реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПИРАТТЫК ДИСКТЕР КАНЧА ПАЙДА АЛЫП КЕЛЕТ?

№306 12-18 сентябрь, 2008-ж


«Пираттар» кантип иштешет?
Алгач “Дордой” базарын кыдырып, диск сатуучуларды кепке тартмак болдук. Сурамжылообузга көпчүлүгү макул болушкан жок. Акыры алардын бири “крутой Кани” деген бала бар, ошого кайрылып көргүлөчү” деп сунуш киргизип калды. “Крутой Канини” да көпкө издөөгө туура келди. Бир топ убара болуп, аны тапкан соң ишибиз оңунан чыгып, ал биздин суроолорубузга жооп берүүгө макул болду.
– Канча жылдан бери диск сатуу менен алектенесиң?
– Сегиз жыл болуп калды.
– Айтсаң, Канат, сенин кон­тей­нериңде лицензияланган дисктер барбы?
– Ачыгын айтсам, жок. Менден гана эмес, базарлардын баарынан эле андай дисктерди таба албайсыңар. Базарларда, көчөлөрдө жалаң эле көчүрүлгөн, башкача айтканда, пираттык дисктер сатылат да.
– Кесиптештериңдин айтуусуна караганда, сени “крутой Кани” деп коюшат экен. Мунун себеби...
– Мен бул бизнести баштай электе айылдан качып келгем. Мага шаардын жашоосу жакчу. Жумуш таппай бир топ темселедим. “Ош базарынан” майда-чүйдө бир күндүк жумуштарды жасап, эптеп жатаканама жана нанга араң жеткизип жүргөн күндөрүм болду. Бир курбумдан диск бизнеси тууралуу маалымат угуп калдым. Бир ай тынбай иштеп, бир аз акча чогултуп алгачкы дискти ЦУМга барып сатып алдым. Диск саткан балдардан диск көбөйтүүчү бир адрести алдым. Барсам жөн эле бир үй экен. Бөлмөдө  компьютер турат. Дискти алып калышып, кечинде даяр болоорун айтышты. Биринчи жолу келгендиктен, мага арзан эле жасамак болушту. Алгач көбөйтүлгөн дисктеримдин үстүнө өзүмдүн баамды кошуп, базарда колго көтөрүп тез эле сатып жибердим. Анан кайра тапкан акчама дагы диск сатып алып бизнесимдин тушоосун кестим. Улам кеңейтип жатып, азыр өзүмдүн интернетке кошулган компьютерлерим бар. Үйдү болсо ижарага алып койгом. Эки дос балам ал жерде дискти көбөйтүшөт. Мен сатуу менен алек болом. Ошол бир дисктен башталган бизнесимдин артынан жер тилкесин алып, үй куруп жатам.
– Сенин атаандаштарың барбы?
– Сатуу жаатында атаандаштык сөзсүз бар. Бизде чоң кампалар бар. Андагылар каталог түзүп иштешет. Кээде мен таба албай калган тасмаларды ал жерден заказ менен алам. Сен тасманын номерин көрсөтүп, “мынча даана” деп койсоң болду. Сен айткан убакка даяр кылып коюшат. Алардын меникине караганда, базасы кенен. Кыргызстандын туш тарабына мына ушул чоң кампалар аркылуу дисктер таркатылат. Менин товарым алардыкынын бир эле бөлүгү.
– Өзүң айтып кеткендей, интернетке кошулган компью­терлериңдин жардамы менен бизнес кылып жатыптырсың. Деги эле пираттык дисктин пайда болушун башынан айтып берсең...
– Алгач жаңы чыккан кинолорду изилдеп, интернет аркылуу же лицензияланган дисктерди сатып алабыз. Андан соң компьютер менен эле көбөйтүп алабыз. Мисалы, бир сааттын ичинде 4 диск көчүрүүгө болот. Кадимки эле дискти 3 сомдон дүңү менен алабыз. Ал эми сырткы кагазын түстүү сканерден эле өткөзүп алабыз. Азыр базарда баары сатылат эмеспи.
– Муну менен силер элди алдап жаткан жоксу­ңарбы?
– Эл пираттык диск экенин билип туруп эле алышат. Анткени, арзан да.
– Бир күндө орто эсеп менен канча диск сатасың?
– Бир күн менен бир күн окшошпойт да. Жакшы болгондо элүү-алтымыш диск өтүп кетет.
– Негизи, силердин бизнеске “Кыргызпатент” тарабынан тыюу салынат эмеспи...
– “Чыгаша болбосо, киреше болбойт” деп коёт го. Анын сыңарындай, дисктерибиз­ди “шыпыртып” жиберген күндө­рүбүз деле болгон. Бирок, азыр ар бирибизде эле “крыша” бар. Азыр бизнес кылуу үчүн бирөө болбосо болбойт.
– “Крышаларды” кайдан издейси­ңер?
– Бизнесиң кичине бутуна туруп келе жатканда өзү эле табылат. Теңме-тең болбосо да, бир нече пайызын бересиң. Бирок, текшерүү келип “шыпырып” кеткен учурда да кайгырбай уктай берсең болот. Анткени, кайра кайтып келчү нерсе да.
Кани ары жакта өтүп бараткан кишилерди: “Сиздер көрө элек кинолор менде бар”, - деп шыпылдап аларды бат эле өзү­нө тартып алганына биз да тан бердик.
Биздин дисктер кымбат, бирок сапаты жакшы
Эми ЦУМга кирип, лицензиясы бар дисктерди саткандарды да бир ооз сурамжылоону чечтик. Өзүн Оля деп тааныштырган кызды кепке тарттык.
– Пираттык дисктер менен лицензияланган дисктерди кантип айырмаласа болот?
– Албетте, биринчиден, баасынан. Мисалы, пираттык жолдор менен көчүрүлгөн дисктердин эң кымбаты 50 сомдон ашпайт. Ал эми лицензияланган дисктер 250 сомдон жогору турат. Экинчиден, чыныгы дисктердин өңү ак болот да, дисктин бетинде лицензия номери жана башка жазуулар болот. Ал эми пираттык дисктер көк балбанкага көчүрүлөт. 
– Кыргызстанга лицензияланган дисктер кайсы жактан алынып келинет?
– Негизинен, Орусиядан алынып келинет.
– Силерде күнүнө канча диск өтөт?
– Биздин дисктерди сатып алуучулар аз. Анткени, бизде кымбат, бирок сапаты жакшы.
– Кымбат алган дисктерди сактоо ыкмаларынан бөлүшө кетпейсиңби?
– Сактоо ыкмасы эң жөнөкөй. Дисктин бетинен кармабай  эки кырынан кармаса эле эч нерсе болбойт. Эгерде кокусунан  кармап алсаң же чаң болсо, крандан жыбылжый аккан муздак сууга бир айландыра кармап, анан губка же кебез менен сүртүп койсо болот. Ошондой эле, азыр көптөгөн тазалоочу суюктуктар бар. Ал эми пираттык дисктерди кымбат баадагы суюктук менен тазаласаң деле баарыбир көпкө колдоно албайсың.
Пираттык дисктерге каршы «Кыргызпатент» кандай чараларды көрөт?
Пираттык дисктер менен алек болгондорго кандай жазалар көрсөтүлөөрүн билүү үчүн “Кыргызпатентке” телефон чалдык. Улам бир номерди алып жатып, акыры «аты-жөнүн жазбай эле кой» деп суранган бир кызматкерине төмөндөгүдөй суроолорду бердик.
– Агай, пираттык дисктер менен алек болгондорго кандай жазалар каралган?
– Рейддерди жүргүзүүнүн негизинде изилденип кармалган товарлар үчүн ээсине 1000 сомдон айып салынат.
– Угушубузга караганда, рейддердин жыйынтыгында жыйналып алынган дисктер кайра эле кайтарылып берилет деп жатышат...
– Бул маалыматтын чындыгы деле бар. Бирок, биз рейд жүргүзүүдө кармаганга гана ка­ты­шабыз. Ал эми товардын калган тагдыры бизге тиешелүү эмес.
– Деги эле пираттык дисктерди сатууга тыюу салса болобу?
– Пираттык дисктер менен күрөшүү баңгизат жана курал-жарак сатуу менен күрөшүүгө барабар болуп калды. Жеке гана биздин мамлекетте эмес, бул маселе менен дүйнө жү­зүн­дө күрөшүп келишет. Азыр бул бизнес аябай өнүгүп баратат, демек, күрөшүү да кыйын. Күрөшүүнүн эң жеңил жолу элдин колунда. Алар пираттык дисктерди албай коюшса эле акырындап өзүнөн-өзү жоюлат.
пираттык дисктерден жабыр тарткан киночулар
«Пираттардан» биринчи орунда жабыр тарткандар киночулар эмеспи. Алардын да оюн билүү үчүн «Кайып Булак» кинотасмасынын режиссёру Рысбек Жабировго кайрылганыбызда төмөнкүлөрдү айтып берди.
– «Пираттар» жаңы тасманын көчүрмөсүн баарыбир чыгараарын алдын-ала сезип,түп нускасын сурап келген Эрмек деген балага 2 миң долларга сатып жибергем. «Кайып Булак» тасмасы Кыргызстан боюнча 150 миң нускада  сатылганын ошол Эрмек деген баладан кийин билдим. Эгер пираттар менен иштешип, жок дегенде ар бир сатылган дисктен 5 сомдон алсам бир топ байымак экенмин.
Эгер пираттар бир тасмадан жогорудагыдай пайда табышса, анда  алар байыбаганда ким байыйт?!  Эмгек болсо киночуларга таандык. Андыктан, пираттарга мыйзам жүзүндө катуураак чара көрүлсө.
Сөз аягында
Ары-бери өткөндөргө да “сиз пираттык дисктерди сатып ала­сыз­бы?” деген суроо менен кай­рылып көрдүк. Көпчүлүгү пират­тык дисктерди сатып ала тургандыктарын айтышты. Ушундан улам чынында эле бир күндө бир эле сатуучудан орто эсеп менен элүүдөн диск өтөөрүнө ынандык. Ушундай окурман.Арзанына качырып пираттык дисктерди сатып аласызбы же кымбат болгону менен көпкө кызмат кылуучу түп нускадагы дискти сатып аласызбы эрк өзүңүздө. Неси болсо артында өкүнбөсөңүз болду.

Даярдаган Бахияна Сатылганова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: