ТАРТЫНЧААК БОЛБО! БААРЫНАН КУР КАЛАСЫҢ...

ТАРТЫНЧААК БОЛБО! БААРЫНАН КУР КАЛАСЫҢ...

№756 28-апрель-4май, 2017-ж.

Адистердин айтымында, тартынчаак адамдын психологиясы абдан оор жүктү көтөрөт. Ойлогон оюна жетпегенине кысылып, кыжалат болуп, нерви бузулуп депрессияга кабылат. Андыктан адам эмне себептен тартынчаак болуп каларлыгы, бул мүнөздөн кантип арылуу керектигин психолог Самат Аалканов айтып берет.

ТАРТЫНЧААКТЫКТЫН ПАЙДАСЫ

  • Тартынчаак адам коомго пайдалуу инсан. Анткени ал жумушта, коомдук жайларда, үйдө маселе жаратпайт жана эч кандай чыр-чатакка барбайт.
  • Тартынчаак адамдар зулумдук, үстөмдүк кылбагандыктан боорукер, ак көңүл болушат.
  • Өзүн-өзү сындап, сырткы көрүнүшүн көзөмөлдөп тургандыктан өзүнө чексиз ишенген адамдарга караганда жагымдуу көрүнүшөт.
  • Илимпоздор тартынчаактар ишенимдүү дос болорун далилдешкен.
  • Адамда "кой, уят" деген тартынуу сезими болгону үчүн эл арасында туруктуулук сакталып турат. Бул сезим болбосо ар ким өз билгенин кылып коом баш аламан болуп кетмек.

ТАРТЫНЧААКТЫКТЫН ЗЫЯНЫ

  • Тартынчаак адам уялып жатып өз оюн так түшүндүрө албай чар-жайыт сүйлөйт.
  • Сындан корккону үчүн өз алдынча бир иш жасай албайт. Көпчүлүк менен тил табыша албагандыктан жумуш табууда кыйналат.
  • Эл көзүнөн оолак болгонго аракет кылып, четке качып, көп нерседен куру калат. Айрымдар карап койсо толкунданып, кызарып чыгат. Бул жүрөктүн согушун, дем алуусун, нервдин иштешин бузат.
  • Өзүн чектей бергендиктен тартынчаактар өз потенциалын ача албай калышат.
  • Тартынчаактар бат таасирленгендиктен бир аз ката кетирип алса, көпкө чейин унутпай, өзүн жей берип бул мүнөздүн татаалдашына алып келет.
  • Тартынчаактар өз укугун коргой албагандыктан баркы түшүп, кемсинтүүлөргө дуушар болушат.

ТАРТЫНЧААКТЫКТЫН ПАЙДА БОЛУУ СЕБЕПТЕРИ

Бала төрөлгөндө ак барактай таза болуп, анда коркуу, өзүн чектөө, тартынуу сезими болбойт. Качан ал чоңоюп, жашоо менен тааныша баштаганда ата-энеси тарбиялап кирет. "Элдин алдында кыйкырба, кармаба төгөсүң, чуркаба жыгыласың" деп чектей бергенде бала "кыйкырбаш керек, ырдабаш керек, такыр эле элдин алдында өзүңдү көрсөтпө" дегендей түшүнүшү мүмкүн. Анан чоңойгон сайын ошол мээсинде калыптанып калган принциптерди колдоно баштайт. Кийин бой жеткенде бирдеме кылайын дейт, бирок "жасай албай уят болуп калам же бирөөгө жакпай калсачы?.. Уят болгондон көрө сүйлөбөй эле коёюн, жетишкендиктерим менен мактанбайын, жаңы адамдар менен таанышпайм" деп элден оолактай баштайт.

ТАРТЫНЧААКТЫК ТУКУМ КУУЙТ

Мисалы, бала бирөөнүн баласын уруп койсо же уят сөз айтса ата-энеси экинчи кайталабасын деп катуу жазалайт. Анда балада жасагың келген нерсени жасабаш керек турбайбы деген жыйынтык жаралат. Ошентип ар бир чектөө мээсине сиңе берет. Бала "мен коомго туура келбейм, мен сулуу эмесмин, акылдуу эмесмин..." деп, өзүнө болгон ишенимдери жоголуп, коркуу сезимдери пайда болот.
Айтылгандардан сырткары тартынчаактык тукум кууйт. Эгер бул мүнөз сиздин психогенетикаңызда болсо, чоң атаңыздан атаңызга, андан сизге, сизден балаңызга берилет. Сиз өзүңүз тартынчаак болуп туруп балаңызды бул мүнөздөн алыс кылып тарбиялай албайсыз. Анткени балдар чоңдорду карап, көрүп, туурап калыптанат. Ата-эне тартынып, уялып турса, бул сезим автоматтык түрдө балага өтөт.

БИЗДИН ПСИХИКАБЫЗ КАЙДА?

"Биздин психикабыз кайда?" десек, эмне деп жооп берет элеңиз? Көрсө, психикабыз биздин бүт денебизде экен. Жогоруда айтылгандай, кичинекей кезибизде алгандарыбыз денебизге сиңе берет. Анан өз оюңду айтканда же бирөө менен таанышканда денеңдин төш жагы кысылып, тамагыңа бир нерсе тыгылгансып, баш ооруп, бет дуулдап кызарып, үн каргылданып чыгат. Көрдүңүзбү, мээ алдыга сүрөгөн менен, дене өзүн коргогонго аракет кылат. Биз өзүбүздү кыйнап тартынчаактыктан арылууга аракет кылган сайын стресс боло беребиз. Андыктан алгач денедеги стресстен арылышыбыз керек. Учурда психотерапия абдан өнүккөн, мындай маселелерди психотерапевттин жардамы менен чечсе болот.

ӨЗҮҢДҮ КОРДОБО!

Мисалы, бирөө көпчүлүк элдин астына чыгып сүйлөгөндөн тартынат. "Эл күткөндөй болбой, толкунданып жатып туура эмес сүйлөп алсамчы?" деп кыжалат болот. Муну социофобия дейбиз. Аларга айрымдар "коркуп турсаң деле билгизбей күлүп сүйлөй берсең, коркунучту жеңип кетесиң" деп кеңеш беришет. Бул таптакыр туура эмес, анда адам өзүн кордогон болуп калат.

ТАРТЫНЧААКТЫКТАН АРЫЛУУНУН БИР ЖОЛУ

Сиз кандай учурда тартынасыз? Минтип өзүңүзгө суроо бергенде мээңизге биринчи келген ой маанилүү.
Эгерде "эл астына чыгып сүйлөгөндө" десеңиз, эмнеге көпчүлүктүн астына чыккандан тартынасыз? "Туура эмес сүйлөп алам" дешиңиз мүмкүн.
Туура эмес сүйлөп алсаңыз эмне болот? "Эл күлөт" дейсиз. Демек, шылдың болгондон коркот турбайсызбы. Шылдың болбош үчүн сүйлөбөй койсоңуз, сиз уят сезиминин үстүн коркуу сезими менен жаап койгонсуз.
Сизди коркуу сезими коргоп келет. Балким, бул сезим бала кезде байкеңиз же эжеңиз шылдыңдаганда, мектепте аябай аракет кылып бийлесеңиз мугалимиңиз урушуп салганда жан дүйнөңүзгө сокку болуп денеңиздин бир бөлүгүнөн орун алып калган.
Мындан арылса болот, кана, өзүңүздү бир жыйында же тойдо сүйлөп жатканыңызды элестетиңиз. Уялганыңызды сезип жатасызбы? Ошол уялганыңызды денеңиздин кайсы жери менен сезип жатасыз?
Ал кандай экен: көлөмү, формасы, өңү, жумшак же катуу бекен, баарын элестетиңиз да, колуңуз менен ошол нерсени сууруп алыңыз.
Колуңузга кармап, ал заттын артында ээси бар деп элестетиңиз. Ага карап "мен сага ыраазымын, мени эмне деген стресстерден коргоп келдиң. Мен сага эч качан күлбөйм, сени эч качан шылдыңдабайм, мен сени коргойм. Баары жакшы болот, элдин астында чыгып сүйлөгөндө эч кандай коркунуч жок. Мен чоңойгом, мен сүйлөгөндү билем. Силердин максатыңар эмне?" деп караңыз, сизге эмне элес тартылды?
Эми ошол элести таштандыга өзүңүздөн алыс ыргытыңыз. Дагы көпчүлүктүн арасында сүйлөп жатканыңызды элестетиңиз, толкундоолор азайдыбы? Мына ушинтип тартынчаактыктан акырындап арылууга болот.

БАЛАҢЫЗ ТАРТЫНЧААК БОЛУП КАЛБАШ ҮЧҮН

  • Балага тиешелүү маселелерди шыр өзүңүз чечип салбай, баланын да оюн угуңуз. Антпесеңиз, бала сизге көз каранды болуп, өз ою менен эсептешпей калат.
  • Колдон келишинче үй-бүлөлүк маселелерди балдар жок маалда чечишип алыңыз. Ата-эненин чыр-чатагы баланын психикасына түздөн түз таасир этет.
  • Балаңыздын сунушун колдоп, анын артыкчылык, кемчилик жактарын көрсөтүп бериңиз. Болбосо "мени апам колдобой коёт" деген коркуу сезими пайда болот.
  • Балаңызды эч качан кемсинтпеңиз жана башкалардын да кемсинтүүсүнө жол бербеңиз.
  • Мектеп которгондо же мугалим алмашканда бала көнгүчө абалын сурап, сезимдери тууралуу сүйлөшүп туруңуз.
  • Балаңызды башкалардын көзүнчө сындап көңүлүн чөктүрбөңүз. Маанайдын чөгүүсү түнт болууга алып келет.
  • Мээрим төгүп, ар бир ийгилиги үчүн мактап туруңуз. Бул баланын өзүнө болгон ишенимин арттырат.

Замира Рахманбердиева
kenesh@super.kg


Кыстарылган видео:

Тартынчаак болбо! Баарынан кур каласың...


Автор: Илимбек Туратбек улуу
Оператор: Кайрат Сарбагышов, Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..


Рейтинг: Рейтинг  11 
Комментарийлер(30)
01.05.2017. 13:00 
Тайпасы:
Жаран
Комментарийлердин саны:
9
Катталган:
24-09-2016
Соӊку аракети:
12-12-2017 15:57
Жынысы:
Белгисиз
0
Мен да аябай тартынам башка бироо менен суйлошкондо создорду унутуп калам ,студенттик кезде уйдон сабакка даярданып барып мугалимдин жанына келгенде баарын унутуп калчымун
01.05.2017. 13:00 
Тайпасы:
Жаран
Комментарийлердин саны:
31
Катталган:
02-01-2015
Соӊку аракети:
12-12-2018 12:32
Жынысы:
Белгисиз
+1
Тартына турган жерде тартынып койгон дале жакшы, көк мээлер тартынбайт деп ойлойм
01.05.2017. 13:01 
Тайпасы:
Жаран
Комментарийлердин саны:
31
Катталган:
02-01-2015
Соӊку аракети:
12-12-2018 12:32
Жынысы:
Белгисиз
+3
Негизгиси кыздардын алдында тартынбагыла достор, болбосо башынарга минип алат
01.05.2017. 13:06 
Тайпасы:
Жаран
Комментарийлердин саны:
28
Катталган:
12-01-2017
Соӊку аракети:
21-06-2017 00:23
Жынысы:
Белгисиз
+1
Men tartynchakmynda :((
01.05.2017. 14:32 
Тайпасы:
Жаран
Комментарийлердин саны:
9
Катталган:
25-06-2016
Соӊку аракети:
12-12-2018 10:44
Жынысы:
Белгисиз
+5
Мен да тартынчаакмын. Эркек башым менен. Психологиялык китептер да жардам бербей атат. Мектепте окуп жүргөндо тартынуү эмне экенин билчү эмесмин. Студент болоор менен ушул оору жабышты. Билген нерсеңди тартынып айта албайсың. Көп элдин арасынан тост сүйлөө озүнчо машакат. Буюрса жеңем
01.05.2017. 15:22 
Тайпасы:
Жаран
Комментарийлердин саны:
1
Катталган:
17-06-2011
Соӊку аракети:
06-02-2018 23:34
Жынысы:
Белгисиз
Калаасы:
АЙДЫН ЖАНЫ
+2
Тартынчаактар коп элеокшойбуз ээ? Менда тартынчаакмын. Тартынуу (уялуу озуно ишенбоо сезими) школдо анан универде дайыма мени коштоп журду. Азырда жанымда копчулуктун арасында суйлоо мен учун озунчо бир машакат. Коп нерсени оюмдагыдай кыла албайм жакпай калсачы? Жаман болуп калса кантем? Озунчо суроолор кобойуп акыры оюмдан кайтам.
01.05.2017. 19:26 
Тайпасы:
Жаран
Комментарийлердин саны:
2
Катталган:
05-09-2013
Соӊку аракети:
10-12-2018 21:26
Жынысы:
Белгисиз
0
Тартынчаактык бул кыздарга ылайыктуу адат, алар таанышкысы келип өлүп кетип атса да күн карамадай созулуп уялып туруша беришет го тартынышып, эркектерге окшоп шарт шарт аткар, эмнеси проблема эмнеден тартынасыңар, эч ким жеп салбайт го.
Super TV
01.05.2017. 20:22 
Тайпасы:
Жаран
Комментарийлердин саны:
16
Катталган:
28-10-2016
Соӊку аракети:
17-07-2018 12:49
Жынысы:
Белгисиз
Калаасы:
Жалал-Абад
0
Эн туура таарынчак болбош керек
01.05.2017. 21:41 
Тайпасы:
Жаран
Комментарийлердин саны:
45
Катталган:
26-04-2017
Соӊку аракети:
24-11-2018 16:50
Жынысы:
Белгисиз
0
Мен да тартынчаак болчумун , атамдын:"Бироо чапанынды чечип, этегинди кесип кетеби"деген созунон кийин калтыргам
01.05.2017. 22:04 
Тайпасы:
Жаран
Комментарийлердин саны:
106
Катталган:
13-09-2016
Соӊку аракети:
09-12-2018 22:45
Жынысы:
Белгисиз
Калаасы:
Алай
+1
Куду мени жазып коюптур го
01.05.2017. 22:13 
Тайпасы:
Жаран
Комментарийлердин саны:
24
Катталган:
21-04-2014
Соӊку аракети:
17-10-2018 18:31
Жынысы:
Белгисиз
0
ХХХ тартынчаактык бул меедеги дофамин менен серотонин гормону жетишпегенден болот
Модератор admin_superstan түзөттү 2017-05-02 09:39:31
01.05.2017. 22:14 
Тайпасы:
Жаран
Комментарийлердин саны:
3
Катталган:
15-08-2011
Соӊку аракети:
03-03-2018 00:49
Жынысы:
Белгисиз
0
Мен суйгон тема экен ото эле тартынчаакмын.
01.05.2017. 22:33 
Тайпасы:
Жаран
Комментарийлердин саны:
55
Катталган:
06-05-2014
Соӊку аракети:
12-12-2018 14:00
Жынысы:
Белгисиз
+2
менда ушул проблема мн ото кыйналам баарына апамды куноолой берем бизди аябай катуу муноздо тарбилаган коп урат болчу эркелетип бетимден опконун эч качан эстей албайм а урушуп жемелегендерин жакшы эстейм ошондон уламбы азыр деле аябай чунчуп кетем бироо мн уруша кетсем эмнеге мындай болду деп озумду жей берип оорупда калам озумду кантролдой албай калам апам мн жакын отуруп сырдашып сезимдерим мн болушуш мен учун жат корунуш эч качан болбойт андай Жана каалабайм дагы эч нерсе айтпайм апама менин
02.05.2017. 07:34 
Тайпасы:
Жаран
Комментарийлердин саны:
10
Катталган:
08-05-2015
Соӊку аракети:
29-09-2018 14:59
Жынысы:
Белгисиз
0
Siren.ms,экообуздуку окшошуп кетет экен.Бирок мен шайырмын апам менен сырдашпайм
01.05.2017. 23:19 
Тайпасы:
Жаран
Комментарийлердин саны:
23
Катталган:
17-09-2016
Соӊку аракети:
20-11-2018 15:19
Жынысы:
Белгисиз
+3
Уятуулук бул ыймандан дейт. Бирок эмнеде уялуу керек, бироонун акысын жегенден. Мен да адамдар катары жашоого татыктуумун, деп ожорлоно беруу керек экен. анан эн главный конулду чоктурбогонго аракет кылуу керек. Дейлик бироого уят болуп калдын, же бир киши менен болгон маегин ойдогудай болбой калды. Резка конулун чогот. Бирок эмне болгондо да конулунду чоктурбой куунак боло берсен, мээн да менде баары жайында турбайбы деп ишенип, конулун которуло баштайт. жакшы эле ийгилик болот.
02.05.2017. 07:35 
Тайпасы:
Жаран
Комментарийлердин саны:
10
Катталган:
08-05-2015
Соӊку аракети:
29-09-2018 14:59
Жынысы:
Белгисиз
+2
Мен тартынчакмын уялчакмын кантип женем ток этер жери барбы тарс парс.Таблеткасы барбы
02.05.2017. 10:48 
Тайпасы:
Жаран
Комментарийлердин саны:
3
Катталган:
20-08-2016
Соӊку аракети:
20-03-2018 22:39
Жынысы:
Белгисиз
Калаасы:
Osh Bish
0
Asedullah1996,бар айтып,сага берем?
02.05.2017. 11:31 
Тайпасы:
Жаран
Комментарийлердин саны:
60
Катталган:
15-03-2017
Соӊку аракети:
12-12-2018 08:31
Жынысы:
Белгисиз
0
Жакшы Эн соонун кенеш экен. Баарына рахмат.
02.05.2017. 11:53 
Тайпасы:
Жаран
Комментарийлердин саны:
3
Катталган:
14-07-2014
Соӊку аракети:
08-12-2018 10:45
Жынысы:
Белгисиз
Калаасы:
Кемин
+2
Тартынчаактар коп экенбиз. Ооба тарбия туз таасир берет экен. Бизди да катуу тарбиялашкан, (уруп-согуп эмес, ата -энебиз "серьезный" кишилер да) озундон чондун астында озунуп суйлобо, орой болбо, урушпа, сеники чын болсо да унчукпай кое бер талашпай деген сыяктуу мээбизге синип калыптыр. Ошондуктанбы элдин козунчо суйлой албайм, эмне дейт,эмне деп ойлойт, туура эмес болсочу, катуу тийип конулу ооруп калсачы, лучше суйлобой эле коеюн дейм анан.
02.05.2017. 13:17 
Тайпасы:
Жаран
Комментарийлердин саны:
20
Катталган:
01-12-2016
Соӊку аракети:
16-06-2017 08:20
Жынысы:
Белгисиз
Калаасы:
ОШ шаары..
+1
Ушул макаланы окуп 180`градуска озгордум. Рахмат СУПЕР инфо жамааты!! Уйдо тартынуу такыр жок экен бирок, ким мн суйлоштум,эмне жонундо суйлоштум апам мн сырдашып,каткырып талкуулап отурабыз. Атам,акем бапры менен..Бирок досторум мн эч суйлошкум жок,балким коомду озгортуу керек.
02.05.2017. 15:24 
Тайпасы:
Жаран
Комментарийлердин саны:
55
Катталган:
06-05-2014
Соӊку аракети:
12-12-2018 14:00
Жынысы:
Белгисиз
+1
waiting,жакшыкенда кочодогулор мн суйлошуп сырдашкандан коро уйундогулор мн апан мн сырдашкан кандай жакшы бирок мен анте албайм балдарга мээримди кобураак берип чонойтуш керек ошондо гана бала энеге мээримдуу болот экен
02.05.2017. 14:59 
Тайпасы:
Жаран
Комментарийлердин саны:
106
Катталган:
21-02-2016
Соӊку аракети:
11-12-2018 17:53
Жынысы:
Белгисиз
0
Мен копчулуктун алдында ырдаганда жакшы эле баштап кайырма жака келгенде унум каргылданып, оозум титиреп кетет, демек аябай эле тартынчаакмын, жене албай журом ушул сапатымды жашоомо коп тоскоол болот
02.05.2017. 15:30 
Тайпасы:
Жаран
Комментарийлердин саны:
143
Катталган:
13-02-2017
Соӊку аракети:
27-11-2018 18:57
Жынысы:
Белгисиз
0
мен суйлосом суйлой берем, бирок кее бир адамдар бар сурдото турган. Ошолорду көргөндө сүрдөп, уялып, созумду таппай калам. Бул тартынчаактыкка киреби?
03.05.2017. 16:53 
Тайпасы:
Конок
Комментарийлердин саны:
3
Катталган:
14-04-2017
Соӊку аракети:
15-06-2017 22:16
Жынысы:
Белгисиз
0
Жакшы психотерапевтке барышым керек экен. Номери болсо жазып койсонуздар. Рахмат
03.05.2017. 18:31 
Тайпасы:
Конок
Комментарийлердин саны:
4
Катталган:
02-04-2017
Соӊку аракети:
08-05-2017 04:34
Жынысы:
Белгисиз
+3
Мен жендим бул ооруну. 1-эреже: Фальшивый болбош керек.элдин сынынан коркпош керек.
04.05.2017. 00:33 
Тайпасы:
Жаран
Комментарийлердин саны:
2
Катталган:
29-07-2014
Соӊку аракети:
17-10-2018 10:18
Жынысы:
Белгисиз
0
Ehh atadan balaga otkonu kyzyk atamy ele tartkamyn go baary ele owondoi oilop korsom baary tuura
04.05.2017. 00:34 
Тайпасы:
Жаран
Комментарийлердин саны:
2
Катталган:
29-07-2014
Соӊку аракети:
17-10-2018 10:18
Жынысы:
Белгисиз
0
Birok adamdyn ozgoruwu kyiyn
04.05.2017. 02:06 
Тайпасы:
Жаран
Комментарийлердин саны:
26
Катталган:
31-10-2015
Соӊку аракети:
22-11-2018 12:59
Жынысы:
Белгисиз
0
Эле аябай эле таартынчак
акмын.
04.05.2017. 07:59 
Тайпасы:
Жаран
Комментарийлердин саны:
19
Катталган:
09-04-2017
Соӊку аракети:
12-04-2018 21:14
Жынысы:
Белгисиз
+2
Мен уйдун кичуусу болгондуктанбы? Аябай тарсылдаган кызмын, туугандар эч ким унчукпайт менин характеримди билет бетке айтып на место койуп койом. Ата-энем мээрим тогуп турат 4-курстун студенти болуп калсам деле атам эркелетип кундо 10-15 жолу обуп эркелетип турат. Значит бактылуумун. Коментарийлерди окусам баары эле таартынчакмын дейт а мен тартынчак боло албай жатам.
04.05.2017. 16:23 
Тайпасы:
Жаран
Комментарийлердин саны:
50
Катталган:
14-08-2010
Соӊку аракети:
12-11-2017 11:31
Жынысы:
Белгисиз
0
Мен да тартынчаакмын.Тартынчаактыктын айынан орус тилин уйроно албай журом.Орусча уйроноюн деп, соз уйронуп, орусча суйлосом эле кулуп ийишет.Ишге да кире албай журом тартынчаактын айынан. Орусча суйлоп калса кантем?же орусча ката жооп берип калсам шылдындашат деп.Курсга барсам баары жаш балдар менен чогуу окуйт экем 1 кун барып эле барбай койдум орусча суйлосом жаш балдар кулуп жиберишкенде
05.05.2017. 00:56 
Тайпасы:
Жаран
Комментарийлердин саны:
20
Катталган:
01-12-2016
Соӊку аракети:
16-06-2017 08:20
Жынысы:
Белгисиз
Калаасы:
ОШ шаары..
0
janchar,Курста дагы озунчо девизи бар,"Тил уйроном десен тартынба,уялба!" деген. Кээбир кыйынсыган адамдар бар,кечээки эле озун акыбалын унутуп бироону шылдындаганы даяр турушат. Алар сизден умут кылып,кантип суйлоор экен деп чекчейип карап турушканда сиз маани бербешиниз керек,ичинизден созунузду кайталап сыртынызга чыгарып айтып корсонуз,,уйдо тилди даярдоо керек,чойрого карайт,орусча суйлогондор м"н журуп.
05.05.2017. 19:48 
Тайпасы:
Жаран
Комментарийлердин саны:
319
Катталган:
10-11-2013
Соӊку аракети:
08-12-2018 20:52
Жынысы:
Белгисиз
Калаасы:
киндик каным тамган жер
0
олоо жазасынар чыныгы жашоодо тартынчаак турбайсынарбы. тартынчаактардын сезими да кучтууроок болсо керек себеби сыртка чыгаргандан тартынып ичтен жеткире ойлонот.
08.05.2017. 03:32 
Тайпасы:
Жаран
Комментарийлердин саны:
243
Катталган:
30-06-2015
Соӊку аракети:
12-12-2018 15:23
Жынысы:
Белгисиз
Калаасы:
Ордолуу - Ош
0
Тартынчаактык адеп ахлак тарбыянын жакшылыгынын белгиси. Оозум бар деп тартынбай суйлой бергенден кудай сактасын вообще жакпайт ошондой адамдар. Керек жерде суйлош керек керек жерде тартынып туруш керек адам бетпактанып ызылдабастан туш келди
06.09.2017. 23:05 
Тайпасы:
Жаран
Комментарийлердин саны:
3
Катталган:
25-09-2012
Соӊку аракети:
04-05-2018 10:29
Жынысы:
Белгисиз
Калаасы:
Бишкек
0
Тартынчаак партынчаак дебей эле.акыл Эси Ордунда ак конул нормальный Адам мн мамиледе болсон кандай жакшы.шустрый болсо деле тартынчаак болсо деле.
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Супер-Инфо 15 жашта
Шоу дүйнө
Маданият
Саясат
Турмуш
Иликтөө
Крим-инфо
Спорт
Эробекет
Жан дүйнө
Түркүн дүйнө
Алтын балалык
Укуктук кеӊеш
Илим жана техника
Ден соолук жана сулуулук
Психология жана үй-бүлө
Тиричилик, бизнес
Ашкана сырлары
Жылдыз төлгө
Маалымдама
Көз караш
Эмгек жарчысы
 
Маалымат-маанайшат порталы 2006-2018 © SUPER.KG
Биздин дарек: Кыргыз Республикасы,
Бишкек шаары, Күрөӊкеев көчөсү - 180,
Тел.: +996 312 88-24-00, portal@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
USD 69,83  RUB 1,05
Кирүү
Каттоо