Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЕР САТКАН ТӨБӨЛДӨРДҮ ДЕГИ КУДАЙ УРАБЫ?

№456 29-июль - 4-август, 2011-жыл


“Жакшы падыша жерин кемитпей, элин сактайт. Жаман падыша жерин сатып, элин тентитет”. Бул кепти эч ким төгүн дебес. Бабалар каны-жанын берип сактап, бизге тапшырган жерди башкаларга четинен кыркып берип жаткандарга анда кандай жаза колдонуу керек?

УЛАМАДАН УККАН КЕП...
Эл оозунда эмдигиче айтылган уламыш кеп бар. Ал уламыш боюнча, илгери кыргыз элин кара кылды как жарган калыс, акылдуу хан башкарчу экен. Күндөрдүн биринде кыргыздын бейпил жашоосуна ичи тарып, жеринин кооздугуна көз арткан коңшу жашаган душманы согуш баштагысы келип, шылтоо таппай, хандан ааламга аты чыккан айтылуу күлүгүн “берсин” деп элчи жиберет. Муну уккан кеңешчилери чогулуп келип: “Ханым, уруксат бер! Биз мындай кордукка чыдай албайбыз. Барып элин чаап, душмандын мизин майтарып келели”,- дешет. Анда хан “сурагандары күлүк эле болсо, бердиргиле! Элимдин тынчтыгы үчүн бир жылкымды аямак белем?” дейт. Арадан убакыт өтөт. Баягы душмандар эми хандын ай чырайлуу жаш токолун суратып элчи жиберишет. Хан алардын сураганын берет. Күндөр айга, айлар жылга алмашат. Баягы душмандар эми кыргыз ханына элчи жиберип, чек ара жактагы какшыган какыр талаадан жер сурашат. Хандын кеңешчилери: “Ал чөп чыкпаган жерди бере бериңиз, урматтуу ханым”,- дешет. Ошондо хан: “Жок! Ал жер меники эмес, элимдин жери. Ошол жердин ар бир баскан кадамында биздин ата-бабаларыбыздын каны тамган, сөөктөрү жашырылган. Мен душмандарга алардын үстүн тебелеп жүрүүгө жол бербейм! Кана, кылычыңарды кындан сууругула! Жоого аттанууга убакыт келди!”- дейт. Ошентип, ал барып душмандарын талкалап, жеңиш менен кайтат.
Хандын ошол эли, жери үчүн жасаган ак эмгеги, эрдиги кылымдан кылымга уланып, жерибиз ушул заманга чейин сиз менен бизге жеткен тура.

БИЛГЕНИҢ ОҢ

  • Кыргызстан түндүктөн Казакстан, батыштан Өзбекстан, түштүк-батыштан Тажикстан, ал эми түштүк-чыгыштан Кытай Эл Республикасы менен чектешет.
  • Кыргыз Республикасынын аймагы батыштан чыгышка карай 900 чакырымга, ал эми түндүктөн түштүккө карай 415 чакырымга созулат. Өлкөнүн жалпы аянты 198,5 миң чарчы чакырым.

АЛ ЭМИ АЗЫРЧЫ?..
Учурда бийлик башындагы билермандар кыргыз жерин четинен үзүп сатып, Ала-Тоонун керемет жерине сугун артып, алкымын араандай ачкан башка өлкөлөргө устукан бөлгөнсүп таратып жатышат. Жерибизди эл бийлегендер совет дооруна чейин да, союз учурунда да, эгемендүүлүккө жеткенден кийин да сатышууда. Өлкөбүздүн аянты жылдан-жылга кичирейип баратканы ойго салат. Минтип отурсак, келечек муунга кайсы бетибиз менен карайбыз? Ошол себептен ар бир кыргыз жараны, мейли карапайым, мейли чиновник болсун, келечекке көңүл кош мамиле жасабай, өткөндөн сабак алып, тарых чындыгын биле жүрүш керек.

КАЗАКТАРГА ӨТҮП КЕТКЕН ЖЕРЛЕР
Азыр Казакстанга карап калган Кордайдан чыгышты көздөй Михайловка айылына, түндүгү Узун-Агачка чейин кыргыздын жери болуп, Керүү өрөөнү деп аталганы жөнүндө эл арасында сөздөр көп.
Чүйдүн оң жээгин казактарга кырк байталга Жантай хан саткан” деген да кептер бар. Ал эми кай бирлер “Шабдан баатыр саткан” дешет. Жерди сатабы же жылкыга айырбаштайбы, айтор, Жантай “хан” деген атка татыксыз иш жасаган. Анткени Чүй жалпы кыргызга тиешелүү жер эле.
Кыргыз улуттук илимдер академиясынын кызматкери, тарыхчы Темир Асановдун айтымында, Иле дарыясынан бери көздөй бүт кыргыздарга тиешелүү болгон. Казак менен кыргыздардын алгачкы чек ара маселеси калмактарга байланыштуу козголгон. 18-кылымдын орто чендеринде калмактар кыргыз менен казактарга катуу сокку урган. Ошондо калмактарга туруштук бере албай калган түндүк кыргыздар жапырт түштүккө качкан. Анжияндын, Намангандын айланасына жана азыркы Тажикстанга тиешелүү Куляб облусунун аймагына жана Душанбеге чейин барышкан. Ошол окуядан кийин бери дегенде эле 40-50 жылдан кийин кыргыздар кайра Чүй, Нарын, Ысык-Көлгө көчүп келе баштаган. Бул 1755-58-жылдарга туура келет. Арып-ачкан эл айласыз казактардын малдарын чаап ала баштаган. Ошонун негизинде казактар менен карым-катнаш үзүлүп, жер да талаш боло баштаган. Абылай хан казактардын жерин кеңейтүү саясатын жүргүзүп, казак-кыргыздын ортосунда 1771-жылдан 1780-жылдарга чейин чоң согуштар болгон. Акырында согуштан жадаган жана жеңилген кыргыз төбөлдөрү казактарга жерлерин берүүгө аргасыз болушкан. Болжол менен азыркы Казакстандын түштүгү бүт кыргыздардан казактарга өткөн. 1924-жылы чек ара бөлүнгөндө казактар табигый чек катары Чүй суусунун ары жагын алып калышкан. Москвадан келген комиссия маалыматтарды жакшы билбей эле чечип берип койгон.
Казактарга жер берүү азыркы күндөрү да уланып, Курманбек Бакиев бийлик башында турганда Ысык-Көлдөгү 4 пансионат жана Каркыра жайлоосундагы 630 гектар жерибизден кол жууганбыз. Элдин "жер саткан оңбойт" дегени бекер эмес экен. Бакиев да жер саткан Акаевдин таз кейпин кийип, куйругун түйүп, өз элине батпай, өзгөдөн калканч издеп качууга мажбур болду.

ӨЗБЕКТЕРГЕ ӨТҮП КЕТКЕН ЖЕРЛЕР
Калк арасында Кыргызстанда Совет бийлигин орнотуу жана чыңдоо үчүн күрөшкөн саясий ишмер Абдыкадыр Орозбековду “кыргыз жерин саткан” деп күнөөлөгөндөр да жок эмес. Анткени Орозбеков Кыргыз АССР Борбордук аткаруу комитетинин төрагасы (1927-1937-жж.) болгонго чейин 1924-1925-жылдары Ош округдук революциялык комитеттин жер бөлүштүрүү бөлүмүнүн башчысы болуп иштеп турганда Шаймерден Өзбекстанга берилген.
Баткен облусунун аймагында пайда болгон Сох анклавы жөнүндө “өзбектердин партия лидерлеринин бирөөсү бул аймакты кыргыз кесиптешинен карта оюнуна мелдешип, утуп алган” деген имиш калк арасында али күнгө чейин дуу болуп жүрөт. Дал ушул анклавдан учурда кыргыз жарандары ары-бери өткөндө көптөгөн түйшүк тартып, көйгөйлөр жаралып жаткандыгы зээниңди кейитет. Мындан башка Хан-Абад шаары да өзбектерге берилип кеткен.
Өзбекстандын Кыргызстандын аймагында 4 анклавы бар. Мындан сырткары да жергиликтүү бийликтегилердин өзүм билемдигинен кошуна өлкөлөргө берип жиберилген жерлер да бар. Жогорку жана жергиликтүү жетекчилердин кыска ойлуулугунан жана өтө “берешендигинин” айынан өлкөбүздүн кооз аймактары коңшуларга берилип кеткен.
Кыргыз бийлиги чек ара маселесинде мажирөөлүк кылып, өзбек бийлигинин бир тараптуу жасап жаткан аракеттерине чара көрбөй, мурдагы жолдорду таштап, тоо аралата жаңы айлампа жолдорду сала баштаганы – талаш жерлерди талашуунун ордуна ал жерлерди таштай качканы эмеспи. Мындай айлампа жолдорго Жалал-Абад–Ош жолундагы Өзгөн аркылуу айланып өткөн жол, Ноокен районундагы Бүргөндү айылындагы жана Кербен–Ала-Бука жолдору күбө.

КЫТАЙЛАРГА ӨТҮП КЕТКЕН ЖЕРЛЕР
Аскар Акаев президент болуп турганда Үзөңгү-Кууш (болжол менен 90 миң гектар жайыт жер) да Кытайга берилип кеткен. Анын мындай кадамына каршы болушкан Азимбек Бекназаров сыяктуу саясатчылар куугунтукталды, Аксы окуясы да ушунун негизинде чыкты. Ошого карабай Акаев Кытайга кыргыздын жерин карматып жиберди. Анын бул “айкөлдүгү” акыры ажолук тактыдан кубаланышына түрткү болду.
Азимбек Бекназаровдун “Аксы ыйы – улут кайгысы” аттуу китебинде кыргыз жерлеринин кытайларга кеткени тууралуу далилдери менен жазылган:
“Кыргыз Республикасынын Президенти А.Акаев, анын М.Иманалиев, С.Аламанов жана башка кызматкерлеринин активдүү жардамы менен 1996-жылдын 4-июлунда кыргыз-кытай мамлекеттик чек арасы жөнүндөгү макулдашуунун натыйжасында Кыргызстан Хан-Теңири чокусунан, Эңилчек түбөлүк мөңгү массивинен, Жаңы-Жер аймагынан (Сары-Жаз дарыясынын жээктери), Боз-Айгыр–Ак-Жээктен (Какшаал дарыясынын жээги) жалпы аянты 358 миң 71 чарчы чакырым жеринен айрылганы аныкталды. Ал эми 1999-жылдын 26-августунда Үзөңгү-Кууш өрөөнүнө байланыштуу кошумча келишим А.Акаев менен Цзянь Цзэминь кол койгон бойдон гана жаткандыгы далилденди. Бийлик бул кошумча келишимди Жогорку Кеңешке алып келүүгө аргасыз болду.
Эң кызыгы, 1996-жылдагы кыргыз-кытай чек арасы боюнча келишим Жогорку Кеңештен кандайча өткөндүгү боюнча документ жок. Кытайга бардыгы болуп болжол менен 304 миң 900 чарчы чакырым кыргыздын жери өткөн. Мурда толугу менен кыргыздын жеринде жайгашкан Хан-Теңири чокусу эми Кытай, Казакстан, Кыргызстан – үч мамлекеттики болуп чек ара олуттуу өзгөрүлүп жатса да, Кыргыз Республикасынын Конституциясынын 65-беренесинин 6-пункту одоно түрдө бузулуп, эки палатада тең бир гана жолу каралып, депутаттардын жалпы санынын жөнөкөй көпчүлүгүнүн добушу менен ратификацияланган”.

УЧУРДАГЫ ТАЛАШ ЖЕРЛЕР
Кыргызстан Кытай жана Казакстан менен чек арасын толук тактап алган. Ал эми Кыргызстан менен Өзбекстандын чек арасынын узундугу 1378 чакырым болсо, анын ичинен 320 чакырымы толук тактала элек. Эки өлкөнүн чектеш аймактарында дээрлик элүүдөн ашык талаш жерлер бар. Сүйлөшүүлөрдүн токтоп калышына да ушул талаш жерлер боюнча пикир келишпестиктер себеп болгон. Кыргызстан менен Тажикстандын ортосундагы талаш жерлер да бүгүнкү күндө толук такталган эмес. Кыргыз-тажик чек арасынын узундугу 971 чакырым болсо, анын 471 чакырымы талаш жерлер деп эсептелет. Биздин билермандар бул жерлердин дагы канчасын коңшуларга сатып же белекке берип жиберер экен? Эл көтөрүлүп бир карыш да жер алдырбай сактап калууга чамасы жетер бекен?

ИМИШТЕРГЕ ДАЛИЛДЕР

  • Казакстандын Кордай районундагы Чумыш плотинасындагы бир эстеликте: “Бул жерди ата-бабаларыбыз кыргыздардан 40 жылкыга сатып алышкан”,- деген жазуу бар.
  • Шаймердендин Өзбекстанга берилишинин себеби, улуу акын Хамзанын сөөгү ошол жерге коюлган. Ошондуктан өзбектер Москвадан суранып отуруп ал жерди өздөрүнө чийдирип алышкан.

ЖЕР САТКАНГА МАКУЛ ЖАНА КАРШЫ БОЛГОНДОР
2002-жылы 10-майда Жогорку Кеңештин мыйзам чыгаруу палатасында Үзөңгү-Куушка байланыштуу маселе каралып, жыйынга 40 депутат катышкан. Үзөңгү-Кууштун Кытайга кетишине Ө.Текебаев менен А.Таштанбеков каршы добуш беришкен. Экөөсү калыс, калган 36 депутат макул деп добуш беришкен.
Макул деп добуш бергендердин белгилүүлөрү: К.Байболов, Т.Балтабаев, А.Жапаров, К.Карабеков, Х.Коркмазов, З.Курманов, К.Осмонов, Т.Сариев, Т.Сарпашев, Т.Усубалиев, С.Чырмашев, А.Шадиев, А.Эркебаев жана башкалар.
2008-жылы 11-апрелде Каркыра жайлоосун жана 4 пансионатты 4-чакырылыштын депутаттары ратификациялап берген. Ошол убакта парламенттеги көпчүлүктү “Ак жол” партиясы түзгөн. Ал эми А.Мадумаров спикер болчу.
Ал убакка чейин анчалык белгилүү боло элек Азимбек Бекназаров Үзөңгү-Кууштун сатылышына каршы чыгып, анысы үчүн куугунтукталгандыктан, Аксы эли аны жапырт колдоп беришкен. А.Бекназаровдун саясий карьерасы ушинтип башталган десек болчудай.

Нурбек Абдыкадыров, Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(19)
01.08.2011. 12:14 
Тайпасы:
Кыймылы жок
Комментарийлердин саны:
240
Катталган:
26-05-2011
Соӊку аракети:
20-06-2013 14:07
Жынысы:
Белгисиз
0
Макул деп добуш бергендердин белгилүүлөрү: К.Байболов, Т.Балтабаев, А.Жапаров, К.Карабеков, Х.Коркмазов, З.Курманов, К.Осмонов, Т.Сариев, Т.Сарпашев, Т.Усубалиев, С.Чырмашев, А.Шадиев, А.Эркебаев. Ушулар онбосун мекеним Кыргызстандын бир бурчун кармата беришсе башка олкого.
01.08.2011. 15:07 
Тайпасы:
Кыймылы жок
Комментарийлердин саны:
7
Катталган:
11-10-2010
Соӊку аракети:
21-07-2014 04:29
Жынысы:
Белгисиз
0
Ушул саясатчыларды кандай соз менен согоор "Соз жок да"
01.08.2011. 15:07 
Тайпасы:
Кыймылы жок
Комментарийлердин саны:
7
Катталган:
11-10-2010
Соӊку аракети:
21-07-2014 04:29
Жынысы:
Белгисиз
0
Ш..............р!!!
01.08.2011. 16:30 
Тайпасы:
Жаран
Комментарийлердин саны:
109
Катталган:
22-07-2011
Соӊку аракети:
16-08-2018 18:41
Жынысы:
Белгисиз
Калаасы:
Россия,Екатеринбург
0
Uluu urmattuu "Ak uy"dogu chinovnikter!Bul maselelerdi aldun ala chechkilechi?!"Baluk bashunan sasuyt" degendey kulbagulachu,suranuch!Biz ozu alakanday olkobuz!
01.08.2011. 17:25 
Тайпасы:
Кыймылы жок
Комментарийлердин саны:
28
Катталган:
18-05-2011
Соӊку аракети:
21-03-2014 22:56
Жынысы:
Белгисиз
Калаасы:
Камп Ноу
0
мляя тиги суротко соз жок, коруп алып жыргап кулдум))
01.08.2011. 19:40 
Тайпасы:
Кыймылы жок
Комментарийлердин саны:
21
Катталган:
29-06-2011
Соӊку аракети:
09-07-2012 15:11
Жынысы:
Белгисиз
0
лох болсо емне кылсын...бакев акчага сатып жиберди...акаевтен айласыздан саты деп ойлоймун..егер кыргыздын тарыхы качан толук болуп далилденип калса ошогодагы рахмат айтып естеп журом...кыргызстан качан бардигине дайар болгондо гана согуш кылып албаса а так ечким бербейт..не дегенде кыргызстанды орто азия бойунча ечким корпойт....тажиктерден жерди алал багандан кийн.еми ойлонуп коргуло биздин чиновниктер кандай лох екендиги ...кыргызстандан ким чыксадагы елди ечкачан ойлобойт ону тарих кубо!!!!
01.08.2011. 19:52 
Тайпасы:
Кыймылы жок
Комментарийлердин саны:
21
Катталган:
29-06-2011
Соӊку аракети:
09-07-2012 15:11
Жынысы:
Белгисиз
0
биримдиги жок ел еч качан бир мемелекет боло албайт...негизи бизге.некерек? бизге иман менен акыл жана ен башысы биримдик керек биримдик....манас,курманбек ж.б.кандайча алар батыр болду ?
01.08.2011. 20:30 
Тайпасы:
Кыймылы жок
Комментарийлердин саны:
1
Катталган:
24-07-2011
Соӊку аракети:
29-03-2013 22:29
Жынысы:
Белгисиз
0
Макул дегендердин баары озунун мекенин эч качан ойлобогон ач коз борулор. Алар озунун Бочка курсактарын ойлоп башка канчалаган карапайым элдин кыйналганын билишпеген Эшектер
02.08.2011. 09:08 
Тайпасы:
Жаран
Комментарийлердин саны:
25
Катталган:
08-11-2010
Соӊку аракети:
16-11-2018 13:56
Жынысы:
Белгисиз
Калаасы:
Кыргызстан
0
Азимбек Бекназаров эркек.
02.08.2011. 14:08 
Тайпасы:
Кыймылы жок
Комментарийлердин саны:
20
Катталган:
28-05-2011
Соӊку аракети:
25-04-2014 15:45
Жынысы:
Белгисиз
Калаасы:
Россия,Южно-Сахалинск
0
Акаев мн Бакиев онбосун!жерин саткан,элин тентиткен каргыш тийгирлер!соогунор чет жерде калса экен!алтындай жерлер сатылган кантип чыдадынар экен!
02.08.2011. 14:33 
Тайпасы:
Кыймылы жок
Комментарийлердин саны:
6
Катталган:
28-09-2010
Соӊку аракети:
14-05-2012 16:36
Жынысы:
Белгисиз
0
Нурбек Абдыкадыров, Асхат Субанбеков сиздер элдин башын айлантырып Текебаев каршы добуш берген деп аны актабагылы! эгерде Текебаев ошол куну калган депутаттарга окшош Парламенттен чыгып кеткенде кворум болбой бул маселе отбой калмак, ал нерсени Текебаев билип туруп атайлап каршы деген добуш берген кворум тузуп бериш учун! бул жерде макул же каршы дегендин баары кыргыз элинин душмандары! Калган кворум болбосун деп чыгып кеткен депутаттар алар элибиздин патриоттору!
02.08.2011. 18:26 
Тайпасы:
Жаран
Комментарийлердин саны:
2
Катталган:
28-07-2011
Соӊку аракети:
30-09-2018 09:08
Жынысы:
Белгисиз
0
макул деп. Бакиевтин созун коштогондор жакында эл бачы болом деп журот. Бул депутаттар бири эл башчы болсо. Булар дагы жерди сатып качат. Кыргыздын эл башчыларына олум! Булар элди ойлобойт. Бирин бирин чукуса болду булар. Бирине суроо берсен бирин жамандайт. Бирок созу бир булардын. Эки жуздуу, уурулар, саткындар.
03.08.2011. 00:00 
Тайпасы:
Жаран
Комментарийлердин саны:
47
Катталган:
23-03-2007
Соӊку аракети:
02-08-2018 04:21
Жынысы:
Белгисиз
Калаасы:
Москва
0
Ошол жерлердин сатылышына катыштыгы бар бардык адамдар силерге кааларыбыз: узаак-узаак жашагыла бирок омурунордун акыркы мин. чейин грамм дагы жакшылык корбогуло, Аллахтын астына барганда силерге ээээээн катууу деген жазаларынан берсин Ошол жерлердин сатылышына катыштыгы бар бардык адамдар силерге кааларыбыз: узаак-узаак жашагыла бирок омурунордун акыркы мин. чейин грамм дагы жакшылык корбогуло, Аллахтын астына барганда силерге ээээээн катууу деген жазаларынан берсин
04.08.2011. 02:13 
Тайпасы:
Кыймылы жок
Комментарийлердин саны:
6
Катталган:
09-07-2011
Соӊку аракети:
29-12-2011 21:28
Жынысы:
Белгисиз
Калаасы:
germaniya
0
bilbeym emne dep aytiwti, 4in ele sogo turgangga soz jok, onboy kaliwsin, tukumu menen, baldari, nebereleri owolordun kg ge batpay kelsin, anday adamdardi jestka nakazat nada. ketiriw kerek anday adamdardi, bejensi kilip.
04.08.2011. 09:47 
Тайпасы:
Кыймылы жок
Комментарийлердин саны:
46
Катталган:
28-07-2011
Соӊку аракети:
20-04-2016 23:58
Жынысы:
Белгисиз
Калаасы:
BIWKEK
0
kazaktar, tokmok taraptagy 4ek ara zymdaryn jyldyryp algan dep uktum ele. 7 aprelden kiin. Bilgender bar beken? Joop jazyp koisonor...
04.08.2011. 13:31 
Тайпасы:
Жаран
Комментарийлердин саны:
2
Катталган:
03-12-2007
Соӊку аракети:
07-03-2018 16:59
Жынысы:
Белгисиз
Калаасы:
Бишкек шаары
0
Бизде азыр элин суйгон жерин суйгон чиновниктер жок болуп жатат, бийликке келсе эле басып алмай, тартып алмай, жеп алмай, кудайдан коркпогондор экен. Бизге ыймандуу, элин жерин сатпаган, Манастын руху менен чонойгон, элин жерин ойлогон, кыргызды которгон башчы келсе деп тилеймин. Кыргыздын ата бабаларыбыз жанын берип, канын берген бир чарчы жер сатылбашы керек. Саткандар бир куну болбосо бир куну жазасын алышат
04.08.2011. 16:09 
Тайпасы:
Кыймылы жок
Комментарийлердин саны:
45
Катталган:
30-03-2011
Соӊку аракети:
26-09-2013 19:45
Жынысы:
Белгисиз
Калаасы:
Бишкек
0
Жерин саткандардын бала-чакалары бактысыз болуп, тукуму курут болсун! Элге батпай, жерге батпай, ата-бабамдын арбагы уруп кетсин!
07.08.2011. 04:16 
Тайпасы:
Кыймылы жок
Комментарийлердин саны:
172
Катталган:
12-01-2011
Соӊку аракети:
29-08-2012 02:21
Жынысы:
Белгисиз
Калаасы:
Москва
0
каргыштарды угуп алып тобо чачым тик турду.Кандай ойлойсунар ушул комменттерди алар окушаар бекен,а эгер окуп калса аз да болсо ой кетээр бекен?
07.08.2011. 17:24 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
Çındıgında abdan keıştuuu alakandaı jerıbız kertılıp oturup jok kalbasa eken...duyNodo Mıllıondogon el jerı jok tentıp jurgondoru kança...kudayım ıyman ınsap bersın!!!Elde brımdık jana ıdeologıya boluşu zaryl...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: