Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№457 5-11-август, 2011-жыл


(Башы өткөн сандарыбызда)

– Чындап эле, аркабыздан шайтан кууп келе жаткандай болгон. Диско-бардан чыкканда дароо аркабыздан чыккан машинаны байкабадыңбы? Ахунбаевден араң куйрук үзүп кеттим.
– А-а, ал ким эле?
– Табышмак, биздин столго роза букетин жибериптир. Анын ичинде бул бар экен,- деди колундагы баракчаны сунуп.
Алина оозунан сөзү түшүп, отуруп калды.
– Эй, бул ким деп ойлойсуң?
– Билбейм.
Бегимайдын жүзү ойлуу эле. Өзүн түйшөлтүп турган нерсени айткысы келген жок. Бирок Алина анын жайына койбой сурап баштады. Акыры өз божомолун айтышка туура келди.
– Билесиңби, биз акыркы жолу көлгө эс алууга баргандачы...
– Ии?
– Аскат каза болор күнүбү, же балким, андан мурунбу, айтор, Аскат заказ кылдыбы деп ойлогом. Анда “Туулган күнүң менен!” деген жазуудан башка эч нерсе жок болчу. Аскаттан “сен жибердиңби?” деп сурайм деп жатып эсимден чыгып кетиптир. Анан азыр дал ошондой роза... Негедир, мен Аскат деп эле ойлогом. Бирок азыр ал эмес экен деп ойлоп отурам. Анткени Аскат мага роза берчү эмес. Ал мага дайым лилия гүлүн берчү.
– Коркутпачы...
Алинанын көздөрү алайып коркуп кетти. Аны жоошутуп, үйүнө алып барып таштады да, кайра өзүнүн үйүнө сапар тартты. Акырын бөлмөсүнө кирген Бегимай жуунуп, жатууга кам урду. Бирок такыр уйкусу келген жок. Айланып келип эле баягы роза элестей берди. “Ким болушу мүмкүн? Өзүнчө эле мистика го. А балким, чын эле Аскаттын өлүмүнө бул гүл жиберген адамдын тиешеси бардыр... Каап, качып кетпей эле андан ары эмне болот деп күтсөм болмок экен. Катуу коркуп кетпедимби, аркамдан кубалаганда да жаным оозума тыгылып, эх, коркок десе” деп алды өзүнө-өзү кыжырланып.
Дайыма кучактап жатчу оюнчук коёнекти кучагына кысты. Бул дагы Аскаттын белеги эле. Коёнун кучактаган Бегимайдын кирпиктери чапталышып, уйкуга баш коюп бара жатты.

