Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ӨЛӨРҮҢӨ ҮЧ КҮН КАЛДЫ» ДЕГЕН ДИАГНОЗГО ИШЕНБЕҢИЗ!

№310 10-17-октябрь, 2008ж


Атайын торго түшүүнү чечтик
“Алло, саламатсыздар. Редакциябы? Мен сиздерге бир маселеден улам кайрылып жатам. Ооруган жеримди текшертейин деп республикалык диагностикалык борборду көздөй баргам. Диагностикага жакын жерде үймөлөктөшкөн адамдардын бири текшерилгени келгенимди угуп: “Бул жакта кечке зарыгып кезек күтөсүз. Андан көрө биздин диагностикалык борборго барсаңыз бир сааттын ичинде бүткүл организмиңизди текшерип, диагноз коюп, дары чөптөрдү беребиз. Химикаттарга караганда чөптөр менен дарылануу организмге кыйла пайдалуу”, - деп мага уйгактай жабышып алды. Ал кишини ээрчип, айткан жерине барып текшерилген соң диагнозду көрүп эстен тана сактадым. Көрсө, менин оорубаган жерим жок экен. Врач мени сооротуп: “Мына бул чөптөрдүн аралашмасын ичсеңиз баланча, түкүнчө оорулардан айыгасыз”, - деп шыпылдай дарыларын бере салды. Ошентип, доктурга көрүнөйүн деп эптеп чогулткан акчамдын баарын коротуп келе бергем. Ал дарылары таасир деле бербеди. Баягы ооруган жерлерим күчөгөнү болбосо, айыккандай түрү жок. Алардын калп эле элди алдап акча таап жүргөндөрүн эми угуп отурам. Ошолорду өзүңөр карап чыгып жазсаңар, мага окшогон карапайым адамдарды андай алдамчылардын торунан сактап калган болор элеңер”.
Бул эже өңдүүлөр редакцияга далай ирет телефон чалышып, кат жазышып, өзүлөрү келип кайрылышып, айтор, карапайым элди алдап акча жасагандар тууралуу жазуубузду өтүнүп келишет. Эженин кейиштүү окуясынан улам биз журналисттик иликтөө жүргүзүп көрүүнү чечтик. Иликтөөгө республикалык диагностикалык борбордун тажрыйбалуу врачтарынын жардамы тийди. Даярданып барып, диагностикалык борбордун жанында “бир саатта диагноз коюп беребиз” дегендердин торуна атайын илинип көрдүк. Жыйынтыгы төмөндөгүчө...
«Бир сааттын ичинде 18 органыңызга диагноз коюп беребиз»
Таң эрте диагностикалык борбордун жанынан бир байке жолумдан тосту.
– Чоң кыз, диагностикалык борборго бара жатасыңбы?
– Ооба.
– Мен сизге тамырдын кагышы аркылуу компьютердик диагностикага текшерилүүнү сунуш кылат элем. Сиз бир сааттын ичинде тамырыңыздын кагышы аркылуу башыңыздан баштап бутуңуздун тырмагына чейин бүтүндөй органыңызды текшерүүдөн өткөрөсүз. Жалпы организмиңизде кандай оорулар бар экенин жана алардын себебин таап, толук диагноз коюп беребиз.
– Сиз ал жерде ким болуп иштейсиз?
– Консультант. Атым Жумгалбек М.
– Сиз айтып жаткан борбор республикалык диагностикалык борбордон эмнеси менен айрымаланат?
Бизде ыңгайлуу шарттар көп:
биринчиден, биздин компьютердик диагностика Орусиянын сапаттуу аппараты менен иштейт. Ошондой эле Орусиядан алынып келген чөптөн жасалган дарылар (БАД) берилет. Мындай дарылар бизде гана бар, башка дарыканаларда сатылбайт.
Экинчиден, бизден бүтүндөй ор­га­низ­миңизди 1000 сомго гана текшерте аласыз. Ал эми республикалык диагностикалык борбордо бир органды текшертүү үчүн эле 500 сомго чейин акча коротосуз. Ал оорунун себептери кайдан келип чыкканын билбей эле сизге антибиотиктерди жазып берип коюшат. Алар химикаттар да. Ар бир орган бири-бири менен тыгыз байланышта болот. Оорунун себебин билиш үчүн толук текшерүүдөн өтүү керек.
Үчүнчүдөн, УЗИге тү­шүп ашыкча зыяндуу нурларга кабыласыз. А бизде ансыз эле текшерүүдөн өтсөңүз болот.
Төртүнчү дагы бир артыкчылыгыбыз, ал жерден кечке зарыга кезек күтөсүз. А мен сизди алып барып, доктур менен сүйлөшүп киргизип коём. Жүрүңүз, мен сизди такси менен бекер эле жеткирип коём.
– Чын элеби?
– Ооба.
– Анда жүрүңүз, кеттик. «Дени соо адамга 5505 сомдук дарыларды жазып беришти»
Мен журналист экендигимди айткан жокмун. Бекер таксиге түшүп, айтылуу медициналык борборго жөнөдүк. Жеткенче Жумгал байке иштеген жерин болушунча мактап барды. Орусиялык медициналык борбор десе мен укмуштуудай элестеткен элем. Машинадан түшүп, кадимки дарыкананы көздөй бастык. Мени текшертип отурбай эле дары алдырып салайын деп жатса керек деп ойлогом. Көрсө, бул имаратка бадырайта “дарыкана” деп жазылганы менен ичине кирсек, айтып жаткан компьютердик диагностика борбору экен. Терезесине араң окулган “Пульсовая диагностика” деген жазуу жабыштырылыптыр. Кирип-кире электе эле Жумгалбек байке шашыла: “Акчаңызды бул жакка төлөңүз”, - деп бир эжени көргөздү. 1000 сом акчаны төлөгөн соң квитанция сурасам “квитанция бере турган адам келе элек, текшерилип чыккандан кийин берели” деп койду.
Кирип барсам бөлмө ичинде доктур менен чо­гуу санаганда үч адам бар экен. Уйкусурап отурган врач менен учураштым. “Кайсы жериңиз ооруйт?” деп сураганынан такыр эле оорубаган жерлеримди айттым. Тактап айтканда, жүрөгүм, бөйрөгүм, анан боорум ооруйт дедим. Тамырдын кагышы аркылуу компьютерден текшерген соң: “Ооба, оорулуу экенсиң. Тезинен дарыланышың керек”, - деп диагнозду, иче турган дарыларды бир кагазга толтура жазды да: “Эми сыртта кыздар отурат. Аларга бул баракты көргөзсөң дарылардын баасын жана ичүү тартибин жазып беришет”, - деп узатты. Сыртта отурган Айнура аттуу эже мага жалпы суммасы 5505 сомдук дарыларды жазып берди. Кетерде жанагы ала албай калган квитанцияны, диагноз жазылган баракка мөөр коюп берүүнү сурансам, ар кайсы шылтоону айтышып, өтүнүчүмдү аткарбай коюшту.
Ак халатты кийип отуруп алып, дени соо адамды заматта соо жери жок оорулуу кылгандарына таң калбай коё албадым. Мындай кырдаалга менден бөлөк канча адамдар кабылышты экен? Албетте, мен коюлган диагнозго ишенген жокмун. Ошентсе да, ишенимдүү жерге барып текшерүүдөн өтүүнү чечтим. Колума берилген диагнозду көтөрүп алып, аны тастыктоо үчүн республикалык диагностикалык борборго барып текшерилсем, бири да туура чыккан жок. Жүрөк, боор, бөйрөгүм кудай жалгап, соо экен. Менин окуямды угуп, колумдагы диагнозду көргөн врачтар: “Өлөрүңө үч күн калды” деген диагноз коюп беришкен экен да”, - деп күлүштү.
«Шылуундардын капканына карапайым адамдар түшүп жатат»
Дени-кардым соо экенине көзүм жетип, көңүлүм тынчыган соң республикалык диагностикалык борбордун башкы врачы САУЛЕ Үчкемпированы кепке тарттым.
– Республикалык диагностикалык борбордун алдында үйүлүп, ары-бери өтүп жаткан адамдарды токтотуп алып баракча тараткан адамдар кимдер?
– Алардын көпчүлүгү жумушсуздар. Өздөрүн “консультантмын” деп тааныштырып, ооруган адамдарды чогултуп алып айтылуу диагностикалык борборуна алып барышат. Алар жасап жаткан иштерин аягына чейин түшүнүшпөсө керек. “Ортодон бир аз акча таап алам” деп оорулуу адамдарды жолдон адаштырышат. Оорулуу адамдардын алтынга тете убактысын, акчаларын алып, канчалаган өмүрлөргө зыян келтиришет. Алар рекламалап жатышкан диагностикалык борборлордо тамырдын кагышы аркылуу диагноз коюп, витаминдерди жазып беришет. Аларга кайрылган адамдар убактысын, каражатын кетирип дарыланып жүрө беришет. Оорусун күчөтүп, онкологиялык илдеттери үчүнчү, төртүнчү стадияга жеткенде бизге кайрылышат. Анан алдангандарын билген соң көз жашын төгүшүп: “Мындай шылуундарды жоготпойсуздарбы! Эмне үчүн эч нерсе кылбайсыңар?” - деп капаланышат.
– Чын эле мыдай ишмердүүлүк менен алектенгендерге каршы эмне кылдыңыздар эле?
– Биз милиция кызматкерлерине кайрылганбыз. Бир нече жолу кууп кетирген элек. Болбой эле: “Бизди кубалаганга укугуңар жок, биз жолдо эле турабыз”, - деп келип алышат. Жумушка кирип келе жатып мен да: “Уят деген болуш керек. Канча адамдардын каргышына каласыңар. Өзүңөрдүн туугандарыңарды жөнөтөт белеңер ошол жактарга?” - деп урушуп калам. Унчугушпайт. Мындайларга каршы мыйзам жок болсо да, ар бир инсанда жок дегенде уят деген мыйзам болуш керек.
– Сиз айтып жаткан шылуундардын капканына кандай адамдар түшүп жатышат?
– Карапайым адамдар түшүп жатышат. Мындай шылуундуктан кабары жок адамдар бат ишенишет. “Убактымды, акчамды үнөмдөйм” деп ден соолугун чоң капканга түшүрүп алышат. Ошентип, булар айылдан уюн, жылкысын, жыйнаган түшүмүн сатып, акыркы акчаларын алып дарыланайын деп келе жаткан адамдарды жолдон чыгарышат.
Кесиптешинин кебин Базаркулова Дилназа аттуу врач кардиолог-дерматолог да ырастады.
– Тамырдын кагышы аркылуу компьютердик диагностика борборуна кайрылып, анан бизге келген адамдардын саны көп. Алыс кетпей эле менин жакын туугандарымдын кызы кабылган окуяны айтып берейин. Кызыбыз бир нече жыл мурун айтылган борборго кайрылганда “үч жериңде залалдуу шишик бар” деп диагноз коюшкан экен. Өзү жапжаш эле кыз болсо, рак деген оңой эмес илдет да. Кызыбыздын маанайы чөгүп, эрте күндө өзүн тиги дүйнөгө даярдап койгон. Улам бирибиз айтып жатып араң көндүрүп, кайра текшерүүдөн өткөзсөк, эч кандай шишик жок болуп чыккан. Кийин ал кызды депрессиядан чыгаруу кыйынга турган.

Даярдаган Бактыгүл Сокушова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: