Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БИР ЖОЛУ БИРИНЧИ КЛАССТА...

№304 29-август - 4-сентябрь


Ассоль Молдокматова:
– Мен 1-класстан эле тыпылдап тың болчумун. Бир жолу менин эң сүйүктүү Альмира Ахматбековна деген эжейимди завуч өзүнө чакырып калды. Мен класском болгондуктан, классты тынчтандырып отурууну мага тапшырып чыгып кеткен. «Кудай мындайды бербестир» деп дароо эле указканы колго алып, балдарга Москва шаары жөнүндө айта баштадым. Анткени, буга чейин апам экөөбүз Москвага барганда анын айтып бергендерин толук жаттап калган элем. Ушунчалык берилүү менен эжейдин баскан-турганынан бери келиштире туурап, классташтарыма көргөн-билгендеримди айтып жатып эжейдин келип, карап турганын да байкабай калыптырмын. Эмнегедир эжей да мени жөн коюптур. Ошентип, бул менин 1-класстагы биринчи сабагым болгон.
Жанета БОБкова:
– Алгач мектеп босогосун аттаган күнү ар бирибиз­ди класстарга бөлүп, анан класс жетекчибиз менен тааныштырышкан. Өзүм орус мектепте окугандыктан, мени менен бир партага татар улутундагы баланы отургузуп койгон. Анан класс жетекчим “бир партада отургандан кийин бири-бириңерге жардам берип, чогуу ынтымакта жүргүлө!” десе, мен бул сөздү түзүнөн түшүнүп алып, сабак бүткөндөн кийин ал баланы колунан жетелеп алып үйгө сүйрөп баргам. Ага чай берип, эми ойнойлу деп жатсак, апам кирип, “Жанета, бул ким?”- деп сураса, мен: “Эжей «чогуу жүргүлө» деди. Мени менен чогуу отурат. Эми биздикинде жашайт!”- дептирмин. Апам ошондо көзүнөн жаш чыкканча күлүп, ал баланы үйүнө жеткирип келген.
Динара Эсенгулова:
– Август айында сентябр­ды аябай күтүп, окууга шашып жаткан элем. Анан бир күнү үйдө жалгыз отуруп көкүлүмдү кайчы менен кыркып салгам. Бул кылыгымды көргөн улуу эжем мени урушуп, кайра мен кыркып койгон чачымдын үстүнөн тегиздеп кыркып, артык кылам деп тыртык кылып салган. Күзгүдөн өзүмдү көрүп алып: “Мен мектепке барбайм. Окубайм. Мени ырайы суук кыз дешет”,- деп боздоп ыйлаганым эсимде. Ошентип, 1-класска томурайган чачым менен баргам.
Алексей Филатов:
– 1-класстын 3-чейрегинин башында болуш керек, сабактардан жакшы окусам да эмнегедир жалкоом кармап, математикадан таптакыр окугум келчү эмес. Бир күнү класс жетекчим: “Үй тапшырмаларыңды класста калып аткарып кетесиң!”- деп мени сабактан алып калды. Өзү болсо классты сыртынан кулпулап, бир жакка чыгып кеткен. Мен тапшырмамды бүтүрүп, сумкамдагы оюнчук машинелеримди алып чыгып, ойноп отура бериптирмин. Качан гана түн киргенде коркуп, эшикти түртсөм ачылбайт. Электр жарыгын күйгүзүп алып бакырып-өкүрүп ыйлап жатам. Эч ким келбейт. Мен кечиккендиктен, ата-энем көчөнүн баарынан издешип, чогуу ойногон досторумдан сураштырышып, милицияга чейин барышыптыр. А класс жетекчим болсо мени унутуп, үйүнө кетип калыптыр. Ошентип, 1-классымда бир ирет класстын партасында түнөгөм.
Борончу Кудайбергенов:
– Менин 1-класска киришим өзүнчө эле бир чоң маселе болгон. Жашым жетип, мектепке катуу даярдандым. Башка балдардай эле мектеп мага абдан кызык болуп жаткан. Анан 1-сентябрь келгенде сатып алган сумкамды көтөрсөм, боюмдун кичинекейлигинен жер чийип калса болобу! Арданганымдан чатак салып ыйлап, барбай койдум. Ошентип, бир жыл кеч окугам. Бирок, кийинки жылы деле кыйратып боюм өсүп кеткен жок. Анткени, менен кыздардын айласын кетирчүмүн, жамбаштарына кнопка коюп, чачтарынан жулуп. Бирок, эжей да менин кулагымды делдейте чоюп, бат эле тарбиялап койчу.
Чыңгыз Мырзаев:
– 1-класстан 3-класска чейин Чаткалда кыргыз мектептин орус классында окугам. Ошондо классыбызда беш кыз бар эле. Бешөө тең тартынбаган, тайманбаган кыздар болчу. Эмнегедир бешөө тең мага тийише беришчү. Чаткалда кыш суук, кар калың болот. Сабактан чыкканда эле баягы беш кыз мени карга “жуунтуш” үчүн күтүп турушчу. Үйүм мектептин жанында болсо да алардан коркуп, нан чыгарган чоң заводду айланып өтөөр элем. Бир жолу адаттагыдай эле мектептен келатсам баягы бешөө алдымдан чыгып калса боло. Бешөөлөп мени тыпыратып жыгып, кар чача башташты. Жооп кайтарганга алым жетпээрин билдим да, алардан корунуп башымды жаап, кантип кутулаардын айласын таппай жатып калдым. Ушул маалда атам бизди көрүп калыптыр. Ошентип, беш кыздын колунан атам куткарып калган. Атам ал кыздарды урушкан эмес. Ошондо атамдын урушпай койгонунанбы, кийин деле бешөөлөп мени далай жолу карга «жуунтушкан». Азыр ал кыздар үйбүлөлүү, созулган келиндер.
Бакыт Бешимов, ЖКнын депутаты:
– Мен мектепке окууну ушунчалык чыдамсыздык менен күткөм. Мына эртең 1-сентябрь деген түнү уктабай да чыккам. Эрте туруп алып ата-энемди да ойготпой, өзүм эле мектепке кетип калганым эсимде. Бирок, мен ага чейин жайлоодо тезек терип жүрүп келгендиктен, колдорум кесик, беттерим туурулуп кеткен эле. Анан мени балдар шылдыңдай беришкенинен, алар менен уруша кеткем. 1-класста эле өзүмө сөз тийгизбей коргой билген өжөрлүгүм бар эле. Бир жолу эжей сыртка чыгып кеткенде калемсабымды шыпка ыргытып ойноп жаткам. Эжей кирип келгенде коркуп кетип катуу ыргытып алганмынбы, айтор, калемсабым шыпка сайылып калса болобу! Мугалимибиз басып келип, “кана калемсабың?” десе, шыпты көрсөтүп компоюп отуруп алгам.
Назми:
– 1-класска бараардын алдында мектепке алдын-ала даярдоо классын аяктагам. Анан жайында Жетиөгүздө жашаган чоң энемдикине кичүү бөлөм менен эс алганы баргам. Тың, шок кыз болгонумдан, кошуна кыздар менен урушуп кеткем. Бир күнү корообуздун четиндеги бедени бирөөлөр оруп кетишиптир. Жаман оюмда “кошуна кыздар оруп кетишти” деп ойлоп, бөлөм экөөбүз алардын короосуна кирип, бедесине оонап жаткызып салганбыз. Ошол күнү кошунабыз чоң апама даттанып жатканын угуп, коркуп унчукпай отурабыз. Атам да ошол күнү келип калып, кошунанын короосундагы бедени биз жаткызып койгонубузду билип калды. Көрсө, ал күнү башыма кийип жүргөн кичинекей жоолугума беде жабышып калыптыр. Анан бөлөм экөөбүздү атам тилдеп: “Азыр түшүнүк кат жазасыңар, болбосо, милиция алып кетет силерди”,- деп урушуп калды. Мен коркконумдан тамгаларды ирети менен жазууга аракет кылсам да тарбалаңдатып жазганым эсимде. Ошол түшүнүк катты чоң апам сактап коюптур. Жакында эле айылга барганымда ошондогу катты көрсөтүшсө, мен ал окуяны эстеп бир жылмайып алдым.
Нурлан Мотуев:
– 1-класска Жумгал районундагы Таттыбүбү Турсунбаева атындагы орус мектебине киргем. Мен 1-класска кирээрде алгачкы мугалимим Галина Владимировна деген орус аял сабак берээрин билип алып: «Орус аялдан окубайм»,- деп өкүрүп-бакырып ыйлаганым эсимде. Ошентип, үч күн көгөрүп мектепке барбай жатып алгам. Үйдөгүлөрдүн алдап-соолаганына таптакыр көнгөн эмесмин. Акыры мени катуу урушушуп, коркута баштаганда араң баргам. Тиги эжейди тиктеп алып эле корко берчүмүн. Бирок, азыр орус мектепти бүтүргөнүмө кубанам. Ошондуктан, орус тилин жакшы билем.

Даярдагандар Бактыгүл Абдыкадырова, Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: