Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МИЦУБИСИНИН» ТАРЫХЫНАН

№301 8-14-август, 2008-ж.


Тиби – Коомдук компания
Девизи – «Биздин максат – сиздин кооп­суздугуңуз жана айдоодон рахаттанууңуз»
Негизделген жылы – 1970
Штаб-квартирасы – Токио (Жапония)
Бир жылда акча айлантуу өлчөмү – $18,25 миллиард (2006)
Кирешеси – $793 миллион (2006)
Кызматкерлеринин саны – 34 миң 900 адам

«Мицубиси» жөнүндө
Үч кызыл ромбиктен турган жылдызчаны ким билбейт? Баары билет. Бул – жапониялык суперкорпорациянын эмблемасы. 138 жылдан бери өкүм сүрүп келаткан “Mitsubishi” империясы бүт дүйнөгө кеңири белгилүү. Күнүмдүк турмушта “Мицубиси Ойл”, “Мицубиси Электрик” жана “Мицубиси Моторс” компанияларынын продукцияларына туш болуп эле келебиз. Өз кезегинде автоунаа сүйүүчү­лөрүнө атал­ган концерндин автоунаалары кызык болоору талашсыз.
1870-жылдары Жапонияда узакка созулган феодалдык өзүн-өзү изоляциялоо мезгили аяктаган соң жаш ишкер Ятаро Ивасаки «Tsukomo Shokai» аттуу буу кемелерин иштеп чыгаруучу компаниясын негиздейт. 5 жылдан кийин бул компания “Mitsubishi Mail Steamship Company” (“Мицубиси почта ташуучу буу кемелерди чыгаруучу компаниясы”) деп аталып калган. Ошентип, кийинки компаниялардын негизи болгон “Мицубиси” империясы калыптана баштайт.
Дүйнөгө таанымал соода маркасынын логотибинин аталышы, ага негиз салган үйбүлөлөр: Ивасаки жана Яманоучилердин биригишинен пайда болгон. Жапончо “мицу” – “3”, “биси” – “алмаз” дегенди түшүндүрөт. Бул жерде аталган эки үйбүлөнүн тең мөөрүндө үч жалбырак чагылдырылгандыктан, алар түптөгөн ишкана “Үч алмаз” деп аталып калган.
“Үч алмаз” деп аталган компания алгач суу кемелерин чыгара баштаган. Буга Жапониянын жаратылыштык орду да таасирин тийгизбей койгон эмес. Ивасаки үйбүлөсү башкарган жаш компания бара-бара өлкөдөгү ар тараптуу ишканалардын бирине айланган. Экинчи дүйнөлүк согуштун алдында кеме чыгаруудан башка банк ишмердиги, транспорт кызматы, кен байлыктарды казуу, кыймылсыз мүлк агенттиги, химия өндүрүшү жана башка көптөгөн иштер менен алектенип калган. Компаниянын учурдагы ишкердик духу, коом алдындагы жоопкерчилик жана ишеничтүү унааларды иштеп чыгаруу сапаттары ушул мезгилдерде калыптанган.
Компаниянын автоунаа иштеп чыгаруудагы умтулуулары 1917-жылы өз жемишин берип, Жапониядагы 1-сериялуу жеңил автоунаа “Model-A” маркасы иштелип чыгат. 4 жыл гана чыгарылган бул машина жапон коомчулугунун жогорку баасына татып, 1922-жылы Жапониянын дүйнөлүк көргөзмөсүндө башкы экспонат болот. Ошентип, мындай модель “Мицубисиге” өлкөдөгү негизги автоунаа өндүрүүчү компаниялардын бирине айлануусуна өбөлгө түзгөн.
1931-жыл “Мицубиси” компаниясы үчүн өзгөчө жыл болот. Жапонияда 1-жолу автоунаа үчүн дизелдик кыймылдаткыч пайда болгон. Кийинки жылы компания келечекте үлгүгө айланган өзүнүн 1-автобусу “В56ны” коомчулукка тартуулаган.
1957-жылы “Мицубиси” 1-ири автоунаа экспортун ишке ашырып, Чили өлкөсүн 600 автобус менен камсыз кылган. Ушул сыяктуу операциялар Экинчи дүйнөлүк согушта бүлгүнгө учураган экономиканы көтөрүүгө салым кошпой койгон эмес. Мындай кырдаалга ыңгайлашкан компания узак убакыт сарамжалдуу машиналарды чыгарууну көбөйткөн.

Жеңил автоунаалардын мезгили
1960-жылдардан баштап Жапониянын экономикасынын өнүгүшү менен бирге эле калктын кирешеси өсөт. Көпчүлүк автоунаа сатып алуу мүмкүнчүлүгүнө ээ болгон. Жеке машиналуу болуу кыялы дээрлик ар бир жапониялыкты унаа сатып алууга түрткөн. Натыйжада, калктын калың катмарына “Mitsubishi 500” машинасы тартууланган. Ал автоспорт боюнча “Макао Гран-Присинде” жеңүүчү аталып, компаниянын жогорку сапатын дагы бир ирет тастыктаган

«ММС»
Автоунаа чыгаруу кирешелүү бизнеске айлана баштаган чакта 1970-жылы “Мицубисинин” автоунаа чыгаруучу бутагы өз алдынча ишкана болуп, учурдагы “Mitsubishi Motors Corporation” (“MMC”) компаниясы негизделген. Эми “MMCтин” өнүгүшү үчүн илимий-изилдөө жана өндүрүштүк базасы жолго коюлуп, автоунааларды тейлөө кызматына өзгөчө көңүл бурула баштайт. “ММС” дүйнөлүк ири автоөндүрүүчү компаниялардын бири болууга умтулуп, маанилүү эл аралык иш-чараларга демөөрчүлүк кыла баштаган.
“Mitsubishi Motors” бул багытта 1984-жылы Сараеводогу (Югославия) Олимпиаданын башкы автоунаа камсыздоочусу болгон. Ушул жылдары чыгарылган “Mitsubishi Pajero” жол тандабасы эң ийгиликтүү унаалардын бири болуп саналат. Ал 1983-жылы эң оор жана кооптуу деп эсептелген Париж-Дакар автожарышында марафондо жеңип чыгат. Кийинчерээк көптөгөн өлкөлөрдө “Pajero” бир нече жолу мыкты машина деп табылган. Ошентип, аталган үлгүдөгү машина дүйнөгө атагы чыгып, чыныгы легендага айланган.
2001-2005-жылдары атактуу Париж-Дакар автожарышында катары менен 5 жолу командалык эсепте жеңүүчү аталган. Натыйжада, “ММС” ал мелдештин эң ийгиликтүү компаниясы наа­мына арзыган.
Бүгүнкү күндө “ММС” дүйнөнүн 32 өлкөсүндө орто эсеп менен жылына 1 миллион 600 миң машина иштеп чыгарат. Анын ири заводдору Францияда, Нидерландыда, Тайландда жана Орусияда ийгиликтүү иш алып барууда.
Учурда “Мицубиси” дегенде авто­сүйүүчүгө 1-кезекте “Pajero” (“Жип”) унаасы жана анын “биртууганы”, “Жип” менен чакан автобусту айкалыштырган “Delica” эске келет. Капчыгы калың, салабаттуулар үчүн “Diamant” жана “Debonair” бар. Ал эми жаштарга “Eclipse”, “GTO” жана “Lancer Evolution” абдан ылайык болоору талашсыз. Ошондой эле “Мицубисинин” үй тиричилигине ыңгайлашкан “Colt”, “Galant”, “Lancer”, “Mirage”, “Chariot”, “RVR-Space Star” жана “L200” бар. Жүк ташуучу машина жана автобустардан “Canter”, “Fuso” жана “Jupiter” баарына белгилүү. Айтор, баары бар.


Рулдагы жылдыз

Эмиль Токтогонов: «БИР КҮН ДА МАШИНА АЙДАБАЙ ТУРА АЛБАЙМ»

Биздин бүгүнкү каарманыбыз – КРнын Тай бокс федерациясынын алдындагы Вале тудо бөлүмүнүн президенти Эмиль Токтогонов. Жаш спортчуларга колдоо көрсөтүп келаткан каарманыбыз спорттон тышкары мыкты автосүйүүчү да болуп чыкты.

Токтогонов Эмиль Нурдинович
1981-жылдын 11-августунда Кочкор районунун Карасуу айылында төрөлгөн.
Бою 172 сантиметр, салмагы 75 килограмм.
Спорттогу жетишкендиктери: панкратион боюнча Азия­нын 4 жолку чемпиону (2002, 2005-2007-жылдар). Евразиянын Кубогунун ээси (2006), Тай бокс боюнча Казакстандын президентинин кубогунун ээси (2005).
Беттештерге “Шаман” кличкасы менен чыгат.
Бишкек Медициналык орто окуу жайын жана КМДТСАны бүтүргөн.
Үйбүлөлүү, бир кыздын атасы. Учурда Бишкекте жашайт.

– Эмиль байке, канча жылдан бери рулдасыз?
– Машинаны 6-классымда эле айдай баштагам. Үйбүлөдө 5 биртуугандын эң кичүүсүмүн. Байкелеримдин баарынын машиналары болгондуктан, машина айдап эле чоңойдум. Болгондо да бардык түрлөрүн: “Волга”, “Жигули”, “Москвич” жана трактор. Көбүнчө өзүм кичинекей болгондуктан, байкелеримдин алдына отуруп алчумун. Кийин эки жылдан кийин айдап кеткем. Көп айдабасам да, майда-чүйдө жактарга айдап калчумун. Мисалы, машинаны жуудуруп келүү керек болгондо. Ал эми профессионал катары рулда отурганыма 4 жыл болду.
– Бул сиздин канчанчы машина­ңыз?
– Бул менин үчүнчү машинам. Айдап жүргөнүмө 6 ай болду. Буга чейин 4 жылдай алгач “Ауди 100”, кийин “Ауди 80” мингем.
– Бардык машиналарыңызды өзүңүз иштеп тапкан акчага сатып алгансыз да, ээ?
– Ооба. Алгачкы машинамды беттештерден алган гонорарларымды чогултуп, айылга кой-мал багып, анан сатып алгам. Кийинкилерин алмаштырганда дагы үстүнө акча кошуп дегендей... “Мицубисимди” атайын Жапониядан заказ берип алдыргам. Өзү 1998-жылы чыгарылган. Баасы 6 миң доллар.
– Эмне үчүн дал “Мицубисиге” токтолуп калдыңыз?
– Былтыр 3 ай келишим боюнча Орусиянын Приморье аймагында машыктыруучу болуп иштеп калдым. Ошондо мага кызматтык “Тойота Калдина” машинасын беришкен. Мурда мага жапониялык үлгүдөгү машиналар жакчу эмес. Аларды тоготчу эмесмин. Бирок, ал жакта жүрүп мындай машиналарга кызыгып калдым.
– Сизге “Мицубисинин” кандай сапаттары жакты?
– Мен ал жакта жүргөндө “жапониялык машиналар аскердик заводдордо жасалып, мыкты сапаттуу жана сарамжалдуу” деп уккам. Буга аз убакыттын ичинде өзүм да ынандым. Ошондой эле “Мицубисиде” коопсуздукка өзгөчө көңүл бурулгандыгы таңкалтырды.
Жакында үйбүлөм менен айылдан келаткам. Кочкор-Бишкек жолунда 160 ылдамдыкта бараткам. Кокусунан алдыңкы дөңгөлөк жарылып кетип жатпайбы. Эгерде башка машинада болсок, мүмкүн, кырсыкка кабылмакпыз. А “Мицубиси” тоголонуп кетүүнүн ордуна автоматтык түрдө акырындык менен токтоп, абалдан аман чыгып кеттик. Ошондой эле ысык аптапта анын климатты көзөмөлдөө системасы аябай ишке жарап жатат.
– Жогорку ылдамдыктын сүйүү­чүсү окшойсуз...
– Ооба, мага машинаны зуулдата айдоо аябай жагат. Мүмкүнчүлүк болду дегенде эле жогорку ылдамдык менен айдап, рахат алам. Кудай сактасын, рулда кырсыкка кабыла элекмин. Негизи эле, спортчулар мыкты айдоочулар деп ойлойм. Алар мыкты реакцияга жана сезип туя билүүгө ээ болушкандыктан, рулда өздөрүн ишенимдүү сезишет.
– Эгер жогорку ылдамдыктын сүйүүчүсү болсоңуз, МАИчилер менен мамилеңиз кандай болду экен?
– МАИчилер менен мамилем жак­шы. Алар тоскондо айдоочулук күбөлүгүмө кошо спортчу экендигимди тастыктаган күбөлүгүмдү көрсөтө коём. Алар спортчуларды сыйлашат. Ошентсе да кээде “сени кечээ сыналгыдан көрдүм, кантип эле акча жок болсун?!” деген учурлар да болот.
– Машинанын түсүнө көңүл бурасызбы?
– Албетте. Мен бул машинамды алаарда атайын күмүш түстүүсүн заказ кылгам. Менин билишимче, “Мицубиси” компаниясы 1997-2005-жылдары “Галант” үлгүсүндөгү унааларды акула сыяктуу иштеп чыгарышкан. Ошондуктан, учурдагы машинам “Акула” кличкалуу болуп, «видухасы» акулага окшош.
– Акыркы жолу маршруткага түшкөнүңүз эсиңиздеби?
– Эсимде жок. Акыркы жолу машинамды сырдатып жүргөндө мындан 2 ай мурда түшсөм керек. Негизи эле, бир күн машина айдамайынча тура албайм. Мелдештерге катышып, бир нече күн чет өлкөдө жүргөн күндөр болуп калат. Андайда машинамды сагынып, келген соң багына толтура май куюп алып, Бишкекте жөн гана айдап жүрө берем.
– Азыркы учурда эс алуу сезонунда эмне менен алектенүүдөсүз? Машыгуулар жана жумуш токтоп калгандыктан, машинаны сейрек айдап калсаңыз керек...
– Азыр бир аптадан бери таксист болуп иштеп жатам. Окуучуларым убактылуу эс алууда. Мелдештер өтпөй жаткандыктан, ушинтип шабашка кылып жатам. Көрсө, жакшы эле түшөт турбайбы. Азыр күндүз уктайм да, түнкүсүн иштейм.
– Точкаларыңыз кайсы жерлер?
– Абдрахманов-Ахунбаев көчөлө­рү­нүн кесилиши жана жаңы автобекет.
– Рахмат. Ишиңизге ийгилик!

«МИЦУБИСИ Галант»
Узундугу (мм) ....................................... 4865
Туурасы (мм) ....................................... 1840
Бийиктиги (мм) .................................... 1485
Кыймылдаткычынын көлөмү (см3)..... 2378
Орундардын саны .............................. 5
Кубаттуулугу (ат күчү) ........................ 158
Салмагы (кг) ....................................... 1985
Максималдуу ылдамдыгы (км/саат) .. 200
Май чыгымдоосу (л/100км):
Шаар ичинде ...................................... 13,5
Трассада ............................................. 7,2
Аралаш ................................................ 9,5
Мунай багынын өлчөмү (л) ................ 67

Бетти даярдаган Базарбек Абдураимов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: