Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРИБ ДЕҢИЗИНИН КАРАКЧЫЛАРЫ

№191 30-июнь-6-июль, 2006-ж.


Режиссёру – Гор Вербински
Сценарийдин авторлору – Тед Эллиотт, Терри Росси
Башкы ролдордо:
Капитан Жек Воробей – Жонни Депп
Уилл Тёрнер – Орландо Блум
Элизабетт Суэнн – Кейра Найтми
Капитан Барбосс – Жеффри Раш
Капитан Норрингтон – Жек Дэвинпорт

Фильмдин кыскача мазмуну
Кариб деңизи. 17-кылым. Капитан Жек Воробейдин «Кара бермет» деп аталган кемесин душманы капитан Барбосс уурдап кетет. Ал кемени уурдоо менен эле чектелип калбастан, губернатордун Элизабет аттуу кызын кошо уурдайт. Элизабеттин кичине кезинен берки досу Уилл Тёрнер менен Жек Воробей биригип, эң тез жүрүүчү кемеге түшүшүп Элизабет менен «Кара берметти» кайтарып алуу үчүн душмандардын артынан кууп жөнөшөт. Ал жакта көптөгөн кыйынчылыктарга учурашып, адамдардын сөөк­төрү менен уруш­канына карабай жеңиш менен кайтышат.

Фильмдин тартылышы тууралуу кээ бир маалыматтардан
17-кылымдагы окуяны сүрөттөгөн «Кариб деңизинин каракчылары» 2002-жылы 9-октябрда тартыла баштаган да, ага жалпысынан 125 млн. доллар сарпталган. Бул фильмди «Титаник», «Пёрл Харбор» фильмдери тартылган эбегейсиз чоң жасалма бассейнде тартышкан. Съёмка узакка созулгандыктан, съёмкалык топтун көпчүлүгү деңиз оорусу менен оорушкан экен. Бир күнү кокусунан өрт чыгып кетип, арендага алган жерге зыян келтиргендери үчүн 350 миң долларга чыгым болгондору жөнүндө маалымат бар. Фильмде Жонни Депптин кийимдери атайын анын денесиндеги татуировкаларды көрсөт­пөө үчүн тандалып алынган. Фильмдеги Жек Воробейдин колундагы татуировка чыныгы татуировка эмес болчу. Кийин фильм экранга чыкканда Депп колуна дал ошондой татуировка тарттырган. Ошондой эле анын оозундагы алтын тиштерин көрсөт­пөө үчүн аларды тиш имплантанттары менен жабышкан.

Фильмдеги байкалбаган каталар

  • Жек Воробей портто турганда катуу шамал болуп, чачтары учуп жаткан болот. Ошол эле кадрда көз ирмемден кийин бая­гы шамал тургай жел да жок болот.
  • Жек Во­­ро­бей штурвалда туруп: «Палубага өткүлө, иттер!» деп кыйкырып жатканда оң жагынан жакшылап байкаган кишиге ак футболка, шляпа кийген съёмкалык топтун бир мүчөсү көрүнөт.
  • Порт-Ройял шаарынын жашоочуларынын бутунан резинка тапочкаларды көрүүгө болот. А андай тапочкалар 20-кылымдын ортосунда гана чыгарыла баштаган.
  • Фильмдин ая­гын­да Жекти суудан бортко алып чыгып жатышканда ал бүт бойдон суу болуп, кийимдеринен, чачтарынан суу агып жат­кан кадр бар. Ошондон кийинки эле кеменин үстүндө турган кадрда ал купкургак бойдон турган болот.

Катышкан актёрлор тууралуу кыскача маалымат
Жонни Депп 1963-жылы 9-июнда Американын Овесборо аттуу шаарчасында туулган. Жонниге атасы тарабынан көп көңүл бурулбагандыктан, ал 12 жашынан баштап эле ичип-чеккенди үйрөнө баштайт. Ата-энеси ажырашкандан баштап 15 жашында нашаа чеккенге үйрөнүп, мектептен айдалат. Бирок, Жонни өзүн колго алууга үлгүрүп калат. Ал апасы сатып берген гитарасы менен алаксып, жаман адатын таштоого жетишет. Музыканы жан-дили менен сүйгөн өспүрүмдүн алгач актёр болом деген ою жок болчу. Кийин эмнеден улам экени белгисиз, актёрлук кесипке ыктап кетет.
Жонни төрт жыл бою мамиле түзүп жүргөн модель Кейт Мосс менен 1998-жылы кол үзүшөт. Андан көп өтпөй эле бир кечеде таанышып калган франциялык ырчы-актриса Ванесса Паради менен таанышып, чогуу түтүн булатып калышат. Азыр экөө Лилли Роуз аттуу кыздын, Жек аттуу уулдун ата-энеси.
Жонни Деппке эмнегедир «Кариб деңизинин каракчыларындагы» ролу жакпайт экен. Ал фильмге тартылуудан алган 100 миң долларына карабай ал фильге тартылганына азыр да өкүнөт деген маалымат бар.

Орландо Блум 1977-жылы 13-январда Англиянын Кэнтербери шаарында туулган. Ал 4 жашка чыкканда атасы каза болуп калып, эжеси Саманта менен Орландону тарбиялоо түй­шүгү жалгыз апасында калган. Апасы ага музыка, театр жөнүндө көп айтып бергендиктен, Орландо театр менен өтө эле эрте ооруган. 16 жашка чыкканда өз шаарын таштап, актёрлук билим алуу үчүн Лондонго келген.
1998-жылы Орландо бактысыз окуяга туш болгон. Кезектеги съёмкалардын биринде чатырга чыгып баратып, бийиктиктен кулап түшкөн да, натыйжада, далысын кокустатып алган. Врачтар эми баса албай калат деп жыйынтык чыгарганына карабай, Орландо бир жумадан соң таяк менен басып кеткен.

Кейра Найтли 1983-жылы 22-март­та Англиянын Тэддингтон шаарында карапайым үйбү­лөдө туулган. Ал үч жашынан баштап актриса болууга кызыга баштайт. 6 жашында ата-энесинен атайын актёрлук боюнча сабак алууну суранат. «Окууңа тоскоол болбосун» деген талап менен макул болушкан ата-энесинин тилеги таш кабат. Анткени, Кейра класстагы эң начар окуган окуучуларын катарына кирчү. Ушунун айынан классташтары аны шылдыңдап, кемсинтишчү. Бирок, Кейра күчтүү болгондуктан, алардын катыгын колуна берчү экен. Ошентсе да Кейра келечектеги кесибин кыялында өтө эрте тандап алган. Алиге чейин сценарийди окугандан кыйналса да, ийгилик фортунасы ага жүзүн буруп, Кейра дүйнөгө белгилүү актриса болду.

Даярдаган Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: