Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЦИРК ХАНБИЙКЕЛЕРИ

№309 3-9-октябрь, 2008-ж.


“Жигитовканын” жигиттеринин ырымдарынан:
Циркте оюн тууралуу эч качан “акыркы” деген сөз айтылбайт.
Эл алдына чыгарда эч ким жуунбайт. “Топтогон энергия жуулуп кетет” деген түшүнүк бар.
Семичке чагышпайт. Бул жаман жөрөлгө. “Энергияңды ашыкча жумшап салуу” дегенди түшүндүрөт.
“Жигитовка” башталганда биринчи чыккан ат манежде заңдап койсо, жакшы жөрөлгөнүн белгиси.
“Жигитовка” ээ болгон сыйлыктар:
Францияда – “Хрусталь манежи”;
Италияда – “Алтын Цирк”;
Кытайда – “Искусство күнү” фетсивалдарынын жеңүүчүсү.

“Беш жигитим, беш атым, эки кызым бар”
Мынакей, катар чуркаган аттардын үстүнөн тикесинен туруп чаап, улам бир атка секирип, анан бири-биринин ийинине чыгып улам бир фигураны көрсөтүп, чуркап бараткан аттардын тулку боюнан айланышкандар. Жибек көйнөктөрүн желбиреткен кыздардын жигиттерден кем калышпай тыйын эңип, кыргыздын илгертен келе жаткан оюндарын жаңы мотив менен аткаргандарын көрүү кандай укмуш!
Мындай программаны ат өнөрпоздору “жигитовка” деп атап алышкан. Кыргыз циркинин оюндарына келген адамдардын эсинде ириде ушул номерлер сакталып калчудай. Көрүүчүлөрдүн арасынан акырын суурулуп чыгып арена артына өтүп, эр жүрөк бул өнөрпоздорду таап, башын бириктирип жүргөн Алмазбек Раимкуловду кепке тарттык.
– Алмаз байке, ысымыңыз атактуу мушкерибиздикиндей экен...
– Ооба. Цирктен жакшы кабары жок адамдар атымды биринчи укканда Америкадагы мушкерибизди элестетип алышат экен. Мындай окуяларды мушкерибиз белгилүү боло баштагандан бери көп угуп калам.
– Сөздү «цирк сиз үчүн эмне?» деген суроодон баштагым келип турат...
– Цирк – менин бүтүндөй жашоом. Баарынан кымбат нерсем.
– Канча жашыңыздан бери цирк менен жуурулушуп келе жатасыз?
– 18 жашымдан баштап.
– Ат оюндарын тандап алганыңыз деле бекеринен болбосо керек...
– Кыргыз уулу илгертен эли-жери менен катар эле жылкыны сыйлап, таптап минген. Андыктан, бул өнөр ата-бабабыздан кандан-канга өткөн нерсе. Мен, ошондуктан, кыргыздын бир элементи болгон ат оюндары сөзсүз кыргыз циркинде болуш керек деген максатта ат оюндарын тандап алганмын.
– Оюнга ылайык жылкыны тандоо да оңой болбосо керек. Чет жерлердин асыл тукум аттарынан да алып келесиздерби?
– Чет жерден алып келгенге, оо, көп акча керек. Кыргыз жылкыларынан өтөрү жок. Биздин эле жайлоолордун шибер чөбүн жеген аттардан тандап алабыз. Анан бул жерге келгенде кант, момпосуй, шоколадга көндүрөбүз. Башкача айтканда, жакшы чуркап беришсе шоколад берип эркелетип, көңүлүн алабыз.
– Кокустук айтып келбейт эмеспи. Мындай учурларга карай жигиттерге алдын-ала камсыздандыруу барбы?
– Мамлекет тарабынан эч кандай алдын-ала камсыздандыруу каралган эмес. Кудай кырсыктын бетин ары кылсын. Бирок, жигиттеримдин коопсуздугун өз мойнума алгам.
– Чет өлкөлөрдө да камсыздандыруу жокпу?
– Кайсы бир мамлекетке оюн коюп барарда келишим түзөбүз. Келишимде камсыздандыруу тууралуу да бөлүм бар. Бул бөлүмгө жакшы эле сумма бөлүнөт.
– Бир көргөзгөн номериңер канча убакыт даярдалат?
– 2-3 айдан 2-3 жылга чейин.
– Билишибизче, “жигитовкага” жеке гана балдарды даярдабастан, жакында эки кыз кошуптурсуз...
– Ооба, жүрөктүү эки кызды кошком. “Алар жөнүндө мен айткандан көрө, өзүлөрү жооп беришсин” деген Алмаз байке бизди жаңы эле оюн көрсөтүп келип беттери албыра туруп калган кыздын жанына ээрчитип барды. Алгачкы маектешибиз Светлана болду.
“Колум жигиттердикиндей катуу”
– Өзүң кыргыздын эле кызы экенсиң. Света цирк аренасындагы атыңбы?
– Светлана деп апам коюптур. Жакындарына жарык чачкан кыз болсун деп.
– Жакшы. Света, “жигитовка” эркектер аткаруучу опурталдуу ат оюну экен. А сен Кыргызстанда бул өнөрдү аркалаган жалгыз кыргыз кызы экенсиң. Мындай оюнду кандайча тандап калдың? Ата-энең тараптан каршылыктар болгон жокпу?
– Баары эле таң калышат. 4 жашымдан 18 жашыма чейин балет жаатында билим алдым. Азыр 20 жаштамын. Балериналар катардагы кыздардан назик келишет эмеспи. Мен да тал чыбыктай ийиле бийлеп жүрүп эле капысынан циркке кетип, андан да жигиттерге ылайык “жигитовканы” тандап алдым. Ата-энем менин каалоомду толук колдошту, айрыкча апам.
Менимче, бул – тагдырдын мага деген белеги. Менин жылкы жаныбарын абдан жакшы көрүшүм да кошумча болду окшойт.
– Жигитиң кызганбайбы?
– Жигитим жок, бирок, күйөрмандарым көп.
– Жигиттер менен теңтайлашуу оор болсо керек?
– Биринчи келгенде чынында эле коркком. Бирок, Алмаз агайдын жардамы менен баарын жеңип чыктым. Үч айдын ичинде ийгиликке жетиштим десем болот. Ушул жылдын 31-августунда биринчи жолу эл алдында өнөрүмдү тартууладым. Бул өнөрдү өздөштүрүп кетүүгө денемдин ийилчээктиги жардам берди.
– Назик балеринага ат үстүндө шамал менен жарышып, кайыштан жасалган катуу ооздукту кармап, атты башкаруу бир топ оор болсо керек...
– Жаңы келгенде колум, бутум жооруп жүрдү. Колум менен бир нерсени кармай албай бинт менен таңып жүргөн күндөрүм да болду. Үч айдын ичинде 7 кол кремин түгөттүм. Канчалык кремди шыбасам деле колдорум катуу болуп калды. Меники да жумшагыраак. Биздин жигиттерибиздики тим эле темирдей.
– Жыгылып бир жеримди майып кылып алам деп коркпойсуңбу?
– Циркте иштөө, албетте, өтө коркунучтуу, бирок, Кудайым колдойт. Экинчи жолу эл алдына жаңы эле атка минип, манежге чыгарымда буттарым түйүлүп калса болобу. Номерди аткара албай калат экем деп ошондо коркуп ыйлагам.
– Эл алдына чыгарда толкундооңду кантип басасың?
– Чыгарда Кудайга жалынам. Мен эмес циркте иштегендердин баарынын салты ушул. Ал эми көшөгөнүн артына кирерим менен “Сникерс” жейм да, өзүмө келип отуруп калам.
Аңгыча Светанын шериктеш кызы келип калды.
“Кыргыз жигити үчүн кыргыз циркин тандадым”
Өзүн Виктория деп тааныштырган бул кыз москвалык экен. Кызыгы, ал да балерина болуп чыкты. Виктория Англияда иштеп жүргөн кезинде кыргыз циркине барып, “жигитовкадагы” Данияр аттуу жигитти жактырып калган экен.
– Демек, цирктеги кыргыз жигитин жактырып калганың үчүн өз кесибиңден баш тартып “атчандарга” келип ко­шулгансың, туурабы?
– Мен сүйгөнүм Даниярды Англиядан таптым. Анда театрда иштечүмүн. Ат жалында шукшурулган Даниярдан көзүмдү ала албай көргөм. Оюн бүткөн соң аны менен таанышпай кетип кала алган жокмун. Ошентип, табышып калдык.
– Балеттен “жигитовкага “ өтүп калышыңа Данияр себепкер болдубу же кыргыз цирки жакшы төлөп берет бекен?
– Мен Данияр үчүн балериналык карьерамды таштадым. Албетте, Москвада көп алчумун. Бирок, мен үчүн азыр кыргыз жери, анан кыргыз жигити Данияр кымбат.
– Кыргыз циркинде иштеп калганыңа канча болду? Эмне ийгиликтерди жарата алдың?
– Үч эле ай болду. “Аракет кылсаң, берекет” дегендей ушул кыска мөөнөттө “жигитовканы” аткарган жигиттердей болуп эл алдына чыга баштаганым – мен үчүн чоң ийгилик.
– Кыргыз циркинин эмне кемчилигин көрө алдың?
– Бул жерде ыңгайсыздыктар көп. Мисалы, кийинүүчү жайда шарттар түзүлсө жакшы болмок. Эмеректердин эскилиги жеткен. Ошентсе да, кыргыз циркинде иштегендердин аракетчилдигине тан бердим. “Жок” деп кол куушуруп отургандар жокко эсе экен. Кыргыз жери да жакты. Өмүрүмдүн аягына чейин бул жерде калууну чечтим.
Биздин кызуу маегибизге “кыздар, даярдангыла, силер чыгасыңар” деген чакыруу чекит койду.
“Миң уккандан бир көргөн” дегендей, “жигитовка” ат оюндарына өзүңөр күбө болсоңор арманда калбайт элеңер. Кээ бир трюктар адамдын жүрөк үшүн алып селт эттирсе, кээ бирлерине көздү жумуп жиберип да жаттык. Ал эми цирк ханбийкелери чыкканда көрүүчүлөр бир нерседен корккондой дымый түшүп жатышты. Качан кыздар ийилчээк колдорун көтөрүп «колдогонуңарга ыраазыбыз» деген белги беришкенде ышкырык, кол чабуулар залды жарып кетип жатты. Элге кошула биз да «Баракелде! Кыргызымдын жигиттери, жигит сымал эр жүрөк бийкечтери!» деп кыйкырып жаттык.

Даярдаган Бахияна Сатылганова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: