Бир бүркүм... АЛИНА ЖЕКЕ КОНЦЕРТИН БЕРЕТ...

Диктор Кыял Шаршеева учурда 6 айлык кызы менен үйдө. Азырынча баланы кароо менен гана алек болуп, сүйүктүү ишине чыгууга шашылбай тургандыгын кабарлады.
Ырчы Самат Дөөлөтбаков чыгармачылыктан үч айдан бери алыстап жүрөт. Себебин банктагы ишин биринчи орунга койгондугу менен байланыштырат. Бирок эми кайрадан жанданарын билдирди.
Ырчы Алихан быйыл Юридикалык академияны аяктайт. Андыктан көп убактысын дипломдук иш жазууга бөлүүдө. Ошондой эле Даниель экөө Ноорузга карата Каракол шаарында эки күндүк концерт коюшат.
Азат Болотбек жана рэпер SITY “Девушка загадка” аттуу ырына клип тартышты. Клипке Орусиянын “РУДН” КВН командасынын кыргыз оюнчу кызы Сауле Эрки катышты.
Алина Жетигенова апрель айында жеке концертин берүүгө камынып жүрөт. “5-6 жылдан бери элге концертимди тартуулай элекмин. Андыктан элди сагынганымды билдирип, жакшы ырлар менен күйөрмандарымды кубантам”,- дейт ырчы.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 437, 18-24-март, 2011-жыл