Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ШАКИРА

№192 7-13-июль, 2006-ж.


КИЧИНЕКЕЙ ШАКИ ЖАНА ТАЛАНТ
Шакира 1977-жылы Колумбиянын Барранкиль шаарында төрөл­гөн. Атасы Уильям Меберактын улуту араб, кесиби жазуучу. Ал эми апасы Нидия Риполлинин жердиги колумбиялык. Шаки апасынын жалгыз кызы, ал эми атасынын биринчи никесинен 7 баласы бар. Шакиранын таланты бала кезинен эле байкала баштаган. Бир жарым жашында алфавитти толук билип, үч жашында китеп окуганды үйрөнгөн. Ал эми төрт жашында мектепке барганга толук даяр болгону менен жашынын жетпегенине байланыштуу кабыл алынган эмес. Жашы 5ке толгондо ата-энеси атайын адистерди чакыртып экзамен алууну өтү­нүш­көн. Жүргүзүлгөн экзамендин на­тыйжасында Шакира “вундеркинд” деп табылган. Кичине кезинен сүрөт тартууга, ыр жазууга болгон кызыгуусун байкаган апасы Шакини сүрөтчү же атасынын жолун жолдоп жазуучу болот деп ойлогон. Бирок, 1-классынан Шакиранын бийге жөндөмдүүлүгү өзгөчө байкала баштайт.

БИЙЧИЛИК ӨНӨРДҮН БАШАТЫ
Бир күнү кечинде атасы кызын ээрчитип чыгыш ресторандардын бирине алпарат. Ал жерден кичинекей Шаки чыгыш бийин бийлеген кызды көрөт. Табигый туюму менен ал чыгыш бийин мындан да жакшы аткара алаарына көзү жетет. Ошондон тартып көп машыгууга өтөт да, акыры чыгыш бийин профессионалдуу бийлеп, көпчүлүктү таңкалдыра баштайт. Эми ата-энеси кызынын окуусун четке коюп, анын бий карьерасына чындап киришишет. Бардык жергиликтүү бий конкурстарынан биринчиликти бербей келген Шакира 8 жашка толгондо анын дагы бир таланты ачылат. Эми ал ырдап да чыга баштайт. Алгач “Сенин кызгылтым көз айнегиң” аттуу ыры сахнадагы алгачкы ыры болуп калат. Ошентип, Шакира сахнаны да багындыра баштайт.

КАРЬЕРАНЫН БАШТАЛЫШЫ
Таланты ташкындаган секелек кыз 13 жашында Sony Music компаниясы менен өзүнүн альбомун чыгаруу жө­нүндө келишим түзөт. Ошол эле жы­лы анын “Магия” аттуу биринчи альбому жарык көрөт. Аябагандай ийгиликтүү болгон альбому жаш кызды бүткүл Колумбияга таанытат. Шакира 14 жашында өлкөсүндөгү атактуу ыр­чыга айланып чыга келет. Ошол жы­лы “Eres” деген ыры менен “Винья дель Мар” аттуу фестивалга катышып, күмүш сыйлыкка татыйт.
Ал эми ырчынын экинчи чыккан “Коркунуч” аттуу альбому тескерисинче жолсуз болуп калат. Ошол себептен Шакира өз каалоосу менен бул альбомдун рекламасын токтоттуруп салган. Бул анын маанайына таасир тийгизип, туулган жерин, досторун таштап, апасы менен Боготу шаарына жол тартат. Шакира борборго келгенден кийин эң биринчи «Sony Music» офисине жана «TV GUIA» журналына барып, интервью берет. Бул интервьюдан кийин Шакирага «CENPRO» каналынан “Оазис”аттуу телесериалына башкы ролду ойноого сунуш түшөт.
Ошол убакта «TV GUIA» журналы “Колумбия Телевидениесинин сулуусу” деген конкурс өткөзүүгө даярдык көрүп жаткан болот. Шакира өзүн сынап көрмөккө талапкер кыздардын катарына кошулат. Конкурс үчүн атайын фотосессия болгон. Шакиранын конкурс үчүн тартылган сүрөттөрү башка өлкөлөргө да таратылган. Өзүнүн келбеттүү мүчөсү, сулуу жүзүнө ишенген ырчы бул журнал аркылуу популярдуулугун өстүрүүгө жетишкен.

ДҮЙНӨЛҮК АТАК
Альбомдорунун ийгилигинин аркасында Шакира тез эле дүйнөлүк турнеге аттанат. Жыйынтыкта анын ыр жыйнактары миллиондогон нуска менен сатылып, ырлары жергиликтүү хит-параддарда биринчи орундарды ээ­лейт. Колумбиялык гезит-журналдар тарабынан Шакирага “Жыл айымы” жана “Жыл адамы” деген наам ыйгарылат. Анткени, Шакира мынчалык алыскы өлкөлөрдү багындыра алган биринчи колумбиялык ырчы болуп табылат. Бул наамды алгандан кийин миңдеген күйөрмандары Шакиранын кийинки альбомун күтүп калышат. Бирок, ырчы жаңы альбом жаратууга даяр эмес эле. Себеби, ал бир аэропорттон ырлары жазылган дептерин уурдатып алат. Күйөрмандарынын кө­ңү­лүн калтыруудан корккон ырчы продюсери Эмилио Эстафен менен жаңы альбом жаратууга киришет. Көп өтпөй “Уурулар кайда” деген альбому жарыкка чыгып, ырчыга чоң ийгиликтерди тартуулайт. 2000-жылы Шакира Америкага көчүп келет. 10 миллиондогон дисктери сатылып, миллиондогон элдин оозуна алынганы менен Шакираны чыныгы жылдыз кылып тааныткан альбому 2001-жылы жарык көрөт. Ал “Кир жуучу жайдын тейлөөсү” (Laundry Service) аттуу альбому эле. Бул альбомдун ичиндеги тогуз ыры англис, төрт ыры испан тилинде жазылган. Альбомдогу “Качандыр бир” (Whenever, whenever) аттуу ыры өзгөчө мыкты аткарылып, ырчыны дүйнөгө таанытат. Ырга жарашыктуу клип дагы тартылган. Бул клипте Шакира өзүнүн бийлөө талантын жакшы көрсөтө алат. Бул ыры дүйнө жүзүндөгү 1-орундагы хит болуп аталган. 2002-жылдын ноябрь айынан ушул күнгө чейин Шакира дүйнөнү кыдырып концерт коюп, популярдуулугун жоготпой келет.

СҮЙҮҮСҮ
Шакира тун сүйүүсүн өзүнүн коңшусу Оскар Прадо деген балага арнаган. Шаки келечекте профессионалдуу ырчы болуу тилегин эң биринчи Оскарга айткан. Ал эми бой жеткен соң, чыныгы сү­йүүсүн Аргентинанын экс-президентинин баласы Антонио де ла Руага арнаган. Эки жаш 2001-жылы үйлөнүү тууралуу макулдашып коюшканы менен ал тилектерин ишке ашырыша элек. Эл арасында Антонио Шакиранын тапкан акчасы менен жашайт деген сөздөр айтылып келет. Ошентсе да 29 жаштагы Антонио сүйүктүүсүнүн чыгармачылыгын колдоп “Ич кийимиңдин ичинде” деген ырын тажабастан угат. Анткени, Антонио сүйгө­нүнүн бул ырынын клипине өзү тартылган.

НААМДАРЫ ЖАНА СЫЙЛЫКТАРЫ

  • Шакира Колумбия Республикасынын эмгек сиңирген артисти, Латын Американын мыкты ырчысы, Колумбиянын кылым артисти, “Миллениум артисти” наамдарынын ээси.
  • Колумбиянын абройлуу «Алтын жылдыз», «Күмүш факель» сыйлыктарынын ээси.

АКЫРКЫ МААЛЫМАТТАР

  • Учурда Шакира дүйнөлүк турнеде жүргөн мезгили. Испания жана Германияда концерттери ийгиликтүү өттү. Ушул жылдын 22-июлунда Шакира Москва шаарында концерт берет. Ошондой эле анын акыркы “Hips Dont Lie” деген ыры дүйнө радиолорунда хит болуп, алдыңкы орундарды багындырып жаткан учуру.

Даярдаган Жаркынай Нусубалиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
08.06.2016. 16:09 
Тайпасы:
Жаран
Комментарийлердин саны:
58
Катталган:
08-06-2016
Соӊку аракети:
31-01-2018 07:06
Жынысы:
Белгисиз
0
жакшы ырчы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: