реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Куудулдар бири-бирин сындашат

№303 22-28-август, 2008


“Ар кимде бар ар кыял, ал кыялды ким тыяр” демекчи, ар бир адамдын эч кимге окшобогон кыял-жоругу бар. Бирок, ар бирибиз эле өзүбүзгө сырттан карап баа берип, оң-терс жактарыбызды көрө албайбыз. Биз бүгүн жогоруда айтылган сөзгө таянып куудул катары элге таанылып калган айымдар менен мырзаларга байланышка чыгып, азил-чыны аралаш бири-бирине достук сын айттырдык. Балким, бир куудул өзүнүн жаман адаты бар экенин байкабай жүргөндүр. Досунун көзгө сайып көрсөткөн тамаша-чыны аралаш сынынан улам терс адатын ооздуктап алаар.
Алгач эркектерден кем калышпаган кыргыздын куудул кыздары Айнура Тургумбаева (Сакиш) менен Назира Жетигенованы сөзгө тарттык.
Айнура Тургумбаева:

– Мен Назиранын жаман жагын деле көрө элекмин. Балким, гастролго чогуу барбагандыктан көрбөй жүргөн чыгаармын. Жолукканда дайыма экөөбүздүн саламыбыз түз. Өң-келбети Кудайга шүгүр. Экөөбүз тең эле той-ашка барчудайбыз. Назира жапжаш кыз да. Жаш болгондон кийин арык эле болгону жакшы эмеспи. Мурда арык эле болчу. Бирок, кийинчерээк толуп кетти окшойт. Ушул жери жакпай калды. Анан толук болуп туруп кыска кийип алганы жаман көрүнөт экен. Муну өзүнө жолукканда да айтайын деп жүрөм. Анан дагы бир жаман жери – өзү айтмакчы, уйкучулугу, жалкоолугу. Ушулар эле артка тартпаса, Назира таланттуу, тарсылдап тың жүргөн кыздардан.
Назира Жетигенова:
– Айнура эжени Сакиш десек эл жакшы тааныйт го, ошондуктан, Сакиш эже деп айта берейин. Сакиш эже – Кыргызстандагы 1-куудул кыз. Турмушка чыга элек болгондон кийин азыр деле кыз эмеспи. Мындан 5-6 жыл мурун атайын Сакиш эжени издеп барып оозума түкүрткөн элем. Ошондо эже оозума түкүрмөк түгүл какырган. Ошондон кийин мен да кичине куудулданып жүрөм. Сакиш эже мага салыштырмалуу бардык жагынан менден кыйын, мен ага эч качан жете албайм. Мага анын баскан-турганы, мүнөзү, таланты, кыскасы, баары жагат. Мындай адам экинчи төрөлбөсө керек. Бирок, мага эженин кийингени жакпайт, “вкусу” жок да. Бойдок болгондон кийин бою-башын каранып, жарашыктуу кийингенге мүмкүнчүлүгү бар болушу керек эле, менимче. Анын үстүнө, элдик адамдар дайыма элдин көз алдында. Ошон үчүн көркөмдүү кийиниш шарт деп ойлойм.
Аял-күйөө куудулдар Жаңыл менен Токтор Бекбоевдер эч нерсе жашырышпай, бири-бирин гезит аркылуу сындашты.
Токтор Бекбоев:
– Жаңыл жаш кезинде арык, куурчактай сулуу кыз эле. Ошол үчүн үйлөнгөм деп койбоймунбу. Азыркыдай семиз болсо, карамак эмесмин. Кийин эле жакшы багып ийдим окшойт, томпоюп толуп кетти. Жаңылдын жакшы сапаты – улуу-кичүүбү, чоң кызматта иштейби, карапайым адамбы, айтор, баары менен тил табышып сүйлөшүп кете бергендиги. Жаман жагы, анда аял катары тартынуу, назиктик сыяктуу сапаттар жок. Жини бат келип, эмне көрсө, билсе «тарс» эттирип айтып салып, отуруп калат. Мындай кыялы менен мени да башкарганга чейин барат. Элге мени Жаңыл башкаргандай сезилет. Бирок, үйбүлөнү мен эле башкарам. Мага абдан жаккан сапаты, бир жакка чыгаарда башка аялдардай болуп 2-3 саат таранып, көзү-кашын боёп отурбайт. «Кеттик» дегенде чачын чала-була тарап эле жөнөп калат. Тамакты укмуш деле жасабайт. Болгону, картошканы жакшы кууруйт.
Жаңыл Бекбоева:
– Күйөөм­дүн меникине караганда жакшы сапаттары көп. Кээде «мен эркек болуп, Токтор аял болуп калса болмок» деп ойлоп калам. Ал ак көңүл, колунда жок болуп турса да бардай ток пейил. Үйбүлөсүнө жакшы карайт. Анын мага жакпаган жагы оюндагысын сыртка чыгара албагандыгы. Мага караганда абдан жакшы идеяларга бай, бирок, ошону «жасай албай калам го» дейби, айтор, сыртка чыгарбай жүрө берет. Башкача айтканда, чечкинсиз. Эркек болгондон кийин чечкиндүүрөөк болгону жакшы эмеспи. Мага абдан жаккан жери – анын эмне тамак берсең да ылгабай иче бергени. Карандай суу бересиңби, тузу жок манты бересиңби, күйүк даамданган сүт кесме бересиңби, кың дебестен иче берет. Анан үтүктөлбөгөн кийим берсең деле “бул бырыш го” деп сурап да койбой, кийип кетет. «Жаңылдын күйөөсүнүн кийимин кара, өмүрү үтүктөлбөйт» деп эл кеп кылабы?» деп эле корком. Антпесе, Токтордун кийимин такыр үтүктөбөйт элем.
Кубан Алимов: «Мен куудулдар арасынан Абдылда Иманкуловду жакындан тааныйм. Ошол жөнүндө айтып берем», - деп чамынды.
Кубан Алимов:
– Мен Абдылда байкени жакшы тааный элегимде “керсейген неме го” деп ойлочумун. Көрсө, жакшы эле адам экен. Бирок, акча дегенде танкадай эле эч нерсеге карабайт. Мага анын ушул сапаты жакпайт. Абдылда байкени “Акинай” деп эркелетебиз. Акинай байкенин өң-келбетине токтоло турган болсом, эми ал кишинин мончодон чыккандагы, анан концерттен кийинки сулуулугунда сөз жок. Ушул эки учурда ашыкча сулуу адамга айланып кетет. Билим деңгээли болсо өтө жогору. Бул кишинин көлөмү чоң болгону менен тамакты өтө аз жейт. Бир эле порцияга тоюп калат. Камыр, эт аралашкан тамакты алдына койсоң, алеки заматта аймап коймою бар. Ии, баса, ал кишинин эң жаман жери, коңурукту жөн да тартпайт, өткөн-кеткенди айтып сүйлөнүп тартат.
Кубандын өзү жөнүндө Абдылда Иманкулов кандай ойдо экенин да билдик.
Абдылда Иманкулов:
– Кубан чындыгында эле таланттуу жигит. Аны менен жүргөн киши эч качан эрикпейт. Абдан аракетчил, ошол эле учурда жалкоолугу да бар. Дагы бир жаман жери, кичине арак ичсе эле учуп-күйүп калат. Ал эми жакшы жери, мисалы, менин концертиме аз киши келсе, башка күнгө жылдырып да жиберишим мүмкүн. Ал эми Кубанга беш киши келсе деле баарыбир. Күлүп-жайнап даярдаган номерлерин көрсөтө берет. Бул жигит аялы менен, билишимче, ынтымактуу жашайт. Аялынын көзүнчө унчукпаганы менен мындай чыкканда сагынганданбы, “аялым эле, аялым” деп какшай берет. Кубандын өң-келбети тууралуу эч нерсе айта албайм. Анткени, менин кебетем аныкынан жаман болушу мүмкүн. Дагы бир нерсе, гастролдорго чыкканда мага айтпай “мени Абдылда байке менен бир бөлмөгө жаткырбагыла” деп администраторго ыйлактайт экен. Мен аны “ары-бери жумшаганга жеңил” деп жаныма алып жатканга аракет кылчу элем да.
Куудулдар Күмөндөр Абылов менен Жаныбек Алыкулов чыныгы достордон экенин байкадык. Анткени, экөө тең бири-биринин жаман жактарын такыр көрбөгөндөрүн гана айтып туруп алышты. Балким, чын эле эки куудулдун тең мыкты сапаттары көбүрөөктүр.
Жаныбек Алыкулов:
– Мен Күмөндөрдүн мыкты куудул экенин гана айта алам. Жаман сапаттарын деле көрө элекмин. Ушул тууралуу ыр чыгарып койдум эле, ошону окуп берейин.

Элүүгө келген Күмөндөр,
Эсепсиз сага күлгөндөр.
Эми келди кезегиң,
Эртеден кечке күүлөнөөр.
Куттуктайбыз 50жашың, Күмөндөр,
“Куудулмун” деп жүргөндөр.
Кубанышат сени менен,
Кошулуп кулак түргөндөр.
Күмөндөр Абылов:
– Жаныбекти кыргыздын чыныгы жигиттеринин бири деп билем. Ал айткан сөзүнө турган, адамгерчиликтүү, ак көңүл, ичинде кири жок таза адам. Токтогул жергесинен Бекназар деген куудул-пародист чыккан. Бекназар жан-жаныбардын үнүн келиштире туураган адам болгон экен. Ошол инсандын жолун жолдоочулардын атаманы – Жаныбек Алыкулов. Бир гана кемчилиги, анын арактан сеп этип койгону, бирок, андай жорук менде да бар. Бул Жаке экөөбүздүн күнөөбүз эмес, бизди шыкаган элдин күнөөсү да. Жаныбектин бир жакшы жагын, анан жаман жагын айта кетейин. Жакшы жагы, башка куудулдардан айырмаланып, орус тилин грам-мотно сүйлөйт. Кесиби боюнча орус тил мугалими да. Жаман жагы, ушул жетишкендигин пайдаланбай, жалкоолук кылат. Чынында, Жаныбек – орусча пародия жазып алып, Орусияны багынта турган эле талант.
Куудулдар Рахман Разыков менен Борончу Кудайбергенов бири-бирине кандай достук сын айтышкандарына өзүңүздөр күбө болуңуздар.
Рахман Разыков:
– Кичинекей кишилердин саясатка аралашканы эң эле туура эмес. Гитлер саясатка аралашып эмне жакшылык алып келди?.. Борончу өзүнүн кичинекейлигин билип туруп эле саясатка аралаша берет десең. Кичинекей адамдар өтө жеңил болушуп, олуттуу маселе жаралса эле тополоң кылып жиберишет. Негизи, кенедей немелерди аскерге жакын жолотпош керек. Моджахеддер Бокедей аскерлерди сүрөттөн көрүшсө, “кенедей немелер турбайбы” деп келе беришет. Борончунун мага мүнөзү “вообще” жакпайт. “Арак ичели же сейилдеп келели” десең, дайыма “намаз окуп алайын” деп маанайыңды бузат. Анан кайда жүрбөсүн “кычырап таптаза” жүргөнү жакпайт. Бир сыйра кийимин кырларын келиштирип үтүктөп кийип жүрсө, экинчисин дал ошондой үтүктөп, машинасына илип алат экен. Эркек болгондон кийин кичине балтаң-шалтаң болуш керек да, ботом! Баса, Борончунун “Айыл өкмөтү” киносунда уктап жатканын көргөзөт го, такыр жакпайт да. Ооруп жаткан крокодилдей эле уктайт. Ошентип киши кантип уктасын?!
Борончу Кудайбергенов:
– Рахман байке менен көп жылдардан бери жакшы таанышмын. Анын пейили көлөмүнө жараша кенен. Талант жагынан күчтүү сатирик деп билем. Жардам сурагандардын баарына жардам берет, колу ачык. Кимге болбосун сатира жазып берүүдөн тажабайт. Айрымдар “өзүм эле ойноюн” деп сатирасын кызганат эмеспи. Бул кишиде андай сапат такыр жок. Менин оюмча, Рахман байкенин чоңдугу өзүнө жакпаса керек. Анткени, анын “диетадамын” деген сөзүн көп угам. “Диетадамын” дегенде эле бир чара салат жейт, эмне болгон диета экенин түшүнбөй койдум. “Диета кармабаганда канча чара жейт болду экен?” деп ойлоно берем. Кафе, ресторанда отурганда колу жеткен жердин баарын тазалайт, колу жетпей калып эле отуруп калбаса. Мас болгондогусун айтайынчы, колуңду бир кармаса, соолукканча коё бербейт. Бошоноюн десең, ого бетер карышып кармап алат дейсиң. Бул кылыгын билип калгам да, ошондуктан, азыр мас болуп калганда үстөлдүн бурчун же бак карматып коюп качып кетем.
“Орок-Балка” тобунун куудулу Айылчы Орозалиев менен да баарлаштык. Бул жигит: “Куудул, ырчы Санжардын жүрүм-турумун айтам, мен аны жакындан тааныйм”,- деп калды.
Айылчы Орозалиев:
– Санчону жакындан тааныбаган адам сыртынан көргөндө «абдан кыйынсынган бала» деп ойлойт. Чынында, ошондой жагы бар. Эгер чөнтөгүндө акчасы бар болсо, тилин тапкан кишисинен эч аябайт. Жаман көргөн адамына калпты өкүртө айтат. Тамакты ушундай бир табит менен жейт десеңиз. Тамак жегиси келбей турган адам анын тамак ичип атканын көргөндө дароо эки порция жебесе, мага келиңиз. Азыр Санжар намаз окуп жатат, бирок, беш жыл окумайын ишенбейм. Санчонун баарынан жаман жери – мас болуп калганда көңүлүнө туура келбеген сөз айткан адам менен мушташканы. Ал баарынан “куудулсуң го, бир күлдүрүп койбойсуңбу” деген сөздү жаман көрөт. Мас кезинде ушул сөздү укса, дароо айткан киши менен мушташып кетет. Ал эми ушул эле сөздү соо кезинде укса, өллө күлүп туруп, “мен анча деле куудул эмесмин” деп кутулуп кетмей жагы бар.
Санжар Бердибеков менен байланышканыбызда ал да Айылчы тууралуу бир топ сөз айтты.
Санжар Бердибеков:

– Айыл­чы – менин эң жакын досторумдун бири. Ал экөөбүздүн үйбүлөлөрүбүз да барып-келип катташып турушат. Көп күн көрүшпөй кетсек, мен аны эстей электе эле атамдай болуп томпоюп “эмне көрүнбөй кеттиң, аман-эсенсиңби?” деп келип калат. Негизи, бул жигит токтоо, ак көңүл, жылдыздуу, өң-келбеттүү, анан аял жандуу бала. Эртең мененкиби, түшкүбү, айтор, тамакты ой-да жейт. Эртең мененки тамакты жеп атып аялынан “түшкүгө эмне тамак жасайсың?” деп жанталашып сураганда күйөсүң да. Унута электе айтып калайынчы, ал өзү билимдүү, институтту бүткөн бала. Анан өзүнүн азан чакырган Тажыбай аты эмне болуп Айылчы болуп калды, түшүнбөй калдым.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
21.08.2010. 15:33 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
эх куудулдар Жамбылды кантип унутуп калдынар же сотко берип коёт деп корктунарбы?
21.08.2010. 15:33 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
эх куудулдар Жамбылды кантип унутуп калдынар же сотко берип коёт деп корктунарбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: