Бир бүркүм... «ДОРДОЙ» ЖЕҢИЛҮҮГӨ МАЖБУР БОЛДУ

15-майда Словакияда аяктаган хоккей боюнча 75-дүйнөлүк биринчиликте Финляндия курама командасы финалда Швецияны 6:1 эсебинде утуп, чемпион аталды. Ал эми 3-орун үчүн болгон беттеште чехтер орусиялыктарды жер каратты (7-4).
Аргентиналык легендарлуу футболчу Диего Марадона БАЭнин “Аль-Васл” футболдук клубунун башкы машыктыруучулугуна дайындалды.
Испания чемпиондугунун баш мергени Криштиану Роналду 38 гол киргизүү менен чемпиондуктун тарыхында сезон алкагында эң көп гол киргизген мексикалык Уго Санчестин рекордун (38) кайталады.
Футбол боюнча өлкө чемпиону “Нефтичи” 21-25-май аралыгында Камбоджада АФК президентинин кубогу үчүн ат салышат. 12 өлкөнүн катышуусунда өтүүчү мелдештин “А” тайпасында мекендештер “Дон Боско” (Шри-Ланка), “Абахани” (Бангладеш) жана үй ээси “Пномпень Краун” командалары менен күч сынашат.
Футбол боюнча улуттук биринчиликтин 5-турунда «Абдыш-Ата» «дордойчуларды» 3:0 эсебинде жеңсе, «Алай»-«Ысык-Көл» оюнунда 3:1 эсеби катталды. Ал эми «нефтичилер» өз үйүндө «Алга» менен 1:1 эсебинде тең ойноду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 446, 20-26-май, 2011-жыл