ххх

Ушул эле түнү Бишкек шаарынын экинчи бурчунда жаш аял махабатка мас болуп жаткан. Жаш жигиттин булчуңдуу денесине суктана тигилип, жалындуу сөздөрдү айткан ал ушул тапта бар дүйнөнү унутуп турган эле. Бул Аскардын көрөр көзү Аида болчу. Жаш, ар дайым эл көзүндө болууга көнүп калган бул айымдын кийинки учурдагы болгон эрмеги эркектер болуп калган. Кезектеги курмандыгы Эмил эле. Көп учурда алар мейманканага келишчү. Эч кимге бул сырды чыгарбаш үчүн мейманкананын кызматкерлерине Аида акча берип койгон. Кумар оюнунан чарчаган экөө энтиге дем алып жатып калышты.
– Эми качан жолугабыз?- деди бир кезде Аида жигиттин көзүнө тигиле. Эмил үн каткан жок. Тартып жаткан чылымынын күлүн тиктеп ойлуу.
– Эмил...
– Айта албайм. Ансыз да көп жолукчу болдук. Башында бир айда бир эле жолукчу элек, эми жума сайын чала баштадың.
Эмил, чындыгында, нааразы болчу. Чын эле, бул айымдан тажап, кыска юбка кийген катчысынан көзү өтүп жүргөн.
– Кааласам, күндө чалам,- деп кекээр күлгөн Аида менменсине карады.
Азыр эле мээрим менен тигилип турган аялдын көздөрүнөн жалын жарк этти. Эмил жактырбай башын буруп кетти.
– Биздин маселе тереңдеп бара жатат. Күйөөң бул тууралуу билип калса, экөөбүздүн башыбыздан сылап койбосун билесиңби? Деги эле Аскар деген балээнин куйругун баскым келбейт.
– Эмне, артка кайткың келип турабы? Эсиңде болсун, сени кыйнабайм. Бирок менин акчаларымсыз кантип жашаар экенсиң?! Бул сигаретиң эле канча сом турат?
Күлүп турганы менен, кареги муздак тигилген Аидадан тиги байкуш коркуп да кетти.
– Мен антип деле айтайын деген эмесмин. Болгону...
– Корком дечи.
– Чынын айтыш керек. Күйөөңдөн өтө корком. Мен анын жанында киммин? Бир чымынмын да. Ушалап салыш – бир мүнөттүк иш.
Аида ойлонуп калды. Чын эле, Аскардын каарынан элдин баары коркот. Аскаттын өлүмүнөн кийин эки эсе каардуу болуп, кээде жан кечтилик кылып жиберчү болду. Бардыгынан жаманы, өзүнө таптакыр көңүл бурбай калды. Башка аялдарга барып жүрөбү деп ойлосо, түнү менен кабинетинде эле отурат. Бирок мурункудай баалуу белектерди алып бериш бул жакта турсун, жылуу сөз айтып койгонго жарабай калды.
– Баса, бүгүн кантип үйдөн чыгып кеттиң?- деди эркеги чыканактай үнсүз жаткан келинге тигилип.
– Анын мени менен көп деле иши болбой калган.
– Бекер эле ошентип ойлоп жатасың. Ал оңой эмес. Артыңдан бирөөнү шилтеп койгон болушу мүмкүн.
– Болдучу эми, наалый бербей. Эгерде билип калса, ал – менин маселем. Сен ага башыңды оорутпай эле кой.
– Ачууң мурдуңдун учунда, ээ?..
– Сага таң калам. Сенде өң десе өң, келбет десе келбет, кызмат десе кызмат бар. Ошол карыган чалдан эмне коркосуң? Деги эле эзилген адамдар жакпайт. Өзгөчө эркектин эзилгенин, коркуп алды-артына кылчактаганын жактырбайм. Башында сен элден башкача көрүнгөнсүң. Азыр карап турсам, кадимки эркектерден айырмаң деле жок окшойт.
– Оппа, биздин айым таза ачууланып алды го,- деп калды жайгармакка калп күлгөн Эмил. Аида кызууланып кетти.
– Мени Аскардан коркпойт дейсиңби? Корком. Бирок маа десе алтын торлуу капас койсо да, каалаганда айласын таап чыгып кетем.
Эмил келинди кучактап, өзүнө тарта берди. Сунала бой таштаган Аида башка дүйнөнү унута карылуу жигиттин кучагында магдырай берди. Бир аз убакытка болсо да жашоонун балын таткысы келип жатты.
Аида... Бул аял көптөр үчүн ачылгыс табышмак болчу. Чындыгында, ал бир гана сулуулугунун аркасынан көп нерсеге жеткен эле. Алгач сахнага чыгып жүргөндө бир адам ага “муздак жүрөгүң эч кимге эрибесе керек” деген. Негедир ошол сөз Аиданын жадында көпкө сакталып калыптыр. А балким, мындай болуп калганына өзү деле күнөөкөр эместир.
Аида кичине кезинде кароосуз чоңойду. Анын курсагы токпу, эртең эмне жейт, кийими бүтүнбү же жыртыкпы, эч кимдин башы ооручу эмес. Анын апасы каза болуп калган экен. Ал эми атасынын арак менен достошуп кеткенине көп болгон. Эс тартканы атасынын аракечтигинен жапа чекти. Үйүндө жалаң аракечтер байырлап, атасы көчөдөгү селсаякка айланган. Аиданын эсинде атасы менен келген эркектер көп калды. Алардан өтө коркчу. “Ата, турчу! Ата, мен коркуп жатам” деп атасынын башын кучактап отурган наристе кызды ошол учурда мас эркектердин эч кимиси деле элес албаса керек. Ал эми байкагандар аны шилиден алып “кыңылдаган күчүктөй болуп жаагы басылбайт экен” деп сыртка кубалап жиберишчү. Аиданын балалыгы ошентип өттү. Балким, бул жагдай аны эч кимге жан дүйнөсүн ачпаган, муздак, кырс адамга айланткандыр. Атасынан эч кандай коргоо болбосун түшүнгөн соң анда өзүн-өзү коргоо инстинк гана күч алды. Мээримдүүлүк, камкордук, руханий байлык деген нерседен куру жалак калган ал бул дүйнөдө баарын акча менен гана баалачу.
Өзүнөн эки эсе улуу Аскарга тийгенинин себеби да ошондон эле. Алгач Аскар анын сулуулугуна, жаштыгына кызыгып, башы тумандап калган. Шашылыш үйлөнүү тою болуп, жапжаш кыз анын аялы болуп калды. Бардык эле эркектердей Аскар үйдөгү тынчтыкты, камкордукту каалаган. Бирок аялы ал талап кылган бир да нерсени бере албасын түшүндү. Ошондо гана бармагын катуу тиштеген. Аиданын катып калган сезимдерин ойготуу үчүн да көп аракет кылды. Китептерди сатып берип, психологдорго чейин алып барды. Натыйжа чыкпаган соң аргасыз жайына койгон. Аида башында бул нерселерди камкордук катары көрсө, кийин булардан тажай баштады. Күйөөсүнүн өтө акылдуу, дүйнө таанымы кең адам экени башында таң калтырса, кийин кыжырланта баштады. Анткени бул нерсе экөөнүн ортосунда өтө алгыс дубал эле.
Ошентип, жаткан төшөгү бир, ичкен тамагы бир болгону менен, жан дүйнөсү, түшүнүгү, ааламы эки башка адам аргасыз чогуу жашап жүрүштү. Күйөөсүнүн көңүл борборунан акырын сүрүлө баштаганын сезген Аида башкалар менен көңүл ача баштады. Башында жөн гана өч алуу үчүн бул кадамга барган. Кийин кадимкидей ооруга айланып, жаш жигиттерди кайырмагына илмейинче жашай албай калган.

(Уландысы кийинки саныбызда)

Жолдошбек Кудайбергенов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(3)
08.08.2011. 12:00 
Тайпасы:
Кыймылы жок
Комментарийлердин саны:
23
Катталган:
24-07-2011
Соӊку аракети:
16-05-2015 00:11
Жынысы:
Белгисиз
Калаасы:
Екатеринбург
0
Kiziksiz, Aidanin omur ba9ni menen ele butup kaldi? Askattin olumuno Aida da aralawkan okwoyt...Kiziksiz, Aidanin omur ba9ni menen ele butup kaldi? Askattin olumuno Aida da aralawkan okwoyt...
08.08.2011. 17:41 
Тайпасы:
Кыймылы жок
Комментарийлердин саны:
8
Катталган:
05-06-2011
Соӊку аракети:
10-09-2011 14:19
Жынысы:
Белгисиз
0
Даа Аида иштин баарын кашага айладырат олшойт
09.08.2011. 09:51 
Тайпасы:
Жаран
Комментарийлердин саны:
36
Катталган:
14-06-2011
Соӊку аракети:
29-03-2018 09:49
Жынысы:
Белгисиз
Калаасы:
Жер шаары
0
Бейтааныш караан!Роза гулу!Кат!Аида!-али ачыла элек сыр.Бема азамат,аябай зээндуу,акылдуу кыз! Бейтааныш караан!Роза гулу!Кат!Аида!-али ачыла элек сыр.Бема азамат,аябай зээндуу,акылдуу кыз!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: