Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИШКЕ АШПАЙ КАЛГАН КЫЛМЫШ ЖЕ АЯЛДЫН ЧЫККЫНЧЫЛЫГЫ

№299 25-31-июль, 2008-ж.


Үйлөнгөндө Курманбек өзүнө "аялымды, бала-чакамды эч нерседен кем кылбай багам" деп сөз берген. Убадасынын өтөсүнө чыгам деп кара жанын карч уруп иштеп жүрүп көп ийгиликтерге жетишти. Бирок, ошол аракети өз башына муш болду. Даярга тап турмушка көнүп, эсирген аялы ойношуна кошулуп, "эч кимге билдирбей көзүн тазалап таштагыла" деп өзүн өлтүрүүгө киши жалдаптыр. Мындай нерсе Курманбектин оюна да, түшүнө да кирген эмес.

Операция "К"
Көчөдөгү унаа агымы сээлдеп калган кезде чакан кафенин жанына "Мерседес" келип токтоду. Ушуну эле күтүп тургандай, аянтчада турган олбурлуу киши машинаны көздөй басты. Бул киши Гафур болчу. Машинага отураары менен сумкасынан тапанча, ок салынган кутуча алып чыгып, рулдагы жигитке карматып, сынай тиктеп калды.
– Менимче, баары сүйлөшүлдү. Миң долларды алып келдим. Калганын ишти бүтүргөн соң аласыңар.
– Канчан келээрин тактадыңарбы?
– Ооба. Кечээ өзү чалып, үч күндөн кийин жолго чыгаарын айтыптыр. Москвадан поезд үч күндө келет. Демек, дүйшөмбү күнү саат ондо темиржол вокзалына чыгасыңар. Машинаңарга таксинин шашкасын коюп алууну унутпагыла. Тосуп алууга аялы өзү барат. Ал сыр бербей, силердин машинаңарды такси деп жалдайт. Андан ары кандай кылуу керек экендигин кайталап отуруунун кажети жок.
– Макул, келиштик.
Кымыңдаган Гафур жигиттер менен коштошкон соң түз эле Жыпарды көздөй жөнөдү. Ал – Курманбектин жубайы. Бир жылдан бери Гафур менен ысык мамиледе жүрөт.

"Чын элеби?.."
"Аяш кайдагы бир сартты таап алган имиш..." Поездде термелип келе жаткан Курманбектин кулагына досунун ушул кеби кайра-кайра жаңырып жатты. Турмушуна өмүрүндө кийлигишип көрбөгөн досу өзүн узатып чыкканда ушул кепти айткан эле. "Кантип эле ушундай болсун? Мени Жыпар сатпайт",- деп өзүн-өзү жооткоткону менен жанагы кеп мээсин курттай жеп, жанына тынчтык берээр эмес. Ошентсе да, алты айдан бери бүлөсүн көрбөгөн неме балдарын ойлогондо маңдайы жаркый кубанып, мекени көзүнөн учуп келе жатты.

Каналдан жарадар киши табылды
– Жолдош полковник, каналдан ок тийип жаракат алган эркек киши табылыптыр. Жабырлануучу тезинен ооруканага жеткирилди. Териштирүү үчүн жигиттерди ооруканага жөнөттүм.
– Качан табылды?
– Бүгүн таң эрте чуркап жүргөн спортчу жигит суу жээгинде жаткан кишини көрүп калыптыр. Дароо "Тез жардам" чакырыптыр.
– Абалы кандай экен? Сүйлөй алабы?
– Врачтар операция жасап, окту алып ташташты. Азырынча реанимацияда. Бирок, "абалы жакшы, бат эле эсине келет" дешүүдө.
– Анда жигиттериң эсине келгиче күтүп, анан сүйлөшүп келишсин. Аты-жөнүн тактадыңарбы?
– Ооба. Жороев Курманбек. Москвада кыргыздар соода кылган базарда эки кафеси, контейнерлери бар экен. Кыргызстанга кечээ түш ченде поезд менен келген.
– Анда иликтөөнү темиржол вокзалынан баштагыла.
– Жарайт.

Калптын казаны кайнабайт
Бул арада Жыпар кайынжуртун чогултуп, калпты ышкыртып кирди: "Курманбекти поездден тосуп алып, жүктөрүн көтөрүп келе жатканыбызда алдыбыздан бир киши чыгып, "такси керекпи?" деп сурап калды. Оюбузда жамандык жок эле ал таксиге отурганбыз. Айдоочунун жанындагы орундукта бир киши отуруптур. Вокзалдан бир аз узаганда жолдон дагы бир киши кол булгалап машинаны тосуп калды. Айдоочу: "Байке, тигил жигит досум эле. Капа болбосоңор салып алалы",- деп суранып калды. Каршы деле болгон жокпуз. Жолдон чыккан киши биздин жаныбызга отурган. Кандайча болуп кетти билбейм, бир маалда көзүмөн от чагылышып кетти. Башыма тийген оор соккудан улам эсим ооп калды. Өзүмө келсем, көзүмө эч нерсе көрүнбөйт. Көрсө, таңып коюшуптур. Машинадагы үчөө Курманбекти кыйнап: "Акчаңды кайда каттың? Айт!"- деп жатышкан экен.
Бир маалда машинаны токтотуп, багаждагы сумкаларды тытып киришти. Андан пайдаланып, Курманбек көзүмдө­гү, колумдагы таңууну чечип жиберди. Экөөбүз машинадан түшө калып качып жөнөдүк. Тигилер кыйкырган боюнча артыбыздан түшүштү. Машинаны чоң каналдын жээгине токтотушкан экен. Артымдан бирөөсү жетип келип тээп калганда өзүмдү токтото албай каналга кулап кеттим. Буга удаа эле атылган октун үнү угулду. Мени атыштыбы же Курманбектиби, аны билбейм. Дагы көзүм караңгылап, эсим ооп калды. Эсиме келгенде карасам, жээкте жатыптырмын. Айлана капкараңгы экен. Эптеп жүрүп отуруп жолго чыгып, бир машинаны токтотуп үйгө жеттим. Анан милицияга кабарладым. Курманбек да мага окшоп сууга агып кеттиби же жанагы ок ага тийдиби, билбейм",- деп көз жашын көл кыла ыйлап жатты. Бети-башы көгала болуп, көзү көнөктөй шишиген келиндин түрүн көргөн кайынжуртунун эси чыгып, бири милицияга, бири өлүккананы көздөй жөнөп, кыйсыпыр түшүп калышты. Жыпар Курманбекти алдакачан о дүйнөгө кетти деп ойлогон. Кечке жуук милициядан: "Жороев Курманбек шаардык ооруканада жатат. Шашылыш операция жасалыптыр",- деген кабар келди. Мындай болоорун күтпөгөн Жыпардын жүрөгү оозуна кептелип, Гафурга чалып кирди:
– Алло, Гафур. Колунан иш келээр адамдарды жалдабайт белең!
Гафур түшүнө бербей туруп калды.
– Эмне жөнүндө айтып жатасың? Жаным, иш бүттү. Эми Москвадагы эки кафе, контейнерлер биздики. Эптеп кыркын өткөрсөң, анан Орусияны көздөй акырын жылып жөнөйбүз.
– Кайдагы Орусияны айтасың? Экөөбүз жетелешкен боюнча абакты көздөй жөнөмөй болдук окшойт. Кайсы кара теке сүзүп сенин тилиңе кирдим эле?
– Жыпар, жаным, түшүндүрүп айтчы?!
"Кимдир бирөө кебимди угуп койбосун" деп буйтка жерге бекинип алып, иштин чоо-жайын Гафурга жанталаша түшүн­дүрүп жаткан Жыпар милиция кызматкерлеринин келип калганын байкабады. "Макул, анда мен ооруканага барып, сен айткандай кылам. Өзүң да ошол жерде болуп тур",- деп телефонду өчүрүп, бурула бергенде формачан кишиге урунуп алып, эси чыга туруп калды.
Ушул эле күнү ооруканада Курманбек жаткан палатага кирмекчи болгон жеринен Гафур кармалды. Жыпарды катаал суракка алган кылмыш иликтөө­чүлөр Курманбекти аткан Жамшит аттуу кишини да камакка алышты. Жалданма кылмышкерлердин дагы экөө качып кетүүгө үлгүрүшүптүр. Аты-жөндөрү такталган соң аларга издөө жарыяланды.
Колуна кишен салынган соң кандай акмакчылыкка баргандыгын түшүнгөн Жыпар зар какшай ыйлап, тергөөгө барган кайындарынан кечирим сурап, күйөөсүнө бир ирет жолуктуруп коюуну суранып жатты.
Ооруканадан Курманбек бир айда чыкты. Эртеси күнү сот болмок. Жабырлануучу катары сотко катышуусу керек экенин түшүнүп турса да, аялынын чыккынчылыгын кечире албады. Андыктан, сотко ишенимдүү өкүл жиберип, өзү катышуудан баш тартты. "Жок дегенде сотко келээр. Ошондо жалынып-жалбарып кечирим сурайын. Кантсе да ортобузда эки балабыз бар. Он беш жыл бирге жашадык. Кечирээр..."- деп ойлоп жүргөн Жыпар Курманбектин келбегенин билген соң эси эңгирей отуруп калды. Адам өлтүрүүнү пландаштырып, киши жалдаганы үчүн Гафур менен Жыпар ар бири он жылдан сот жообуна тартылышты.

Даярдаган Айбек Нурадилов. Сүрөтчү Ренат Мамытбеков


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: