ДИНАРА АЛЯЕВА: “ЧИНОВНИКТЕР БАЛДАР ХОСПИСИНИН ИМАРАТЫН АЛЫП КОЙГОНУ ЖАТЫШАТ”

ДИНАРА АЛЯЕВА: “ЧИНОВНИКТЕР БАЛДАР ХОСПИСИНИН ИМАРАТЫН АЛЫП КОЙГОНУ ЖАТЫШАТ”

№910 14-20-май 2020-жыл

“Чиновниктер Бишкектеги балдар хосписинин имаратын алып койгону жатышат” деп жазды 11-майда өзүнүн интернеттеги жеке баракчасына аталган жайдын түптөөчүсү Динара Аляева.

Айтымында, бул демилгенин артында Жогорку Кеңештин айрым депутаттары жана өкмөт өкүлдөрү турат. Аляева өпкөнү жасалма жол менен дем алдыруучу аппараттын жабдууларына министрликтен жардам сураганы үчүн Балдар хосписин жаманатты кылганы жатышат дейт. “Мындай аппарат үчүн чыгымдар камкордукка алынып, үйүндө оор абалда дарыланып жаткан балага керек. Карантинге жана чек аралардын жабылганына карабай хоспис өз камкордугуна алгандарды 200 миң сомдук дары-дармек менен камсыз кылды. Жылуу креслодо отурган сен эмне кылдың?” деп суроо узатты Аляева депутат Евгения Строковага.

Буга чейин хоспис жетекчилиги мекемеде 7 бала өпкөнү жасалма дем алдыруучу аппаратка кошулганын айтып, ал аппарат үчүн жардам сурап Саламаттыкты сактоо министрлигине кайрылган. Министрлик бюджетте бул үчүн акча каралбаганын айтып жардам берүүдөн баш тарткан.

Ал эми депутат Евгения Строкова "балдар хосписине өпкөнү жасалма дем алдыруучу аппарат керек же керек эместигин өкмөт текшериши керек" деп чыккан. Депутат аталган мекеме мыйзамдуу иштеп жатабы-жокпу деп текшерүү үчүн атайын комиссия түзүүнү да сунуштаган эле.

Дарылоо жардам бербей калган айыккыс дартка чалдыккан балдарга кам көрүлө турган бул хоспис 2017-жылы Бишкек мэриясынын жетекчилигинин катышуусу менен ачылган. Хосписке имаратты шаардык мэрия бөлүп берген.

Автандил


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  -4 

Талкуу жабык.

К-рор дүйнөсү жана корей тасмалары
Супер-Инфо 15 жашта
Шоу дүйнө
Маданият
Саясат
Иликтөө
Крим-инфо
Турмуш
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
Маалымат-маанайшат порталы 2006-2020 © SUPER.KG
Биздин дарек: Кыргыз Республикасы,
Бишкек шаары, Жибек Жолу проспектиси 381,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
USD 74,23  RUB 1,08