Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№456 29-июль - 4-август, 2011-жыл


(Башы өткөн сандарыбызда)

Сот залы. Бул күндү Азаматтын туугандары, ата-энеси жүрөксүп күтүп жатышкан. Айларга созулуп кеткен сот жыйынтыкталып, бул акыркы сааттар эле. Акыркы сотко жетпей калуу коркунучу да бар болчу. Анткени Азаматтын оорулуу жүрөгү камакка алынгандан кийин начарлап кеткен. Атасы тааныштарынын, акчасынын көптүгүнө салып жатып да анын абалын жеңилдете алган жок. Анткени кадимки Аскар Токтосуновичтин уулунун өлүмүнө күнөөкөр деп эсептелинген адамга жеңилдик берүү анын өзүнө каршы чыгуу менен барабар эле. Башта айткандай, кримчөйрөдө да, саясий чөйрөдө да чоң фигура болгон Аскар Токтосуновичке катылчулар жок болчу.
Азаматтын жүрөгү эрксизден дүкүлдөп алды. Мына, бардыгы азыр чечилет. Алдыңкы катарда отурган достору Нурбек, Алмаз, Бегимайды көзү чалды. Кечээ эле бейкапар ушулардын катарында эле го. Кулагы чуулдап, сот эмне деп жатканын деле көп байкабады.
– Күнөөкөр Азамат Нурбаев, ордуңдан тур,- дегенде гана ордунан араң турду.
– Кыргыз Республикасынын...
Чаңкылдаган судьянын үнү кулагын жарып баратты. Ушунча сөздүн ичинен Азаматка “7 жылга эркинен ажыратылды” деген сөз гана кулагына илине түштү. Апасынын чаңырган үнү, атасынын купкуу жүзү көз алдында калкып турду. “Жети жыл! Жети жыл!” деп жатты мээсинде коңгуроо кагылгандай. Акыркы жолу өзүнө аянычтуу тигилип туруп, күнөөлүүдөй жүзүн буруп кеткен Бегимайдын элеси болду.
Ушундай болду. Аскаттын өлүмү үчүн Азамат темир тор аркасына кете берди. Эч ким бул ишти аягына чейин териштирип, өтөсүнө чыгалы деген жок.
Ошентип, көз ачып-жумгуча арадан бир жыл өтүп кетти. Шаар четиндеги көрүстөнгө таң атпай келип гүл койгон бийкеч оор улутуна отуруп калды. Ооруп айыккан кишидей болуп абалкы ажарынан эч нерсе жок. Көздөрү алайып кеткен. Чындыгында, Бегимай Аскаттын никелүү аялындай эле аза күттү. Бардык нерсенин аягы боло тургандай эле анын оор жоготуусунун да акыры болушу керек эле.
Оор улутунган Бегимай шаарды көздөй машинасын катуу айдап келе жатты. Машинаны демейде жай айдачу. Бул жолу болгон ылдамдыкта терезелерин ачып коюп келе жатты. Өзүнөн, өзүн кыйнаган ойлордон, элестерден качкысы келген үчүн ошондой кылды.
Университетке жакындай бергенде токтоп, курбусу Алинага телефон чалды.
– Салам!
– Бема, сенсиңби?
– Алина, сен бошсуңбу?
– Парада отургам. Бирок кааласаң, ушул пара бүтөрү менен чыгам.
– Давай, сыртта күтүп турам.
Алина чын эле сабак бүтөрү менен сыртка атып чыкты. Кичинесинен эле экөө жакын курбу болчу. Бирок Аскаттын өлүмүнөн кийин Бегимай катуу өзгөрүп, эч ким менен сүйлөшкүсү келбей калган. Ортодогу өткөн бир жылда көп болсо эки жолу жолугушкан. Курбусун көрөрү менен Алина мойнуна асылды.
– Уф-ф, сен да сыртка чыгат экенсиң, ээ? Үйүңдө эле камалып отурчу элең.
– Бүгүн негедир чыккым келди. Жүрү, кафеге отурабыз.
Чакан кафеде кыздар сырдашып отурушту.
– Баса, жеке фронт кандай?- деди Бегимай курбусуна тигиле.
– Эй, жигит көп, бирок менин форматыма жооп бергендер аз.
– Байка, “тандаган тазга жолугат” деген бар.
– Жок, мен таз эмес эле, ак боз атчан ханзаадага жолугам.
Алина кыткылыктап күлүп алды да, андан ары тамашасын улады.
– Менин мүнөзүмдү өзүң билесиң го. Жерге-сууга токтой албайм. Же мен жигитти тажатып жиберем, же мени алар тажатышат. Сендей болсом го...
– А мен кандай экенмин?
– Сен акылдуусуң, би-ир деп тур, таланттуусуң, эки деп тур. Тарткан сүрөттөрүңдү элге көрсөтсөң, эбак “заслуженныйды” алмаксың.
– Дагы...
– Дагыбы, үчүнчүдөн, банкирдин жалгыз кызысың, төртүнчүдөн, укмуш сулуусуң! А мени кара, боюм кичине, бетим сепкил... Баса, Аскат экөөңдү көрүп алып, өтө таң калчумун. Ушунчалык бири-бирине дал келген адамдар болобу деп...
Бегимай Аскаттын атын угары менен жаркылдап турган кабагы бүркөлө, көзүнөн жаш айлана түштү. Алина туура эмес айтып алганын сезип, эмне кыларын билбей чебелектеп кетти. Көпкө унчукпай отуруп калышты.
– Кечирип кой,- деди Алина акырын.
– Эч нерсе эмес, сен эстетпесең деле ал менин эсимден бир мүнөт да чыкпайт. Билесиңби, жакында бир сөз уктум. Жакшы адамдын да, жакшы нерсенин да убактысы ченелүү болот деп. Ошол чын го. Алар бизден да жогору жакка керек окшойт. Уф, унута албай койдум аны. Атам менен апам уруша берип жадап бүтүштү. Бөлмөмө Аскаттын бардык сүрөттөрүн чаптап алгам. Аскат алып берген оюнчуктар, сувенирлер, шакек, сөйкөлөр... Апамдын жини келип, мен жокто баарын алып туруп катып салыптыр. Аларды да түшүнсө болот. Аскаттын айынан атамдар акчасын төлөп койгон окууга барбай койдум. Атүгүл көп айлар сыртка да чыкпай жашадым. Жүрөктөрү түшүп, психолог да чакыртышыптыр. Баланыкындай жорук, ээ? Эми тажаганда жайыма коюшту.
– Бемчик, Аскаттай адам жок. Андай жигиттер чанда жаралат. Баарыбыз бирден сүйүп чыкканбыз аны. Бирок жашаш керек да. Жаңы жашоону башта... Өзүңдү кыйнай бербечи.
– Аны сезип эле турам. Бирок кантип?
– Бема, кечирип кой оор тийсе, сен эмне, эми арбак менен жашайын деп чечтиңби? Аскат жок эми. Келбейт ал, кайрылбайт. Анын үстүнө өлгөн адамды кечке эстей берсе, ал жакта да кыйналат деп уккам.
– Эмне кыл дейсиң анан?
– Билесиңби, бүгүн экөөбүз дискотекага барабыз. Жыргап бийлеп келебиз. Макулбу?
– Билбейм, мен Аскат менен гана барчумун да андай жерге...
– Эй, кайра баштадыңбы?
– Макул,- деди Бегимай оозу бош.
Алина алдында турган коктейлди ичип, курбусуна шоктоно көз кысып койду.

ххх

Адатта жаштар эс ала турган айтылуу диско-клубдардын бири. Алыстан эле күйүп-жанып, жаштарды “кел берилеп” чакырып тургансыйт. Машинасынан түшүп, кадам таштабай туруп калган Бегимайды чыканактан алган Алина жетелей берди.
– Эмне туруп калдың?
– Хм, билбейм.
– Бас, жүрү...
Экөө диско-клубдун босогосун аттай беришти. Шаңдуу кече башталып, бийлеп жаткан жаштарды тиктеген Бегимай да шаңдуу музыкага кошулду. Көптөн бери сыртка чыгып эс албагангабы, Бегимайдын көңүлү көтөрүлө баштады. Анын үстүнө кичинесинен бийге катышып жүргөн неме бийлегенди да сагынып калган экен. Алинага күлүп, бир нерселерди айтып жаткан Бегимай өзүн тиктеп турган көз карашты сезди. Бирок башын буруп караган жок. Ары басса да, бери басса да табышмактуу көз өзүн ээрчип жатканын байкап турду. Эс алуу үчүн столго карай басып бара жатып, шампан ичимдиги жана букет гүл коюлуп калганын байкады.
– Бул кимге?- деди ал тейлеп жаткан официант жигитке.
– Сизге берип жиберишти.
Акырын келип букеттин ичинен кичине баракчаны тапты. “Аза бүттүбү? Сыртка чыгышың менен куттуктайм!” деген жазууну окуп, өңү кубара түштү. Бурулуп, айланасын жакшылап тиктеп алды. Жок, имаратта өңү тааныш адам көрүнбөдү. Ким бул? Баракчаны колуна мыкчый кармаган ал сумкасын ала коюп, сыртка атылды. Бийлеп жаткан Алинага жетип барды.
– Бул жерден тезирээк кетишибиз керек,- деди ал шыбырай.
– Бема, жаңы эле башталды го. Бир аз бийлеп...
– Суранам, Алиша. Кеттик...
Күч менен билегинен булка тарткан курбусунун өңүн байкап, Алина да сыртка чыкты. Машинасына отурары менен Бегимай зуулдатып айдап жөнөдү. “Акырын айдачы!” деген курбусунун сөзүн да уккан жок. Бир топто гана өзүнө келип, машинасын токтотуп, телмирип отуруп калды.
– Сенин ушундай да жиндилигиң бар беле? Мен жашмын али, жашагым келет. Бир нерсе болсо, эмне болмок? Шайтан кууп бараткандай айдадың го?- деп курбусу урушуп кирди.

(Уландысы кийинки саныбызда)

Жолдошбек Кудайбергенов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(15)
01.08.2011. 10:38 
Тайпасы:
Кыймылы жок
Комментарийлердин саны:
23
Катталган:
24-07-2011
Соӊку аракети:
16-05-2015 00:11
Жынысы:
Белгисиз
Калаасы:
Екатеринбург
0
Ото эле табышмактуу болуп баратабы?Ото эле табышмактуу болуп баратабы?
01.08.2011. 12:10 
Тайпасы:
Жаран
Комментарийлердин саны:
92
Катталган:
19-01-2011
Соӊку аракети:
20-09-2018 17:16
Жынысы:
Белгисиз
Калаасы:
Казань
0
ой бооой...Тиги гул берген жигит ким болду экен...эми аны ойлонуп мен деле кыйналып бутомго
01.08.2011. 12:11 
Тайпасы:
Кыймылы жок
Комментарийлердин саны:
120
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
oi akyryna jetki4e olom go
01.08.2011. 14:11 
Тайпасы:
Жаран
Комментарийлердин саны:
23
Катталган:
03-02-2007
Соӊку аракети:
21-09-2018 21:26
Жынысы:
Белгисиз
Калаасы:
Белгисиз
0
Акырына жеткиче картайып кетет окшойм;)Акырына жеткиче картайып кетет окшойм;)
01.08.2011. 14:15 
Тайпасы:
Жаран
Комментарийлердин саны:
14
Катталган:
07-11-2010
Соӊку аракети:
31-01-2018 15:15
Жынысы:
Белгисиз
Калаасы:
Бишкек
0
эмки санын кутуп, не болоор экен деп кала бердим, китеби барбы?
01.08.2011. 15:11 
Тайпасы:
Кыймылы жок
Комментарийлердин саны:
12
Катталган:
15-07-2011
Соӊку аракети:
09-12-2014 23:40
Жынысы:
Белгисиз
Калаасы:
Ош
0
Кызуу менен окуп бара жатып тугоп калды го,эмки санын чыдамсыздык менен кутом эми чк-иииий.
01.08.2011. 16:06 
Тайпасы:
Кыймылы жок
Комментарийлердин саны:
11
Катталган:
05-12-2008
Соӊку аракети:
03-11-2012 10:42
Жынысы:
Белгисиз
Калаасы:
Бишкек
0
Сериалдын ичине кирип кетейин деп эле калдым окшоцт ..:)))
01.08.2011. 18:36 
Тайпасы:
Кыймылы жок
Комментарийлердин саны:
8
Катталган:
05-06-2011
Соӊку аракети:
10-09-2011 14:19
Жынысы:
Белгисиз
0
Эх журокту эзмей болдуго бул сериал достор
01.08.2011. 20:35 
Тайпасы:
Кыймылы жок
Комментарийлердин саны:
6
Катталган:
11-12-2010
Соӊку аракети:
01-08-2012 21:04
Жынысы:
Белгисиз
0
жаны саны чыкканча журогум токтоп калбаса эле болду .дааааагггггыыы кутобузбу ....барын эле жазып койгулачыыыы.
02.08.2011. 04:02 
Тайпасы:
Кыймылы жок
Комментарийлердин саны:
12
Катталган:
05-06-2010
Соӊку аракети:
11-04-2014 18:43
Жынысы:
Белгисиз
0
Mne tak nravitsa ,kak Vy komenty piwete...:)
04.08.2011. 09:51 
Тайпасы:
Жаран
Комментарийлердин саны:
151
Катталган:
18-07-2011
Соӊку аракети:
21-09-2018 21:46
Жынысы:
Белгисиз
Калаасы:
Россия
0
Ал Аскат болушу мумкун себеби Аскат олсо чыгарма бутуп калышы мумкун.
04.08.2011. 19:56 
Тайпасы:
Жаран
Комментарийлердин саны:
36
Катталган:
14-06-2011
Соӊку аракети:
29-03-2018 09:49
Жынысы:
Белгисиз
Калаасы:
Жер шаары
0
эх Бема,Бема!Сен коп азап тартпасан экен эми!
04.08.2011. 20:01 
Тайпасы:
Кыймылы жок
Комментарийлердин саны:
63
Катталган:
29-04-2010
Соӊку аракети:
17-01-2014 23:04
Жынысы:
Белгисиз
Калаасы:
Москва
0
кызыктуу чыгарма экен.
05.08.2011. 21:24 
Тайпасы:
Кыймылы жок
Комментарийлердин саны:
3
Катталган:
04-08-2011
Соӊку аракети:
12-01-2012 17:26
Жынысы:
Белгисиз
0
мага да абдан жакты, бирок мен башкы санынан баштап кантип окусам болот?
08.08.2011. 22:01 
Тайпасы:
Жаран
Комментарийлердин саны:
18
Катталган:
21-06-2011
Соӊку аракети:
21-03-2018 00:41
Жынысы:
Белгисиз
Калаасы:
россия
0
menim4e al Askatty oltyrgon kiwi...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: