Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖКнын депутаты Бакыт Бешимов: «ТУН СҮЙҮҮМӨ КИЙИН ЖОЛУККАНЫМА ӨКҮНДҮМ»

№299 25-31-июль, 2008-ж.


Ар бир улут өзүнүн патриот уул-кыздары менен сыймыктанат эмеспи. Бүгүнкү биздин каарманыбыз Бакыт Бешимов да элим деп күйгөн кыргыздын чыгаан уулдарынын бири. Бакыт мырза менен баарлашып, аны окурмандарга саясатчы катары эмес, адам катары тааныткыбыз келди.

Кыскача...
Туулган жылы – 1954-жыл, 13-сентябрь
Зодиак белгиси – Бийкеч
Хоббиси – Китеп окуу, кино көрүү, тоо­го чыгуу
Кумири – Жок
Корккону – Кудайдан, кырсыктан коркот
Сүйгөн тамагы – Көп
Жактырган ыры – Рыспай Абдыкадыровдун бардык ырлары
Уюлдук телефонунун үлгүсү – "Моторолла"
Машинасынын үлгүсү – "Тойота Камри" (кызматтык машина)

– Саламатсызбы, Бакыт мырза, менин келгендеги негизги максатым – сиз менен депутат катары эмес, кыргыздын жөнөкөй уулу катары баарлашуу. Ошондуктан, маегибизде сиздин жеке жашооңузга токтолсок...
– Жакшы болот.
– Ар бир адамдын жашоосу балалыктан башталат. Ал эми сиздин балалыгыңызга кайрылсак, эмне кызыктар бар болду экен?
– Мен үч биртуугандын улуусумун. Ата-энем экөө тең кыргыз тили жана адабияты мугалими болуп иштешкен. Атам ОшМУда иштеп жүрүп мени үйлөнткөндөн кийин 49 жашында каза болуп калды. Апам болсо азыр пенсияда. Ал мени 5-курста Алайга практикага барганында төрөгөн. Төрө­лөө­рүм менен эле мени таенем багып алыптыр. Таенемдин ошол кезде эмчектеги баласы бар экен. Ошентип, таякем экөөбүз эмчектеш болуп чогуу чоңойдук. Айылда өскөн башка балдар сыяктуу талаадан куурай, тезек терип чоңойдум. Мен жаныбарлардын ичинен атка абдан жакын элем. Жылкылардын арасында бир кашка баш кулун бар болчу. Ошону жанымдан артык көрчүмүн. Бир күнү кечинде аны желеден бошотуп, анан уктап калганбыз. Эртең менен эрте таятам бизди жулкулдатып ойготту. Турсак, бээ айланып чуркап кулунун издеп жүрөт. Биз да тегерек-четтен чуркурап издеп калдык. Бир убакта тикенектердин арасынан кулунумдун башын көрдүм. Ошондогу сүйүнүчүмдө чек жок эле. "Биякта экен" деп кыйкырып чуркап бардым. Барсам, кулундун денеси укмуштай титиреп жатыптыр. Карасам, арткы бир саны жок, экинчи санынан шорголоп кан агып жатат. Кучактап алып буркурап боздодум. Ошентип, кулунумдан ажырап калгам. Көрсө, таятамдын айтымында, эне карышкыр түндөсү эки бөл­тү­рүгүнө олжого кол салууну үйрөтүү үчүн кулунду энесинен бөлүп чыгып, балдарына салып бериптир. Ушул окуяны эстегенимде азыр да калтырап турган кулунумду аяп кетем.
– Окуучулук күндө­рүңүзгө токтоло кетсеңиз?
– Мектепке баргыча таята-таянемдин колунда жүрүп, окуганымда өз ата-энеме баргам. Айылдан Жалалабатка барганымда шаарга көнө албай качып кетким келип көпкө кыйналгам. Бирок, каникул сайын таятамдардыкына барчумун. Айылдан жылаңайлак тоо-ташта деле жүрө берчү элек. Бутум чор болуп жарылып кетчү. Каникулдан келгенде таманымдагы чорду кетириш үчүн күн сайын бутумду ысык сууга салып отурчумун. Туурулган бетимди көргөн классташтарым "жапайы" деп шылдыңдашчу. Ага чычалап алар менен дайыма мушташчумун. Окуу жагынан гуманитардык сабактарды жалаң "5ке" окудум. Математикадан берген эжейдин улуту орус болчу. Анын үстүнө, улутчул эле. Кыргыздарды кемсинтип, оозуна келгенди айтып, анысы аз келгенсип, күндөлүктөгү аттарыбызды орусча кылып өзгөртө берчү. Атым Бактыбек болгону менен өзүм "Бакыт" дээр элем. Тигил эжей Бакыт атымды чийип, "Борис" деп жазып коёт. Мен кайра аны чийип салам. Ошентип, ал экөө­бүз­дүн ортобузда келишпестиктер болуп отуруп математикадан начарлагам. Ошол эжейдин айынан Салтанат аттуу кыздар "Света", Адылдар "Алик" болуп аталып калышкан.
– Сыягы, сиздеги улут үчүн жан күйдүрүү сезими ошол кезде пайда болгон окшойт. Бакыт мырза, биз кааласак да, каалабасак да ар бирибизге балалык сүйүү келет экен...
– Оо, ал кез эсимден чыкпайт. 7-классымда каникулга таятамдардыкына бардым. Балдар түнү менен айылдын жылкыларын кайтарып, албарсты жөнүн­дөгү жомокторду айтышабыз. Анан эле бир күнү жакшынакай кийинген, куурчактай болгон шаардык кыз айылга келип калды. Балдардын баары сүйүп калдык. Түнү чогулганда баягы албарсты жөнүндөгү жомокту эч ким айтпайт. Бирибиз "мен келечекте учкуч болом, анан тигил кызды самолётко салам" десек, экинчибиз "мен офицер болом, кычыраган формам менен гүл көтөрүп барып сүйүүмдү айтам" деп эле калдык. Ал кыз айылдан кеткиче баарыбыз жылаңайлак жүрбөй өтүк, жакшы көйнөк­төрүбүздү кийип жүрдүк. Анын бетинде бир башкача калы бар эле. Ошол калын көргөндө башым айланып калчу. Канчалык кыйналганым менен тартынчаактыгымдын айынан сү­йүүмдү билдире албай кала бергем. Ошол аруу сезим жүрөгүмдө кийин да сакталып калыптыр. Арадан 20-30 жыл өткөндө алыс­кы райондордун биринде мугалимдер менен жолугушмай болдум. Мага мектеп директору мугалимдердин тизмесин алып келди. Карасам, баягы кыздын аты, фамилиясы жүрөт. Сураштырсам, чын эле ошол экен. Бирок, "ошондогу куурчактай кыздын кийинки өзгөргөнүн көрбөй койсом болмок" деп өкүнүп калдым. Анткени, баягы жүрөгүмдө сакталып калган апапакай куурчак кыз башкача болуп өзгөргөн экен.
– Мектепти бүткөндөн кийинки жашооңузга токтолсоңуз?
– Мектепти аяктаар жылы балдар менен катуу мушташа кеттим. Мушташканда да коргошунду мээлейдин ичине салып алып мушташаар элек. Каттуу таяк жегеним аз келгенсип, милицияга да түшүп калдым. Ошондо атам: "Сен балдарымдын улуусу болсоң, сени көргөн инилериң эмне болот? Адам болушуң керек!"- деген. Ошондон тарта дитимдин баарын окууга бурдум. Бишкекке келип Улуттук университеттин тарых бөлү­мүнө тапшырып, анда окуп калдым.
– Өмүрлүк жубайыңызга студент кезиңизде жолуктуңуз беле?
– 5-курсту аяктап жатканда тарых факультетинин жатаканасына барып калдым. Жатаканадан чыгып келаткан кызды көрүп эле жүрөгүм козголуп кетти. Ал кыз жанымдан өтүп кеткенде араң өзүмө келип, артынан чуркадым. "Аба-ырайы сизге жагып жатабы? Күн ысып кетти го" дегиче болбой тигил кыз троллейбуска түшүп кетсе болобу! Атын сураганга үлгүрбөй кала бердим. Ал кызга жолуккандан кийин оюм бир жерде болбой кыйналдым. Окуу жайды кыдырганды жаман көргөн жаным университеттин бардык корпустарын, жатаканаларын кыдыра баягы кызды издедим. Аракетимдин акыбети кайтып, аны таап алдым. Аты Фатима, экономика факультетинин 1-курсун бүтүрүп жатыптыр. "Баягы күнү жолукпадык беле",- десем, ал эстей албай койду. Андан кийин биздин корпустун жанынан өтүп баратканын көрүп чуркап барсам, дагеле тааныбайт. Көрсө, ал кыз мен эстен тана жактырып жүргөн кыздын эгизи Зуура экен. Ошентип, Фатима менен 4 жыл сүйлө­шүп жүрүп баш коштум. Үй­лөн­гөндөн кийин 8 жыл борбордо батирден-батирге көчүп жүр­дүк. "Үйбүлөнүн кем-карчын толуктайм" деп күн­дүзгү бөлүмдө да, кечки бөлүмдө да университетте сабак берем. Түн­кү бө­лүм­дө акыркы сабак 23.30да бүтөөр эле. Кышкысын бул убакыт абдан кеч болуп кетет эмеспи. Келсем, келинчегим мешке от жагып отурган болот. Ошондо "келинчеги­ме жакшы шарт түзүп берсем экен" деп кыялданчумун. Ошол кыялым кийин ишке ашты.
– Канча балаңыз бар?
– Эки уулум бар. Улуусу Эрдин Америкадагы Гарвард университетин бүтүрүп, азыр ошол жактагы ири компаниялардын биринде иштейт. Ал Гарвардда окуп жүргөнүндө ирланд менен немистердин каны бар америкалык Элен деген кыз менен сүйүшүп калган экен. Уулумду үйлөп, тойдун биринчи бөлүгүн Вашингтон шаарында өткөрүп келдим. Экинчи бөлүгүн август айында Бишкекте өткөрөлү деп турабыз. Келиниме кыргыздын салты менен сөйкө салдым. Кудаларыма кийит кийгиздим. Экинчи уулум Ильяз да Гарвард университетинин 3-курсун аяктады. Келинчегим Фатима Бишкектеги микрокредиттик финансы корпорациясында экономист болуп иштейт.
– Балаңыз Эрдиндин Америкада биротоло жашап калышына кантип макул болдуңуз?
– Өнүккөн өлкөдө жашап калышына, албетте, каршы эмесмин. Уул-келинимдин ошол жакта калышын өзүм колдодум.
– Бош убактыңызды кантип өткө­рөсүз?
– Мен ишемби, жекшемби күндөрү иштегенди өтө жаман көрөм. Кол алдымдагыларды да кыйнабайм. Жума күнү жумуштан кийин дүкөнгө барып мөмө-жемиш жана жаңы чыккан кинолордун дискин сатып алам. Үй телефонумду да, уюлдук телефонумду да өчүрүп, эки күн бою кино көрөм.
– Жубайыңыздын үй жумуштарына жардам бересизби?
– Мага жубайым менен сүйлөш­көн абдан жагат. Экөөбүз сүйлө­шүп салат, тамак жасай беребиз. Аны намыс көрбөйм. Бейшембини биз "үйбүлө күнү" деп белгилейбиз. Бул күнү өзгөчө тамак жасап, көзү өтүп кеткен ата-бабалардын арбагына багыштап бата тилейбиз.
– Келинчегиңиз массалык маалымат каражаттарына тап­такыр чыкпайт деп угабыз. Себеби эмнеде?
– Ал башынан эле "элге таанылбайм" деген принципти кармайт. Мен аялымдын бул принцибин колдойм.
– Сизди Африканын жунгли токоюна эс алганы барып адашып кетиптир деп уккан элек...
– БУУнун жунглиде жашаган элдин жалпы жашоосу, жаратылышындагы өзгөрүүлөрү боюнча байкоо жүргүзүүчү долбоору менен Африкага барганбыз. Жунгли токоюна алып барып келиш үчүн шоопурларга атайын акча төлө­гөнбүз. Алар токойго барчу жолду билишпейт экен. Анысын бизге айтышкан эмес. Ошентип, 7 адам адашып кеттик. Жунглиге жамгыр чакалап куйгандай эле жаайт экен. Машина баткакка тыгылды. Кудум кинодогудай бир аял өзүн жоготуп: "Ушинтип өлүп калат деген эмне?!"- деп кыйкырып ыйлай баштады. Эптеп жатып аны тынчтандырганыбыз менен баарыбыз титиреп коркуп жатабыз. Үч күн дегенде жалгыз аяк жол таап калып, ошону менен жөнөдүк. 70 километр баскандан кийин бир айылга туш болдук. Айылдан телефон аркылуу жолду билгенден кийин кайык менен кеткенбиз. Жунглидеги жырткычтар кол салбаганына тобо кылам. Алар кол салышса, баарыбыз жок болмок белек, ким билет?!
– Кызыктуу маегиңизге рахмат, ишиңизде ийгилик болсун!

Маектешкен Сүйүн Кулматова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: