Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УИЛЛ СМИТ

№301 8-14-август, 2008-ж.


Алгач фантастикалык мушташ кинотасмалар менен атактуулукка жетип, кийин “кинодо бир гана комедия жанрын жактырам” деген актёр Уилл Смит быйыл “Fobers” журналынын иликтөөсүнүн негизинде “Эң көп гонорар алган актёр” деп табылды. Анын киного тартылуудагы бир жылдык кирешеси 80 миллион долларды түзгөн. Бул жетишкендиктери анын күйөрмандарынын кызыгуусун дагы бир топко арттырды десек жаңылыштык болбос...

Толук аты-жөнү Уиллард Смит II
Туулган күнү1968-жыл, 25-сентябрь, саат 10:30
Боюнун узундугу 189 сантиметр
КарьерасыАктёр, продюсер, композитор, рэп ырчысы
ЖубайларыШерри Зампино Смит (ажырашкан, бир уулу бар), Жаде Пинкетт Смит (бир уул, бир кызы бар)
Тартылган тасмаларынын саны79
Билген тилдериАнглис, испан

«Ханзаада» кличкалуу Уилл
Атактуу актёр жана музыкант Уилл Смит 1968-жылы 25-сентябрда Американын Пен­сильвания штатындагы Филадельфия шаарында төрөлгөн. Атасы Уиллард Смит I жеке ишкер, апасы Керолайн мектеп мугалими болгон. Андыктан, атагы алыска тарачу болочок жылдыз жаш чагында турмуштун анча-мынча оорчулуктарын башынан өткөргөн. Жөнөкөй үйбүлөдө өскөн 4 биртуугандын экинчиси Уилл жаш кезинен эле зирек чыгат. Анын “Ханзаада” деген кличкасы да ошол кезде эле жакындары арасында айтыла баштаган. Себеби, болочок актёр таттуу тили жана жылдыздуу жүзү менен баарынын маанайын көтөрүп, жадакалса урушуп жаткан кишини да күлдүрүп жиберчү.

Рэп ырчысы жана биринчи миллион
Уилл Смит мектеп жашынан эле рэп менен алектенип, ыр дүйнөсүнө аздан аралаша баштайт. Балалыгындагы “Ханзаада” кличкасын сахнада чыгармачылык псевдоним катары колдонуп, кийинчерээк жакын досу белгилүү рэп ырчысы Жефф Таунс менен биргеликте «DJ Жаззи Жефф жана Мыкты Ханзаада” деп аталган топ түзгөн. Тар чөйрөдө эл алдына чыкканда таптакыр тартынуу дегенди билбеген болочок ырчы ошол кезде эле бир топ кыздардын жүрөгүн ээлеп, күн сайын жаңы кыз менен сейилдөөнү адатка айландырып алат. Кийин топтун алгачкы эки альбомунун бири “Мен рэп ырчысымын” ырлар жыйнагы “Грэмми” сыйлыгына татып, атактуулукка карай кадамдар арбыйт. Ошентип, ырчылыктын артынан 18 жаш курагында араңдан чогултуп тапкан биринчи миллион долларын Уилл Смит жеке кызыкчылыгы үчүн жумшоону чечип, көңүл ачууга, үй, машина жана алтын-күмүш жасалгаларын сатып алууга коротуп жок кылат. Андан көп узабай эле аталган топ ырчылардын изденүүсү токтоп калганына байланыштуу тарап кетет.

Кино дүйнөсү
1989-жылы Уилл Смитке Куинси Жонс аттуу кинорежиссёр тасмага тартылуу сунушу менен кайрылат. Жыйынтыгында, актёрдун катышуусундагы “Бель-Эйрдик мыкты Ханзаада” аттуу сериал жарыкка чыгат. Бул көп сериялуу кинотасма 6 жыл бою экрандан түшкөн эмес жана мунун натыйжасында актёр чогулуп калган салыктарынан, карыздарынан кутулууга мүмкүнчүлүк алат. Биринчи эмгегинен эле таланттуу экендигин далилдей алган Смитти «NBC» телекомпаниясы жактырып, дароо кийинки фильмдерде роль жаратуу боюнча келишимге кол коюшат.
Чыныгы атактуулук актёрго “Тентек балдар”, “Боштондук күн” кинотасмаларынан кийин келген. Ар бир тасмага тартылуусу үчүн актёр 5 миллион долларлык өлчөмдө гонорар талап кыла баштайт. Бир гана кино тармагында жетишкендиктерди багындырбастан, 1997-жылы кайрадан ырчылыкка кайрылып, 4 жылдык тыныгуудан соң жаңы ырлары менен дүйнө элин дагы бир козгоп өтөт.
Актёр кинокарьерасында өзүнүн жаңы­лыш­ты­гы катары “Матрица” фильминдеги башкаармандын ролун жаратуу сунушун четке какканын эсептейт. “Мен элдин элесинде өзгөчө сакталууга болгон чоң мүмкүнчүлүгүмдү бошотуп жибердим. Карьерамда бир гана өкүнгөнүм ушул”,- дейт бул тууралуу Уилл. Дагы айта кетчү нерсе, актёрдук кесиби Уиллдин жандүйнөсүнө да чоң өзгөрүү киргизген. Камера алдында айтылуу америкалык боксчу Мохаммед Алинин ролун жаратуу менен кийин анын образынан чыга албай, ислам динин да тутуп, мусулман экендигигин жар салып чыгат. Бирок, кийинчерээк кайсы динди тутуп жүргөнүн элге айтуудан таптакыр баш тартып, азыркыга чейин сыр кылып келет.

Үйбүлө
Уилл Смит жеке жашоосун да көңүлсүз өт­көрүүнү каалабайт. Себеби, мектеп жа­шынан бери эле сулуу кыздардын кө­ңүл борборунда болуп, алардын сүйүүлөрүн башкарууга көнгөн. Алтургай болочок актёрдун “мени мектепте үч классташым талашып жүрүп чачташып да кетишкен эле” деген эскерүүсү бар. Кийин эс тартып, сүйүү сезимдери, балалык ойноок мүнөзү токтолуп калган кезде биринчи жолу чыныгы сүйүүгө кабылган. Бирок, ал сүйүүсү жоопсуз болуп, өзүнөн 3 жашка улуу Жесика башка жигит менен басып кетет. Ошондо “экинчи кыздарды сүйбөйм” деп өзүнө катуу сөз берген Уилл көп узабай Шерри Зампино аттуу кыз менен жолугуша баштайт. Алардын ысык мамилеси 1992-жылы баш кошуп, бирге түтүн булатууга алып келет. Жыл айланып Шерри актёрго Уилард Смит III (же жөн гана Трей) аттуу уул төрөп берет. Анткен менен чогуу жашагандарына 3 жыл толгондо, тагыраак айтканда, 1995-жылы жубайлардын ортосун суук сезимдер, таарынычтар жана түшүнбөстүктөр бөлүп, акыры ажырашып кетишет.
Ажырашуудан кийин 2 жылдай убакыт бойдок жүргөн актёр 1997-жылы эски таанышы жана эски сүйүүсү Жаде Пинкетт аттуу айымга баш кошот. Уилл Жаде менен алгачкы кинотасмасында эле таанышкан. Кинодо каармандын сүйүктүүсүнүн ролун жаратуу үчүн келген Жаде актёрго тез эле жагып калат. Бирок, режиссёрлор аны «Уиллге дал келишпейт» деп албай коюшкан. Себеби, дене мүчөсү чоң Уилл Смит менен өтө арык жана кичинекей Жаде чынында эле камера алдында суктанаарлык жубайлардын образын жарата алышпас эле. Бирок, чыныгы турмушта алар көпчүлүк көз арткан ынтымактуу үйбүлө. Ортолорунда Жейден Кристофер Сир аттуу уулу жана Уиллоу Камилла Рейн Смит аттуу кызы бар. Жаде киного тартылып (“Матрица” тасмасынын 2-3-бөлүктөрүндө тартылган), үйдө жакшы кожойке болуп гана тим болбостон, 2004-жылдан бери ырчы катары да эл алдына чыгып келет.

Бетти даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: