Бишкекте Сухэ-Батор көчөсүнүн ачылышы салтанат менен коштолду

Бишкекте Сухэ-Батор көчөсү жана аталган көчө менен 7-апрель көчөсүн бириктирген көпүрө ачылды. Бул тууралуу мэриянын басма сөз кызматынан билдиришти.

Маалыматка ылайык, Бишкекте борбор калаанын мэри Эмилбек Абдыкадыровдун катышуусунда Аламүдүн дарыясы менен Сухэ-Батор көчөсүндөгү көпүрөнүн салтанаттуу ачылыш аземи болуп өттү.

Жолдун узундугу 700 метр, жүрүүчү бөлүктүн туурасы Түштүк Кара деңиз жээгинин эки тарабында 8 метр, туурасы 16 метр. Жолдун эки тарабына туурасы 2,25 метр тротуар жана ирригация төшөлдү.

Белгилей кетсек, көпүрө аркылуу Сухэ-Батор көчөсү 7-апрель көчөсү менен байланышып, ал аркылуу шаардыктар шаардын чыгыш тарабына кире алышат. Ошондой эле бул жол тыгындарын азайтууга мүмкүнчүлүк берет.

Буга чейин апрель айында Сухэ Батор көчөсү оңдоп-түзөө иштерине байланыштуу убактылуу жабылган.