
Жынысы:
Белгисиз
Калаасы:
Бишкек
+21
Психологдун кенеши деле ошол "озундон башта, онолсон куйоондун мамилеси да онолот". Аялдын жамандыгынан куйоосу ойноп, таштап кетти"деп элдер айтат. Байкуш аялдар.
13.05.2019. 10:41 
Тайпасы:
Жаран
Комментарийлердин саны:
98
Катталган:
23-10-2011
Соӊку аракети:
24-05-2019 15:41
Жынысы:
Белгисиз
+15
vikidiki,ошону айтсаң, жолдошума жагынам деп аялдар өлүп кетет окшойбуз
13.05.2019. 11:06 
Тайпасы:
Жаран
Комментарийлердин саны:
2
Катталган:
16-06-2016
Соӊку аракети:
23-05-2019 08:17
Жынысы:
Белгисиз
Калаасы:
ош
+6
тоа кантип периштедей болгон балдарды жек кору мумкун.сен кылган нерсени баары эле кылат ...
13.05.2019. 11:23 
Тайпасы:
Жаран
Комментарийлердин саны:
33
Катталган:
29-06-2016
Соӊку аракети:
25-05-2019 11:30
Жынысы:
Белгисиз
+12
Биз 11 бир тууганбыз бири бирибизди которуп багып туйшукто эле чонойдук шумдугун кур мындай ойду уч уктасак ойлонбоптурмун. Бала бакыт,бала дем куч,бала байлык. Кудай сактасын бирок кундордун бир кундорундо жолдошунан ажырап сыздаган мезгилде бала кандай кубат,келечегине умут тартуулап апакелеп турса Жаратканга ыраазы болосун. Азыр балдарым апа ыйлабачы атаман айла жок ажырадык эми сизден да ажырагыбыз келбейт,сизди алаканыбызга салып бополоп карайбыз,атам сизди бизге аманат кылып кетти дешет
Nurkyz1977 түзөттү 2019-05-13 11:25:48
13.05.2019. 12:56 
Тайпасы:
Жаран
Комментарийлердин саны:
639
Катталган:
05-05-2014
Соӊку аракети:
25-05-2019 11:12
Жынысы:
Белгисиз
+11
Уйдо баланын уну чыгып турганы озу бакыт! Идиш аягын, эмеректеринди сындырып чачканы озу бакыт! Иштен келсен аталап алдындан чуркап чыкканы озу бакыт! Наристенин жарык дуйного келгени эле чон бакыт!!!
13.05.2019. 21:39 
Тайпасы:
Жаран
Комментарийлердин саны:
102
Катталган:
30-04-2013
Соӊку аракети:
13-05-2019 21:50
Жынысы:
Белгисиз
+5
Биз уйдо 5 бир тууганбыз, улуу эжем баарыбызды ойнотуп, жетелеп, менин анан иним экообуздун булгап койгон шымдарыбызды жууп тазалап эле чонойткон. Азыр эжемдин 6 баласы бар.
Азыркы учурда улуу эжемди баарыбыз бапестеп сыйлап турабыз. Белектерди алып берип, колуна акча карматып, кийинтип дегендей. Эжем бизден жадап кетпей эле чонойткон. Азыр деле эркелеп алабыз жеендерибиздин козунчо;) алар ооздорун ачып карап калышат бизди.
13.05.2019. 23:58 
Тайпасы:
Жаран
Комментарийлердин саны:
27
Катталган:
01-04-2015
Соӊку аракети:
25-05-2019 05:28
Жынысы:
Белгисиз
+1
Канчалаган адамдар балалуу болуша албай туну куну кудайдан тиленишип барбаган жери кирбеген тешиги калбай даарыланып журушот,жашоодо ар нерсени кутсо болот, балалуу болгун келгенде баары кеч болуп калат,ден соолук жакшы болсо жашоо шарт жакшы болсо чырактай балдардан кантип отказ кылышат адамдар
14.05.2019. 09:09 
Тайпасы:
Жаран
Комментарийлердин саны:
102
Катталган:
05-04-2017
Соӊку аракети:
25-05-2019 11:56
Жынысы:
Белгисиз
0
Эх арман дуйно,бироо балага зар болсо,бироого бала кереги жок туура.Качанкы эн бактылуу ойноок курактагы кундорумду ойго салды.Ошондо бизде эч кайгы жок оюнга тойбогон балдар элек.Алтыным апам Бейишим апам оорубай ал кучу менен жадыраган жайнаган Келин эле.Бизда атадан ападан баарыбыз чогулганда 7 бир-тууган элек.Мен 4-элем,менден кийин 3 бир тууганымды карап ойнотуп бапестеп жургон убагым эле.Эн бактылуу кундорум эстелике калчу кундорум омурумдун мазмуну жаштыгымда калыптыр.
14.05.2019. 09:17 
Тайпасы:
Жаран
Комментарийлердин саны:
102
Катталган:
05-04-2017
Соӊку аракети:
25-05-2019 11:56
Жынысы:
Белгисиз
+1
Ал убакта 7 тууганым тугол бар болчу.Азыр эми арабыздан кокурок кучугубузду тойбогон топурака бергенибизге 6 жыл болуптур.Кундунда ото бергенин карагыла.Мен учун 6 жыл кече эле отуп кеткендей.Ал кун Али кунго чейин эсимде.Жаштыгымда кече эле отуп кеткендей.Уларбегимди кандай жакшы коруп бапестеп бактым эле.14 жашында бизди таштап кете бердинго.Бул кундорда Аллахымдын берген бактылуулук белеги.Бул белек сынып калсада бирок журоко сактап калгыдай белек.Кээ биринин белеги бутун болсо кээсиники
14.05.2019. 09:26 
Тайпасы:
Жаран
Комментарийлердин саны:
102
Катталган:
05-04-2017
Соӊку аракети:
25-05-2019 11:56
Жынысы:
Белгисиз
+1
Четинен сынып кете берет экен.Аллах Таалам мага берген белектинда7;1 сынып калды.Аябай журогум ачышты,омур бою эстеп ыйлап жаштыгымдагы откоргон эн бактылуу кундорду эстеп кала берем.Мен учун бир-туугандарымды багып тазалап чонойтуп баарыбыз чогуу болгондо эч экунбоор элем.Али деле Аллахка мин мертебе шугурлор болсун 6 бир-туугандарым таянар тоолорум жанымда.Аллахым ошолордун омурлоруно узун кылып берсин.Ал эми Уларбегиме Аллахым Бейиштин торунон орун берсин амин!Бир-тууганын бар бактылуусун.
14.05.2019. 10:14 
Тайпасы:
Жаран
Комментарийлердин саны:
117
Катталган:
07-06-2018
Соӊку аракети:
25-05-2019 09:31
Жынысы:
Белгисиз
+3
Наристени да жаман көрүп болобу?мен турмушка чыга элекмин бөлөлөрүмүн балдарын аябай жакшы көрөм эжелеп турушат канча жанында жүрсөмда тажабайм ар бир кылык жоругу сөздөрүнө суктанып тойбойм кэде ойлоп коём булар жокто кантип жашап жүрдүк жашоонун маңызы ушулар го деп ойлойм.
14.05.2019. 16:31 
Тайпасы:
Жаран
Комментарийлердин саны:
36
Катталган:
14-01-2014
Соӊку аракети:
22-05-2019 11:13
Жынысы:
Белгисиз
0
Ииий ботоом мен да чонума бобокторун коп каратпашым керек экен ээ
14.05.2019. 20:47 
Тайпасы:
Жаран
Комментарийлердин саны:
0
Катталган:
16-03-2017
Соӊку аракети:
18-05-2019 23:05
Жынысы:
Белгисиз
0
Баарына эле окшош жооп, психологго кайрыыныз
15.05.2019. 23:21 
Тайпасы:
Жаран
Комментарийлердин саны:
114
Катталган:
20-04-2017
Соӊку аракети:
24-05-2019 23:48
Жынысы:
Белгисиз
0
Баардык адамдар бирдей эмес го ар кимдин психологиясы ар башка
16.05.2019. 11:59 
Тайпасы:
Жаран
Комментарийлердин саны:
139
Катталган:
28-01-2016
Соӊку аракети:
23-05-2019 23:37
Жынысы:
Белгисиз
+2
Аялдар озунор ойлонгула баарына сиз куноолусуз дейт! Эркек конул бурбаса аялтойнош ойноп кеткенин элестеткиле! Эркектерге баары кечиримдуу аялдарга ошол куноону артышат сен жакшы карабай кетип калды же ойнош ойноп жатат деп! Нафиг ошого окшогон эрдиэрсизким олуптур! Кыргыздын эркектери жеп ичип катындын тапканы менен жашап озу тапса бузукуларга баргандан башканы билбеген эркектер кобойду! Албетте татыктуу эркектер бар бирок экинин бири женил ойлуу же бекерпоздор!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
К-рор дүйнөсү жана корей тасмалары
Супер-Инфо 15 жашта
Шоу дүйнө
Маданият
Саясат
Иликтөө
Крим-инфо
Турмуш
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
Маалымат-маанайшат порталы 2006-2019 © SUPER.KG
Биздин дарек: Кыргыз Республикасы,
Бишкек шаары, Жибек Жолу проспектиси 381,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
USD 69,85  RUB 1,08
Кирүү
Каттоо