Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАШТЫК ЖАҢЫЛЫШТЫГЫ

№192 7-13-июль, 2006-ж.


АЙЫЛДЫК ЭЖЕМ
Эки гана бир тууган элек. Бирок, Жылдыз эжемди чоң ата, чоң энебиз “биринчи неберебиз” деп багып алгандыктан, ата-энемдин колуна орто мектепти бүтүргөндөн кийин келди. Ошондуктанбы, жалгыз кыз сыяктуу тарбияланып, мен эрке өстүм. Жылдыз эжем биринчи жолу биздикине келген күн азыр да эсимде.
Апам менен атам жетине албай кубанып турушту. Бир гана мен бул меймандын келишин жактырбай турдум. Жылмая сүйлөп жаныма келгени, айылдыктарча узун көйнөк кийгени, узун чачы да менин кыжырымды келтирди.
– Эмне, бул биздин үйдө жашайбы?– деп мурдумду чүйрүгөн мени апам жаман көзү менен карап алды.
– Анан кайда жашамак эле? Нары турчу мурчуңдабай.
– Ал менин бөлмөмө кирбесин...
Чын эле апам да, атам да эжеме айланчыктап, жанынан чыкпай калганына жиним келип турду. Мен дагы уурдана карап коём. Менден улуу болуп алып косметика колдонуп, жарашыктуу кийинбегенине таң калам. Ошентип, менин жашоомдо эжем пайда болду.

АЛГАЧКЫ СҮЙҮҮМ
– Кир, кирегой, азыр аяш атаң турат,- деп жаткан апамдын үнүнөн улам уйкулуу көзүм умачтай ачылды. Келген адам менин жан-дүйнөмдү, жүрөгүмдү ээлеп алган атамдын досунун баласы Алик эле.
Аликти мен тээ кичине кезимден эле өзүмө энчилеп алган элем. Мага ал карындашындай эле мамиле жасачу. Бирок, мен качандыр бир кезде ал адам баары бир меники болот деп ойлочумун. Ордуман тура калып саксайган боюнча мойнуна асылдым.
– Алик байке-е...
– Кандай жүрөсүң, Айка?- деп баратып мени кучактап турган колдору бошой түшкөнүн байкадым. Бетине карасам кимдир бирөөнү кызыга карап калган экен. Артыма кылчайып, мени таңгала карап турган эжемди көрдүм. “Эмне киши көрбөгөндөй карайт?” деп жиним келип кетти. Андан да Аликтин эжемди карап талып калганына жаным кашайып турду.
– Са... саламатсызбы?
– Саламатсыз...- эжем кадимкисиндей жагымдуу жылмайып күлүп койду да, ары кирип кетти. Билбейм, негедир ошол учурда эле кызганычтан жүрөгүм тарыла түштү. Туйтуңдап тескери бастым.
Ошондон баштап Алик биздин үйгө көп келе баштады. Мени менен саламдашып эле үйдү айланта карап Жылдыз эжемди издеп жаткандай туюлчу. Ансайын жаным кашайып, көзүм караңгылай түшөт.
Бир күнү сабактан келе жатып, Алик менен бир бийкечтин ээрчишип кетип бара жатканын көзүм чалып калды. Жылдыз экен.
Экөө бири-бирине бактылуу жылмайып кетип баратышыптыр. Көпкө узата карап турдум да, шалдайып отуруп калдым. “Мен сени эч кимге бербейм. Сен ме­ни­кисиң, Алик, сен мен үчүн жаралгансың” ушинтип ыйлап да, сүйлөп да жаттым.

ТОЙГО ДАЯРДЫК
Үйгө кирип келип, апам менен атамдын ичкериден сүйлөшүп жатышкан сөздөрүн угуп калдым.
– Кийинки жума Аликтин ата-энеси куда түшүп келмекчи болуп жатат,- деди апам.
– Балдар эмне анча шашылышты? Окууларын бүткөндөн кийин деле...- деген атамдын жай кобураганы угулду. Мен турган ордумда катып калдым. Ушундай болот бе­ле? Ал менин адамым эке­нин, мен эңсеген, мен күткөн, өмүр бою десем көптүк кылаар, эс тартканы эсимден кетпей, жүрөгүм­дүн жарымын арнаган адам экенин эмне үчүн эч ким түшүнбөйт?
– Кызым, эмне мынча купкуусуң? Ооруп калган жоксуңбу?
Аңгыча аркы бөлмөдөн чыга келген апам үстүмө үйрүлө калды.
Мен апамдын колун силке берип үйдөн атып чыктым. Оюма эч нерсе келген жок. Болгону мен Аликке барып, сезимимди айтам деп чечтим. Жамгыр куюп турган эле. Мен алардын дарбазасына жакындап жетип, коңгуроосун баса берээримде кимдир бирөө ача салды. Карасам, Алик экен.
– Ой, Айка, сенби? Эмне мынча кеч?- деп адатынча жылмайып сүйлөй берди. Чыдабай кеттим. Мойнуна асыла калып ыйлап жибердим.
– Алик, мен сени эч кимге бербейм. Мен сенсиз жашай албайм. Мен деген...-Көз жашыма какап энтиге сүйлөп жаткан мени Алик каруудан ала токтотту. Ошондо гана эсиме келе түштүм.
– Сен эмне деп жатасың, секелек? Андай болбойт. Мен сени кичинекей карындашымдай көрөм. Кантип сен...
– Мен эбак эле чоңойгом. Алик, мен...
– Болду, унчукпа. Бул жөнүндө эч ким билбесин.
Алик мени каруумдан катуу кармай тигилип калды. Эч качан мени мындай муздак караганын көргөн эмесмин. Көзүмдөн көзүн албай турду да, акырын эскертти:
– Айка, мен сени билем. Жиндилик кылба... Мен баары бир Жылдызды сүйөм.
Анын катуу кармаганынан колум ооруп кетти. Бирок, көзүмдү албай тура бердим. Жамгыр төгө берди.

ЖАЛГАН ЖАЛАА
Мына, эки-үч күндөн кийин той болот. Тойго даярдык көрүп, бардыгынын жүздөрү жадырайт. Көрбөйүн да күйбө­йүн деп өз бөлмөмө кирип жатып алган элем.
– Айка, карасаң, жарашат бекен? - деген Жылдыздын үнүнөн жалт карай бердим.
Узун боюна куп жарашкан апакай көйнөк менен мени карап турган экен. Жаман көрүп турсам да ичимден суктанып алдым. Көздөрү жайнап, кубанычтуу жылмайып турган экен.
– Эмне керек?- дедим бурк этип.
Мындайды күтпөсө керек байкушум. Көздөрү бакырайып шалдая түштү. “Сооп болот сага” деп мен ичим­ден табам кана жылмайып алдым.
Ушул учурда телефонум шыңгырап калды. Мен телефонду албай туруп Жылдыздын чыгып кетишин күткөндөй аны тикчийе карап калдым. Ал чыгып кетээри менен мага тааныш үн угулду:
– Айка, баары сүйлөшүлдү...
– Азат, тойду жылдырыш үчүн гана... Уктуңбу?
– Ооба, менин балдарым так иштешет. Бир ай ооруканага гана жатып чыккандай кылабыз. Болгону сен да убадаңа так тур.
Телефонду шак өчүрдүм. Ачууга алдырып кандай иш кылып жибергенимди билбей көпкө шыпты тиктеп жата бердим. Ошол учурда ушинтсем гана көкү­рөгүмдөгү бугум жеңилдей түшчү­дөй сезилди.

КАРГАШАЛУУ КЫРСЫК
Ошентип, менин жалдаган адамдарым менин буйругумду орундатты. Алик кечинде үйгө келе жатканда топтошкон балдар сабап кетишкенин таң эрте уктук. Апамдын ыйлаган үнүн, атамдын аны сооротуп жатканын эрдимди кесе тиштеп жатып уктум. Сендиректей эшикке чыксам, апам ыйлап отурган экен.
– Аликти балдар токмоктоп кетиптир. Реанимацияда жатат дейт.
Жүрөгүм шуу дей түштү.
– Кайда дейсиз?
– Реанимацияда дейт. Абалы оор деп жатышат. Жылдыз менен атаң кетти...
Андан аркысын эрким жетип уга алган жокмун. “Эмне кылдым, ыя? Эмне кылып койдум?” деп өзүмө өзүм шыбырап жаттым. Бирок, бардыгы кеч эле.

КҮНӨӨМДҮН ООРДУГУ
Алик эки айдан кийин ооруканадан чыкты. Ооруканага барганга эрким жеткен эмес эле. Бирок...
Өңү шапайып кунары качкан Жылдыздан да көзүмдү ала качам. Бир күнү терезени телмире тиктеп турган экен. Боорум ооруп кетти.
– Жылдыз, анча кайгырбачы, мен.
Акырын далысына колумду койдум. Ал бурулбай туруп акырын үн катты:
– Айка, ал... ал өмүр бою баспай калышы мүмкүн деп врачтар айтып жатышат.
– Эмне-е?
Эрксизден кыйкырып жиберип, колум менен оозумду басып калдым.
– Бүгүн мага өзү айтты. “Жылдыз, мен сени багыңды байлабайм. Мен эми майып болуп калдым. Сен менден кетишиң керек” дейт. Карасаң сүйлөгөнүн... Мен андан эч качан кеткис болуп байланып калганымды билбейт.
Жылдыз муңайым жылмайып койду. Ошол эле учурда көзүнөн жаш агып турганын байкадым. Эч нерсе дей албай артка бурулдум.
Жарым жыл убакыттан кийин Алик менен Жылдыз үйлөнүү тоюн өткөрүштү. Тойго келген адамдардын ичинде жүрөгү сыздап турган мени эч ким байкаган жок. Өзүмдүн опол тоодой күнөөмдүн оордугунан башымды көтөрө албай отурдум. Майыптардын коляскасында отурган Аликти, анын жанында жадырай жылмайган эжемди көрүп, ичтен өксүп кечирим сурап жаттым. “Кечиргиле мени, жаштыгым менен жаңылганымды кечиргиле. Мен акылсыздык кылып, Аликти өз энчиме басылгандай көрүп, ушул жорукка барганымды кечиргиле. Силер бактылуу болгула. А мен өмүр бою кыйналып өтөөрмүн” деп көз жашымды шыпыра ичимден кечирим сурап жаттым.

Даярдаган Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(5)
20.09.2009. 16:50 
Тайпасы:
Кыймылы жок
Комментарийлердин саны:
49
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Жаштык, мастык, ачууга алдыргандык.
"Ачуулу адам ичи толтура уу",-деп бекеринен айтылбаса керек...

16.06.2011. 18:57 
Тайпасы:
Кыймылы жок
Комментарийлердин саны:
7
Катталган:
11-06-2011
Соӊку аракети:
09-07-2012 09:43
Жынысы:
Белгисиз
Калаасы:
озгон
+1
мындай нерселер жашоодо болбосо керек
29.09.2015. 18:58 
Тайпасы:
Кыймылы жок
Комментарийлердин саны:
1
Катталган:
09-10-2013
Соӊку аракети:
21-05-2016 13:40
Жынысы:
Белгисиз
0
Оз ежесине озу душман болгон тура
19.02.2018. 19:22 
Тайпасы:
Жаран
Комментарийлердин саны:
13
Катталган:
03-02-2018
Соӊку аракети:
02-09-2018 23:19
Жынысы:
Белгисиз
0
Кудай сактасын чыныгы жашоодо андай болбосун
20.02.2018. 11:00 
Тайпасы:
Жаран
Комментарийлердин саны:
61
Катталган:
16-06-2011
Соӊку аракети:
16-11-2018 13:10
Жынысы:
Белгисиз
Калаасы:
Москва
0
Түштөн кийин чилей бактылуу болгула,.мен кыйналып өтөм деп коет... кыйналбай.этпей эле ртең эле бирөөнү таап кетесиң да
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: