Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПАРЗ

№299 25-31-июль, 2008-ж.


Бир кезде “кыргыз керемети” аталган кыргыз киносу Союз тарагандан кийин солгундоого учураган. Ошол солгундоону жоюуга аракет кылган кыргыз жигиттеринин арасында Садык Шер-Нияз да бар. Ал 2001-жылы “Айтыш” фондун түзүп, андан соң кыргыз киносун көтөрүү максатында атайын 2006-жылы “Айтыш фильм” киностудиясын ачкан. Мына ушул фонд тарабынан 2006-жылы тартылган “Парз” фильми дүйнөлүк фестивалдарга катышып, кыргыз элинин намысын коргоо менен байгелүү орундарга татып келет.

Режиссёр – Темир Бирназаров
Сценарий жазгандар – Садык Шер-Нияз, Темир Бирназаров
Оператору – Михаил Петров
Башкы ролдордо: Бала – Акжол Бекболотов, Кыз – Алтынай Төлөкулова

Тасманын мазмуну
“Парз” фильминин башка тасмалардан айырмасы бул – үнсүз кино экендиги. Башкача айтканда, фильмге катышкан каармандар бири-бири менен сүйлөшүшпөйт жана эч биринин ысымы айтылбайт. Фильмдеги башкаармандын ролун жараткан бала жаңы эле түрмөдөн чыгып келгенде атасы каза болот. Ал баланын атасынан башка жакыны жок. Анын үстүнө, ата-бала эмнегедир башкаларга окшоп короосуна бир да жандык күтүшкөн эмес. Бала илгертен келаткан салтка ылайык атасын жерге берүүдөгү парзын аткаруу үчүн ошол эле айыл ичинен жылкы уурдап келип соёт. Жыйынтыгында, түрмөдөн келген бала кайрадан эле түрмөгө кетет. Фильмдин ортосунда шаардык жаштар менен айылдык жаштардын сүйүүлөрүнүн айырмасы да берилген. Тактап айтканда, аялдамада турган башкаарманга жигитин кучактап турган шаардык кыз көзүн кысып тийишет. Ал эми башкаарман кошуна кызга болгон ички сезимин аяр мамилеси аркылуу билдиргенге аракет кылат. Кошуна кыз кермеде кир жайып жатканда бала акырын кермеге кооз билерик илип, аны жылдырып жиберет. Му­ну менен режиссёр шаардык жаш­тарга караганда айылдык жаштар сүйүүнү аруу тутушаарын бергиси келген. Уурулугу билинген баланы милиция кызматкерлери алып кеткенде кошуна кыз баланын арзуусуна жооп кылган сыңары анын ачык калган үйүн кулпулап бекитип жатканы менен тасма соңуна чыгат.

«Парз» фильми дүйнөлүк фестивалдарда
Фильм туурасында “Айтыш фильм” киностудия­сынын директору Фархад Бекмамбетов төмөнкүлөрдү айтат:
– Бул тасма 2006-жылы тартылып бүткөн­дөн кийин биздин эл көрө электе эле чет элдик фестивалдарга катышууга жолдомо алган. “Парз” фильми алгач Францияда өткөн эл аралык “Клермон-Ферран” фестивалына катышты. Дүйнө жүзүнөн барган 2500 тасманын ичинен жакшы делген алдыңкы элүү тасманын арасына кошулуу биз үчүн чоң сыймык болду. Андан кийин Ирандын борбору Тегеран шаарында болгон эл аралык кинофестивалда калыстар тобунун атайын белегине татыган. Мындан кийин дагы Швейцария, Германия, Италия мамлекеттеринде өткөн конкурстарда бир катар сыйлыктарга ээ болгонбуз.
– Айтсаңыз, бир эле кинону бир топ чет элдик конкурстарга катыштырууга кандайча мүмкүнчүлүк алып жатасыздар?
– Алгач тасманы конкурстун уюштуруучуларына жиберебиз. Конкурска катышууга миңдеген кинолор жөнөтүлөт. Ошонун ичинен алар конкурска ат салышууга татыктууларын тандап алышат. Ушундай тепкичтерди басып өткөн соң гана эл аралык конкурстарга катышууга мүмкүнчүлүк алып келебиз.
– “Парз” фильми америкалыктардын да кызыгуусун туудурганы маалым, ал кандайча болду?
– Былтыр Америкада өткөн эл аралык кинофестивалда жергиликтүү “CUNY TV “ телекомпаниясы “Парз” фильмин жактырып калган. Ошондон кийин ушул компания келишимдин негизинде “Парз” фильмин бир жыл бою АКШда көрсөтүү үчүн сатып алышты. Ушул жерден айта кетчү нерсе, бул фильм баш-аягы болуп 80 эл аралык фестивалга катышып, тигинтип америкалыктар кызыгышкандан кийин гана биздин УТРК кызыгып, эми араң көр­сө­түп жатат.

Тасманы тартуу учурунда...
Фильмдин тартылышы туурасында режиссёр Темир Бирназаров тө­мөндөгүлөргө токтолот:
– Негизи, үнсүз фильм тартуу – менин стилим. Алгач тасмага тартыла турган кыз менен жигитти кастинг аркылуу тандап алдык. Анан фильмге начар там издеп Карабалта, Кеминге чейин бардык. Акыры оюбуздагы там шаардын четиндеги Татыр айылынан табылды. Тамдын ичинде баланын апасынын портрети илинип туруш керек эле. Ал сүрөттү даярдап алып барсак, кызыгы, биз тапкан тамда жадакалса биз каалагандай сүрөт да бар экен. Андыктан, биз алып барган сүрөт эмес, ошол үйдөгү сүрөттү колдонгонбуз.
Сценарий боюнча баланын атасын жерге бергенден кийин нөшөрлөгөн жамгыр болуш керек эле. Атасын жерге берүү бөлүгүн тартып бүтүп боз үйдү чече баштаганда, катуу жамгыр башталып калды. Ошентип, жасалма жамгыр кылбай кинону табигый жамгыр менен тартканбыз.


Р.Жабиров: «...АЙПЕРИНИ СУЛТАНГА КҮЙӨӨГӨ БЕРИШПЕЙТ»

Көпчүлүк жаштардын кызыгуусун арттырган “Кайып булак” фильминин режиссёру Рысбек Жабиров учурда “Достор” фильмин тартуу менен алек болуп жатканын окурмандарыбызга кабарлаганбыз. “Бул фильмди тартуу кимдин идеясы, кандай тартылып жатат жана кимдер катышат?” деген сыяктуу кызыктуу суроолордун негизинде фильмдин режиссёру Рысбек Жабиров менен маек курдук.

– “Достор” фильмин тартуу идеясы кандайча пайда болду эле?
– Мындан мурун тартылган “Кайып булак” фильмин монтаждап жатканымда Султан Садыралиев: “Байке, мен жана менин досторум туурасында бир кино тартпайсызбы”,- деп айтып калды. Мен дароо эле макул болуп, Султанга: “Продюсериң менен сүйлөшүп көр”,- дедим. “Кайып булакты” бүт­көндөн кийин “Депутат” деген фильм тартсамбы” деп пландап жаткам. Ал эми Султан экөөбүздүн сөзүбүз жадымдан чыгып кеткендей болгон. Бир күнү Динара Эсенгулова кино тартуу жөнүндө айтып калды. Ошентип, “Достор” фильминин сценарийин жазууга кириштим. Фильмдин сюжеттерин, башкача айтканда, сценарийин толугу менен өзүм жаздым. Айрым жерлерин досторум Назым Меңдибаиров менен Молдаалы Өтөнбаевдер толуктап, өзгөр­түүгө жардам беришти.
– Фильмге тартылуучу топ туурасында айта кетсеңиз?
– “Достор” фильмине аты көпчү­лүккө маалым болуп калган жаш ырчылар катышышат: Урмат Усенов, Сема, Султан Садыралиев, Акбар Сүйүнбаев, Аида Кулуева, Кубик кызы Айпери, Сауле, Мажит. Башкы ролдордо Султан менен Айпери.
– Тартылып бүтө элегинде эле жаштарды кызыктырып калган кино эмне жөнүндө болмокчу?є
– Башкы ролдогу баланын аты – Ариет. Ариет кичинекейинен балдар үйүндө чоңоёт. “Максатыңа жетүүңө жардам берген ата-энең болбогондон кийин анда акчалуу болуш керек экен” деген ой Ариетти бийлеп алат. Ушундай оюнун негизинде акчалуу адамга айлануу үчүн Ариет досторунан бөлүнүп кылмышкерге айланат. Аягында бардык нерсени акча чечпесин түшүнөт. Бирок, анда кеч болуп калат. Кинонун аягында Ариеттин достору анын жакын туугандарын табышканы менен ал аларды көрбөй калат. Эмне болуп жолугушпай калганын азыр айтып койсом, көрүүчүлөргө кызыксыз болуп калабы деп турам. Ошондуктан, аягын сыр кыла турайын. Кинонун ортосунда Ариет бардар үйбү­лөдө өскөн кыз менен таанышып, жакын болуп кетет. Кайсы эле ата-эне кызын жетим балага бергиси келсин. Ошентип, сүйүүдө да Ариеттин жолу болбойт.
– Тасманын канча бөлүгү тартылып бүттү жана кайсы жерде тартылып жатат?
– Учурда фильмдин 60 пайызы тартылып бүттү. Тартуу Бишкек шаарында, шаар четиндеги айылдарда жана Таласта жүрүүдө. Баса, тартуу мезгилиндеги кызыктуу бир нерсени айткым келип жатат. Катышуучулардын баары актёрлукта тажрыйбасы жок ырчылар эмеспи. “Кайып булак” тасмасын тартып жатканыбызда ырчылардын колдоруна сценарийди карматып койгон элек. Алар болсо “мен минтип ойнойм” дешип алдын-ала даярданып алышыптыр. Ойноорго келгенде биз, режиссёрлор аларды башкача ойното албай кыйналганбыз. Ошол себептен бул жолкусунда бир аз бөлүгүн гана окутуп, анан даярдантып жатабыз. Катышкандар кинонун аягы эмне менен бүтөөрүн билишпейт.
– Бул кинону тартуу менен көрөрмандарга эмне тууралуу айт­кыңыз келет?
– Эл балдар үйүндө өскөн­дөрдү эл ата-эненин мээримин көрбөгөн, мыкаачы, өзүнүн кызыкчылыгы үчүн эч нерседен тайбаган адам катары билишет. Бирок, карап көрсөк, кылмышка толук кандуу үйбүлөдө өскөн, бардар жердин балдары деле барып жатышпайбы. Менин бул кинодо балдар үйүндө мээримге зар болуп чоңоюшса да жетим балдардын жакшы адам болууга умтулгандарын бергим келген.

Даярдаган Сүйүн Кулматова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: