Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АБИЙИР СОТУ ЖЕ ТАГДЫР ЖАЗАСЫ

№191 30-июнь-6-июль, 2006-ж.


КАРГАШАЛУУ ЖОЛУГУШУУ
– Ай-ий, мынчалык сонун жигитиң бар. Белекке жайнаган гүл берип бөпөлөгөн жигиттер азыр чанда. Карасаң, тим эле гүлдөрүң бажыраят.
Үйгө кирип келген Ажардын минтип суктана сүйлөгөнүнө Асел көңүл да бурган жок. Өз ою менен алек боло терезени тиктеп тура берди. Чын эле ойлончудай иштер болуп кетти. Көз алдына машиначан Аскат, анын зөөкүр достору тартыла калды. Ошол күнү курбулары болбосо, балким, бул каргашалуу жолугушуу болмок эмес беле.
Экинчи курсту аяктаганын шылтоологон кыздар тоого чыгышты. Бирин-бири сууга сүйрөп, чер жазып ойноп отурушкан. Алардын тынчын ары жактан басып келген үч жигит бузду:
– Кандайсыңар, кыздар? Бизди дагы кошуп албайсыңарбы оюнуңарга?- деп жөөлөй басып кирген аларды кыздар жактырбай карашты. Кийимдерине, мин­ген машинелерине караганда өздө­рүн Кудай сезген мансапкор атанын көпкөн уулдары экени билинип турат.
– Сулуу, сиз менен таанышсак болот бекен?- деп Аселдин каруусунан алган жигитке көз сала берген Аселдин жүрөгү “шуу” дей түштү. Өзүн теше тиктеген каардуу көздөр азыр жеп жиберчүдөй карап турган экен. Кыздын чочуй караган көздөрүнө туш болгон жигит да эсин жоготкондой далдырай түштү.
– Жок! Мен тааныша албайт экем сиздер менен,- чыйрыга сүйлөгөн Асел колун тартып алып, ары жакка басып кетти. Булар ошентип жолугуп калышкан эле.
Ошентип, Аселдин тынч агым менен агып жаткан жашоосуна Аскат деген жигит пайда болду. Сабактан чыгып келе жатса да, үйүнө бара жатса да жолунан тоскону тоскон. Кыздын каршылык көрсөткөнүнө, жигити бар экенине да көңүл бурбай артынан түшүп алды. Аскат мындай жүрөгүнө тынчтык бербеген сезим болоорун биринчи жолу сезген эле. Канча кыз менен мамиле түзсө да, Аселдей кызды жолуктурган эмес. Бирок, канча аракет кылса да кыздын тоготпой коюшу намысына тийди. Ошон үчүн айтканы менен болбосо, арты жамандык менен бүтөөрүн Аселге айтып, коркутканга өттү. Мансаптуу атанын аркасы менен эч качан каршы сөз угуп көрбөгөн Аскат Аселдин көжөл­гөнүнө ого бетер жини келип, “Баары бир сени баш ийдирем” деген максат менен күн өткө­рүп жүрдү.

КОРКУНУЧ
Асел Аскат жөнүндө эч кимге айткан эмес эле. Атүгүл, жаны бирге жакын адамы Кубатка да айткан эмес. Күндөн күнгө өңүнөн кетип бара жатканын байкаган Кубат канча такып сураса да айтпай койгон. Бүгүн да ал жөнүндө сөз баштады:
– Эмне болду сага? Күндөн күнгө суз болуп эле бара жатасың?
– Хм, эч нерсе деле болгон жок.
Канчалык такып сураса да эч нерсе айтпай койгон. Бирок, өңүнөн кетип турганын байкаган Кубат тоого чыгып эс алып келүүсүн сунуш кылды.
– Тоогобу?
– Эмне анча коркуп кеттиң?
– Билбейм, бир нерсе болчудай болуп эле коркуп жатам. Макул, тоого чыгып келеличи. Балким, өзүмө келип калаармын.
Ушул учурда кыздын чөнтөк телефону чырылдап калды.
– Чоң кыз, көзүңдү ач, мен сенин артыңда турам. Эгерде мени дагы ойното турган болсоң, алдагы ээрчишип жүргөн жигит сөрөйүң көзү ачык боюнча кете берет. Түшүндүңбү? Эмесе, көрүш­көнчө...
Кыз бир нерсе деп жооп бергенче телефон өчүп калды да, жанынан кара “Мерседес” шуу этип өтүп кетти. Бул Аскат эле. Кыздын тоготпогондой мамилеси безине тийип ушинтип коркутууга өткөн. Кыз шалдая түштү. Жанында бейкапар бир нерселерди айтып кетип бара жаткан Кубат эч нерсени сезген жок.
Асел гана жүрөгүн кыскан бүдөмүк коркунучту сезип бара жатты.

“КЫЗ БИЗ МЕНЕН КАЛАТ”
Ошондон көп өтпөй Асел менен Кубат тоого жөнөп калышты. Машиналардын улам бирин кууп өтүп тез эле карагай-чер каптаган Аларчага жетип келишти.
Сырдашып, бактыга баткан ушул күн алардын бактысынын акыркы күнү экенин эч ким билген жок.
Кечкурун чарчап үйгө кайтып келе жатышкан эле. Кубаттын ийинине жазданып келе жаткан Асел чочуп кетти. Артын карашса Кубаттын Жигулисин сүздүрө келип токтогон “Жип” машинасынан эңгезердей жигиттер түшүп келе жатышкан экен.
Атайын сүзүшсө да эми Кубатты айыпка жыгып киришти. Бул Аскаттын планы менен болгон иш эле. Кыздын көзүнчө Кубаттын шагын сындырып коюу максаты болчу.
– Кана, балакай, чык машинеден!
– Карачы, эмне кылдың? Эми мындай Жигулиңден бешөөнү сатсаң да карызыңдан кутула албайсың. Ха-ха-ха.
Кичине жери чийилип кеткен машинесин көрсөтүшүп демиткен зөөкүр балдарды көргөндө эле Кубат кандай адамдарга туш келгенин түшүндү. Эми буларды аке-жаке деп кутулбаса болбойт.
– Эми көпкө жыгылдың, дос. Тез барып миң долларды таап келбесең өлдүң.
– Макул, акелер, таап келейин,- деди эптеп эле кутулганды көздөгөн Кубат.
– Анда жүгүр. Бирок, тигил сулууну бизге залогго калтырып кетесиң.
– Эмне-е?
– Эмнени уксаң ошол.
Кубатты бет талаштыра уруп калды бири. Бүгүлө жыгылып калган жигит булардын талабын аткарбаса соо калбасын түшүндү.
– Ох, болуптур, кыз силерде калсын,- деди алсыз гана.
Аселдин кулагына “шак” дей түштү бул сөз. Бул эмне дегени? Таянаар тоосу деп жүрсө, мунусу сүрмө топко таштап салып кете бергени кандай? Уккан кулагына ишенбей турду.
– Анда жөнө, кыз бизде калат.
Кубат анын көзүнө тике карагандан качып машинесине отурду да, зуу койду. Буйтка жерге келип токтогондо гана өзү эмне кылып жибергенин сезди. Отура калып башын мыкчый өксүп жиберди.

ЖАЗЫКСЫЗ ӨЛҮМ
– Кана, сулуу, сенин ишенген адамың ушинтип таштай качты го, буга эмне демексиң?- Аскаттын кекээр суроосуна тигилер машинени жаңырта күлүп калышты. Ызасы, намысы жүрөгүн ачыштырган Асел эч нерсе жөнүндө ойлогон жок. “Өлүм! Мындан көрө өлгөнүм артык. Ушулардын туткунунда калгандан көрө өлгөнүм өйдө.” Кубаттын өзүн таштап кеткенине, Аскаттын кытмыр жылмайганына жаны кашайып бара жатты. Башына өлүмдөн башка эч нерсе келген жок. Жүрүп бара жаткан машина бийикке көтөрүлө бергенде эшигин шак ачты да, көз ачып жумганча өзүн ылдыйга таштап жиберди.
– Ай!
– Токтот!- деп кыйкырып жиберди Аскат.
Эми эле каткырып келе жаткан балдардын жүзүнөн күлкүсү күбүлүп төмөн чуркашты. Таштардын арасында жансыз жаткан денени тегеректеп туруп калышты.
– Асел!
Аскаттын калтыраган колдору кыздын бетин жапкан чачын акырын жыйнады. Көзү бир аз ачылган боюнча кете берген экен.
– Кантип, ыя? Кандайча болуп кетти?- айласы кете тегерегиндеги балдарга карады. Баарынын айласы кетип турган эле. Көпкө чейин ушинтип турушту.
– Эмне кылабыз, ыя?
– Эмне кылмак элек? Эптеп өлүгүн бир жерге жашырып...
Аскат эч нерсе уккан жок. Аселдин сөөгүнүн жанында тизелеген боюнча көзүн албай карай берди. Бүттү! Баары бүттү. Эми эч качан гүлдөй жайнаган кызды көрө албайт. Анын көздөрү өзүн күнөөлөп жаткандай туюлду.
– Аскат...
– Ии, эмне болду?- куду оор уйкудан чочугандай досун карап калды.
– Жерге жашыралы... Таң атып кетет.
– Кандайча?
– Эмне, өмүр бою түрмөдө отургуң келеби? Билесиңби, канча жыл берет...
Аскат эч нерсе дей алган жок. Болуп өткөн окуяга түшүнө албай отура берди. Бүткүл денеси тоңуп калгандай. Достору даярдаган буйтка жерге тез жашыра салып жөнөп калышты.

АБИЙИР СОТУ
Арадан күндөр өттү. Ошенсе да Аскаттын жан-дүйнөсүнө бүлүк түшүргөн ошол күн эсинен чыкпай койду. Отурса да, турса да Аселдин чала жумулган көздөрү эсинен чыкпайт. Бул жолу да үйүндө жаткан.
– Болду эми, аза күтүп деле бүттүң. Бас, дискотекага барабыз,- деген досунун сөзүнө кол шилтеп койду.
– Жүрү дейм.
– Ой, жайыма койчу!
– Сүйгөнүң кайра келе калбайт, досум, андан көрө...
Ушинтип мыйыгынан күлгөн досунун артынан узата карады.
Ордунан туруп машинесине отурду да, Асел менен биринчи таанышкан жерди көздөй жөнөдү. Мына, ушул жер болчу. Өзүн бир караганда багындырган көз караш, татына жүз, ыйбоо мүнөз кызды ушул жерден тапкан эле. Болду, эми мындан ары минтип чыдай албайт. Абийи­ри кыйнап бүттү. Ушул ой келгенде ордунан тура калып машинесине жөнөдү. Жаш аралаш кыздан кечирим сурап бара жатканын бир билет. ”Мына, өзүм баратам. Өзүмдү кармап берем милицияга. Анткени, мойнумдагы бул күнөө менен жашай албайм. Кечир мени” деп келе жатты. Калганы эсинде жок. Катуу келе жаткан машина аңтарылып кетти.
Эсин жоготуп бара жатып бул жер бая­гы Асел өз жанын кыйган жер экенин таанууга үлгүрдү.

Даярдаган Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: