Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПУЛУҢ БОЛСО КУЛУҢМУН! ЭМГЕК БАЗАРЫНДАГЫ ЖАЛДАНМА ЖУМУШЧУЛАР

№453 8-14-июль, 2011-жыл


КАЙРАН СОЮЗ МЕЗГИЛИ...
Союз учурунда ишке жарамдуунун баарын мамлекет жумуш менен камсыздап, бош басып жүргөн киши болчу эмес. Бардыгы тең укукта, айлык акылары татыктуу жашоого жетерлик эле. Союз тарагандан кийин жыргал замандын доору бүтүп, “иштесең-тиштейсиң” деген тытынмай заман келди. Андан бери 20 жыл өтүп, жолун тапкандардын алды президент, министр, депутат, чириген бай болду. Жолун таппаганы карайлап, баягы ичкен ашыңды даярдап берер жыргал заман жок, “турмушуң эшек араба, туулдуң калдың балээге” деп кыңылдап, кара курсактын камын көрүп келет. “Манас” эпосунда душмандан кыйналган эл бөлүнүп, бири Кангайга, бири далайга кетсе, учурда элибиз жумушсуздуктун айынан Орусия менен Казакстанды мекендеп көчүп кетип жатышат. Ал жакка жете албагандар “ишсиздер армиясындагы жарандарбыз” деп байларга жалданып жан багып келишет. Ар бир аймакта байлар кара жумуштарын жасатууга жумушчуларды жалдап кете турган эмгек базарлары түзүлдү. Аталган жайлардагы жашоо тууралуу маалымат алуу үчүн Бишкектин Лев Толстой көчөсүндө жайгашкан эмгек базарына сапар алдык.

«КЭЭДЕ БИР КҮНДӨ 2500 СОМГО ЧЕЙИН ТАБАБЫЗ»
Жогоруда айтылгандай, “ишсиздер армиясынын” катарындагы жарандарыбыз топ-топ болуп, жумуш берүүчүлөрдү күтүп турушкан экен. “Тамак ичиш үчүн жашабайсың, жашаш үчүн тамак ичесиң” дегендей, ак эмгек менен нан таап, жан багыш үчүн аталган жайда турган 7-8 чакты жигиттерден турган топ менен учурашып, кепке тарттык. Алгач кабарчылар экенибизди угуп, “гезиттен тааныштарыбыз көрүп калса уят” дешип, бирин-бири “сен сүйлө, мен сүйлө” болуп жатышты. Алардын арасынан өзүн Нурлан деп тааныштырган жигит “сүрөтүмдү чыгарбай эле койгула” деп маектешүүгө макул болуп, жалданма жумушчулардын жашоосунан кеп салып берди.
– Алгач бул жердеги жумушчулар жана мындагы жагдай тууралуу айтып берсең.
– Учурда сезон болгондуктан, бул жерге кадимки жумушка келгендей эле эртең мененки саат 7де келип, иш берүүчүлөрдү түшкө чейин күтүп отурабыз. Кыштын күнү жумуш жок болуп калат. Мында жыргаганыбыздан келген жокпуз да. Иштейли десек, иш жок. Завод-фабрикалардын баары талкаланып бүттү. Мамлекеттик жумуштардын айлыгы аз. Кымбатчылык болуп жатса, андай жумуштан алган айлыгың эч нерсеге жетпейт. Мисалы, көчө шыпыргыч 5 миң сом алат экен. Ал эмнеге жетет? Азыр батирге эле 5 миң сом төлөйм. Мамлекет тарабынан эч кимге көңүл бөлүнбөй калды.
– Мамлекет качан жардам берет деп отура бербей, өз алдыңча иштеп жатыптырсың. Көбүнчө кандай жумуштарга алып кетишет?
– Мында келгендер кара жумуштарды жасатканга алып кетишет. Кээ бирлер «бул жерге багар-көрөрү жок байкуштар чыгышат» деп айтышат экен. Бирок андай эмес, мына мында тургандардын үй-бүлөсү, ата-энеси бар. Мамлекетти карап отурсаң, ачка каласың же башка бирөө келип нан бербейт да, туурабы? Андан көрө ишсиз басып жүргүчө бул жерге келип, ак эмгегиң менен наныңды таап жегениң жакшы да. Кара жумуштардын бардыгын жасайм. Курулуш жумуштарынын бардыгын кол билет. “Универсалбыз” десек болот. Кээде чуңкур казабыз. Кыскасы, баарын жасайбыз.
– Бир күндө канча табасың?
– Акчасы болсо, иштеген ишибизге жараша. Кээде жакшы, кээде болбой калат. Жакшы дегенде бир күндө 2500 сомго чейин тапкан учурлар болот. Негизи, күнүнө 1000 сомдун тегерегинде табабыз.
– Жумуш берүүчүлөр иштеген ишиңдин акчасын бербей алдап же нааразы кылып койгон учурлар болбой койбосо керек?
– Жумуштун оор же жеңилине карап нааразычылык жаралбаш үчүн иш берүүчү менен алдын ала баасын чечишип алабыз. Алдап кетип же атайылап эле бербей койгон учурлар боло элек. Мындагы балдардын арасында ошондойлорго туш болгондору бар. Андай иш берүүчүлөр менен кийинки күнү өзүбүзчө сүйлөшүп, эки эселетип төлөтүп алабыз.

Биздин маектешип жатканыбызды көрүп, ары жакта турган топтон бизди көздөй келген байке “жаш жигиттер уялып жатышат. Келгиле, суроолоруңарга ачык жооп берип, гезит бетине чыгып берейин” деп маегибизге аралашып калды. Ал байкеге жогорудагы эле суроолорду узатып, төмөнкүдөй жоопторду алдык.

«12 ЖЫЛДЫК ТАЖРЫЙБАМ БАР МУГАЛИММИН»
– Аты-жөнүм Кубаныч Сатыбалдиев, 42 жаштамын. Өзгөндөн болом. Бул жерге келип иштеп жатканыма бир жарым жыл болуп калды. Жыргаганыбыздан бул жерде жүргөн жерибиз жок. Мамлекет айлык акыны көтөрсө, ушул жерде жүрбөйт элек да. Мисалы, мен Украинадагы Политехникалык институттун экономикалык факультетин жана Ленинграддагы педагогикалык институтту бүтүргөм. Бишкектин Манас айылындагы мектепте география, тарых сабактарынан мугалим болуп 12 жыл иштедим. Үй-бүлөнү бакканга каражат жетишпей, айла жок ушул жерде жүрөм. Азыр сезон болгондуктан, эртең менен келебиз. Жумуш жок болуп калган күндөрү түштөн кийин үйгө кетебиз. Кыштын күнү жумуш азайып калат. Кышында кар күрөйбүз, жүк түшүрөбүз. Жумуш берүүчүлөр келсе, алар менен иштин баасын сүйлөшүп алып, иштерин бүтүрүп беребиз. Иш акыбыз иштеген ишибизге жараша болот. Мисалы, мен күнүнө 500-600 сомдун тегерегинде табам.

«МИЛИЦИЯ ЧӨНТӨГҮБҮЗДҮ ШЫПЫРЫП КЕТЕТ...»
– Кыйынчылыктар көп эле болот. Кээде жумуштарын жасатып алышып, акчасын бербей койгондор бар.
Ушул сөзгө келгенде башында маек берүүдөн качып жаткан Эсен аттуу байке үнүн катуу чыгарып: “Андайлар дагы кездешет. Өзгөчө милиция кызматкерлери бизге кулдардай эле мамиле жасашат. “Акчасын төлөп берем” дешип, жумуш бүткөндөн кийин акчасын бербей, “кетип кал!” дешет. Мына өткөндө эле милициянын бир чоң жеринде иштеген кыргыз эле киши үйүнүн короосун шыпыртып, убада кылган 100 сомду бербей койгонунан “бер” десем, “үстүңөн кылмыш ишин ачып, каматып салам” деп коркутуп айдап жиберди. Айла жок, колду чөнтөккө салып баса бердим. Бала-чаканы багалы деп көрүнгөн жумушту кылып, эптеп тапкан чөнтөгүңдөгү болгон акчабызды бул жакка милиция кызматкерлери рейд жасап келишкенде документиң барбы, жокпу, баары бир шыпырып кетишет. Үй-бүлөм менен батирде турам. Айына 2500 сом төлөйм. Алардын кийими, тамак-ашына араң жеткирем. Мына быйыл уулумду 1-класска киргизиш үчүн документтерине эле 2000 сомдой алып койду. Азыр бардык жерде коррупция болуп кетти. Депутаттар, бийликтегилер ушуларды тыйса болбойбу”,- деп агынан жарылды.
Бул жердеги 18-30 жаштагы аш десе ашка, иш десе ишке тойбой жумуштун майын чыгара иштеген мекендештерибиз менен маегибиз соңуна чыккандан кийин ары жактагы аксакалдарды кепке тарттык. Жашы ортолоп калган Мурадил байке дагы кезинде Нарындагы спорт мектебин бүтүрүп, 2 жыл мектепте мугалим болуп иштептир. “Андан кийин Бишкектеги №1-автопаркта автобустун айдоочусу болуп иштеп, Союз тарагандан иш жок, ар кандай жумуштарды кылып үй-бүлөмдү багып келатам. Мамлекет тарабынан көңүл бөлүнүп, иш орундары ачылса, айлык акыны жогорулатса, бул жерде кыйналып жүрбөйт элек”,- дейт.

«БУЛ ЖЕРДЕ ЖҮРГӨНҮМӨ 7 ЖЫЛДАЙ БОЛДУ»
Жалданма жумушчулар топтолгон бул жайдагы отургучтардын биринде улуу эле эжелердин иш берүүчүлөрдү күтүп отурганын көрүп, алардын бири, 50 жаштан ашып калган Каныштай эжеге суроо узаттык.
– Бул жактан көбүнчө оор кара жумуштарды жасатканга алып кетишет экен. Сиздер дагы ошондой жумуштарды аткарасыздарбы?
– Жок, биз жеңилирээк жумуштарды жасайбыз. Дубалдарды боёп, шыбайбыз, полдорду сырдап, обои чаптап, үйлөрдү тазалап дегендей.
– Бул жерде келип иште­гениң­изге канча болду? Бала-чакаңыз бар да...
– 7 жылдай болду. Буга чейин бала бакчада тарбиячы болуп 12 жыл иштедим. Башында бул жерде тургандан уялчумун. Тааныштарым дагы көрүп калып, “башка жумуш жок калыптырбы, өзүң аял киши болсоң” деп жүрүштү. Азыр болсо түшүнүп калышты. Мурдагы жумушумду улантайын десем, андан алган айлыгым эч нерсеге жетпейт. Бул жерден үй-бүлөмдү бакканга жетиштүү каражат табам. Баштагыдай уялбай калдым. Себеби бирөөнүкүн уурдабай, бирөөнүкүн жебей, ак эмгек менен каражат таап, балам менен кызымды чоңойттум. Кызым турмушка чыкты. Уулум болсо 9-классты аяктады.
– Жумушсузмун деп расмий түрдө катталгансызбы?
– Ооба, каттоодо турам. Бирок мамлекет тарабынан эч кандай жөлөк пул берилбейт. Татыктуу жашоо үчүн айла жок бул жерде жүрөм. Мамлекет бизге келип, жардам берсе деп суранат элем. Жок дегенде мында жумуш күтүп тургандарга түшкү тамакты койдук, чай уюштуруп берсе.

САПАР СОҢУНДА...
Эмгек базарына болгон сапарыбызда ал жактагы жарандарыбыз айлыктын аздыгынан жалданып, көрүнгөн кара жумуштарды аткарып жүргөндүгү өкүндүрбөй койгон жок. Мунусу аз келгенсип, милиция кызматкерлеринин буларга кылган мамилесин уккандан кийин уурулук кылбай жан багып жаткан аталган жайдагы жумушчулардын ишин бийликтегилер мыйзамдуу жолго салып беришсе жакшы болмок. Бийликте отурган төбөлдөрүбүз бири-биринин быкыйларын чукуганды токтотуп, жакырчылыктын сазына батып бараткан элибиздин жашоосун оңдогонго күчүн жумшашса болот эле деп айласыздан кейийсиң.

Кубаныч Сыдыков
koom@super.kg



Репортаж - Эмгек базарындагы жалданма жумушчулар.

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
11.07.2011. 11:31 
Тайпасы:
Жаран
Комментарийлердин саны:
161
Катталган:
21-05-2007
Соӊку аракети:
24-05-2018 22:13
Жынысы:
Белгисиз
Калаасы:
Бишкек шаары
0
силердин тапкан акчанар адал бир куну кин тийет силерге
11.07.2011. 12:00 
Тайпасы:
Жаран
Комментарийлердин саны:
345
Катталган:
07-09-2010
Соӊку аракети:
15-11-2018 12:07
Жынысы:
Белгисиз
0
турмушун эшек араба туулдун............эх шаарда жумушун болбосо жашоо кыйын эле..
Super TV
12.07.2011. 09:51 
Тайпасы:
Жаран
Комментарийлердин саны:
15
Катталган:
17-11-2008
Соӊку аракети:
05-05-2018 14:27
Жынысы:
Белгисиз
0
жумушсуздуктун айынан адам коптогон жаман ишке барышат. Бул адамдар бош отурбай кыбыраган кыр ашат болуп кара куч менен болсо да нан таап жеп жатканы мени кубандырат. Ар ким оз бешенесине жазганын корот да...
13.07.2011. 15:37 
Тайпасы:
Тартип бузгандар
Комментарийлердин саны:
41
Катталган:
18-04-2011
Соӊку аракети:
14-12-2012 17:30
Жынысы:
Белгисиз
Калаасы:
Бишкек.
0
Короосун шыпыртып алып 100сом бербей кууп жиберген милицияда иштеген киши олуп эле калса болот эле!Жакшы жашоого кечээ эле жетсе керек байкуш!
13.07.2011. 16:07 
Тайпасы:
Тартип бузгандар
Комментарийлердин саны:
41
Катталган:
18-04-2011
Соӊку аракети:
14-12-2012 17:30
Жынысы:
Белгисиз
Калаасы:
Бишкек.
0
Атайын рейд кылыппы же жон эле кочодо баратыппы силерди текшерген милициядан биринчи озунун документин корсотуусун талап кылгыла! Рейдди тийиштуу тапшырманы аткаруу учун жасап жатышабы же алар да уй-булоосун багуу учун силерди сагаалап журушобу? Эгерде ошондой болсо,ал милициянын иштеген жерине арыз менен кайрылгыла. Оз укугунарды билгиле. Бизде укук коргоочулар бар,кайрылгыла. Баардыгынар эле жогоркуу билимдуу экенсинерго.
13.07.2011. 17:59 
Тайпасы:
Түйүлдүк
Комментарийлердин саны:
298
Катталган:
26-05-2011
Соӊку аракети:
07-12-2012 23:48
Жынысы:
Белгисиз
0
ага.. Укук коргоочуларга кайрылса эле жакшы майнап табат.Азыр кедей жашайсыңбы,болду сенин укугуң жок,коргой да албайсың и коргогондо да ,кайрыла турганга кайрылсаң сенин именно кедей экениңди билип укугуңду эч качан коргоп беришпейт.
Super TV
18.07.2011. 04:06 
Тайпасы:
Жаран
Комментарийлердин саны:
76
Катталган:
11-12-2010
Соӊку аракети:
13-11-2018 08:02
Жынысы:
Белгисиз
Калаасы:
Ош
0
эй кудай иий качан бизде баары жыргап жашап калышат.
Super TV
21.07.2011. 15:40 
Тайпасы:
Жаран
Комментарийлердин саны:
15
Катталган:
05-06-2007
Соӊку аракети:
23-04-2018 13:19
Жынысы:
Белгисиз
0
Жакшы репортаж.
Super TV
30.10.2011. 15:42 
Тайпасы:
Кыймылы жок
Комментарийлердин саны:
1
Катталган:
28-10-2011
Соӊку аракети:
15-11-2011 19:00
Жынысы:
Белгисиз
+1
Биздин президент адам болгондо элине жумуш таап бермек качып кетпей.
Super TV
24.11.2011. 16:49 
Тайпасы:
Жаран
Комментарийлердин саны:
308
Катталган:
23-10-2011
Соӊку аракети:
17-11-2018 00:59
Жынысы:
Белгисиз
0
эмне дейбиз ден соолук жана жакшы бай адамдарга туш келиниздер бешенеге жазганын коробуз оокаттын уяты жок
24.11.2011. 16:57 
Тайпасы:
Жаран
Комментарийлердин саны:
308
Катталган:
23-10-2011
Соӊку аракети:
17-11-2018 00:59
Жынысы:
Белгисиз
0
уяты жок милициялар ошол акчаны алып кантип синдиришет экен андан коро чыныгы ууруларды кармашпайбы бети жоктор десе
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: